ကန်နိုင်ငံခြားရေးအတိုင်ပင်ခံနှင့် နွေဦးတက္ကသိုလ်ကိုယ်စားလှယ်များ တွေ့ဆုံဆွေးနွေး

အမေရိကန် နိုင်ငံခြားရေးဝန်ကြီးဌာန၊ အတိုင်ပင်ခံပုဂ္ဂိုလ်နှင့် နွေဦးတက္ကသိုလ်ကိုယ်စားလှယ်များတွေ့ဆုံဆွေးနွေးခဲ့ကြောင်း ယနေ့သတင်းထုတ်ပြန်သည်။

အမေရိကန် နိုင်ငံခြားရေးဝန်ကြီးဌာန၊ အတိုင် ပင်ခံပုဂ္ဂိုလ် Derek Chollet ၏ ထိုင်းနိုင်ငံခရီးစဉ်အတွင်း မြန်မာအရေးတက်ကြွလှုပ်ရှားသူ လူငယ်များနှင့် တွေ့ဆုံဆွေးနွေးခဲ့ခြင်းဖြစ်သည်။

ယင်းဆွေးနွေးပွဲတွင် နွေဦးတက္ကသိုလ်မှ ကိုယ်စားလှယ်အချို့ တက်ရောက်ခွင့်ရခဲ့ပြီး နွေဦးတော်လှန်ရေးအပေါ် လူငယ်များ၏ အတွေးအမြင်များ၊ ကြားကာလပညာရေး ဖော်ဆောင်နေမှုများကို ဆွေးနွေးခဲ့သည်ဟု ဆိုသည်။

ထို့အ​ပြင် အာဏာဖီဆန်နေဆဲ CDM ကျောင်းသူ၊ကျောင်းသားများနှင့် ဆရာဆရာမများ၏ အခြေအနေ၊ အမေရိကန်အစိုးရနှင့် ပူးပေါင်းဆောင်ရွက်နိုင်သည့် ပညာရေးဆိုင်ရာ အစီအစဉ်များကို ဆွေးနွေးတင်ပြခဲ့သည်ဟု သတင်းထုတ်ပြန်သည်။

Public Service Announcement

နွေဦးတက္ကသိုလ်သည် ပြည်တွင်းပြည်ပ မိတ်ဖက်အဖွဲ့အစည်းများနှင့်ချိတ်ဆက်၍ ပိုမိုထိရောက်ကောင်းမွန် သော ပညာရေးအစီအစဉ်များ ဖော်ဆောင်နိုင်ရန် ကြိုးပမ်းနေသည်။