Connect with us

Hi, what are you looking for?

LuduNwayOo

သတင်း

ကသာမြို့နယ်အတွင်းတိုက်ပွဲများ၌ စစ်ကောင်စီတပ်မှ၄၀ဦးထက်မနည်း​သေဆုံး

ကသာခရိုင် PDFရင်း-(၃)+ဒေသခံ ပကဖ ပူးပေါင်းတပ်များ ပူးပေါင်း ဆောင်ရွက်ခဲ့သည့် အဆိုပါ တိုက်ခိုက်မှု ၃ကြိမ်အတွင်း စစ်ကောင်စီတပ်မှ ၂၀ဦးထက်မနည်း သေဆုံးခဲ့ပြီးပကဖ ရဲဘော် ၁ဦးကျဆုံးခဲ့ကြောင်းအသိပေထားသည်။

ကသာပြည်သူ့ကာကွယ်​ရေးတပ်ဖွဲ့ဝင်များ။ ။ဓါတ်ပုံ-ကသာပကဖ
ကသာပြည်သူ့ကာကွယ်​ရေးတပ်ဖွဲ့ဝင်များ။ ။ဓါတ်ပုံ-ကသာပကဖ

ပကဖ ၁ ဦးကျဆုံး

ကသာမြို့နယ်တွင် ပြည်သူ့ကာကွယ်ရေးတပ်ပေါင်းစုများနှင့် စစ်ကောင်စီတပ်တို့ တိုက်ပွဲများ ဖြစ်ပွားခဲ့ရာ စစ်ကောင်စီတပ်မှ ၄၀ ဦးထက် မနည်း သေဆုံးပြီး ပြည်သူ့ကာကွယ်ရေးတပ်ဖွဲ့ဝင် ၁ဦး ကျဆုံးခဲ့ကြောင်း ကသာမြို့နယ်ပြည်သူ့ကာကွယ်ရေးအဖွဲ့(ပကဖ)က သတင်ထုတ်ပြန်သည်။

ဇွန်လ ၁၇ရက် က ကသာမြို့နယ်အရှေ့ဘက်ကမ်း အင်းရွာတိုက်နယ်၊ခြောက်မျက်နာ၊အင်းကြီးလမ်း (၁၇)ကွက်အနီး ထိတွေ့မူဖြစ်ခဲ့ကြောင်း၊ ၁၄ ကျောက်တောင်အနီးတွင်လည်း စစ်ကောင်စီတပ်များကို မိုင်းနှစ်လုံးဖြင့်တိုက်ခိုက်ခဲ့ပြီး ညနေပိုင်းတွင် လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း ဖော်ပြသည်။

ကသာခရိုင် PDFရင်း-(၃) ဒေသခံ ပကဖ ပူးပေါင်းတပ်များ ပူးပေါင်း ဆောင်ရွက်ခဲ့သည့် အဆိုပါ တိုက်ခိုက်မှု ၃ကြိမ်အတွင်း စစ်ကောင်စီတပ်မှ ၂၀ဦးထက်မနည်း သေဆုံးခဲ့ပြီးပကဖ ရဲဘော် ၁ဦးကျဆုံးခဲ့ကြောင်းအသိပေထားသည်။

ကသာမြို့ ​၏ ဧရာဝတီမြရ်ကမ်း​တစ်​နေရာ
ကသာမြို့ ​၏ ဧရာဝတီမြရ်ကမ်း​တစ်​နေရာ

ဇွန်လ ၁၇ရက်၌ပင် ကသာမြို့အနီး၊ကာကြီးကွင်းအနောက်ဘက်၊ ငါးကန်အနီး၌ ထမင်းထိုင်စားနေသော အင်အား ၆၀ ခန့်ရှိ စစ်ကောင်စီတပ် အား နေ့လည် ၂နာရီခန့်တွင်ကသာ ပကဖနှင့် ABSDF ပူးပေါင်းပျောက်ကြားတပ်ဖွဲ့မှ ပစ်ခတ်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် များ သေဆုံးထိခိုက်များခဲ့သည်ဟု ဆိုသည်။

Public Service Announcement
Public Service Announcement

စစ်​ကောင်စီတပ်​သေဆုံးမှုများနှင့်ပတ်သပ်၍ People’s Spring ကသီးခြားအတည်မပြုနိုင်ပါ။ စစ်​ကောင်စီကလည်းတိုက်ပွဲသတင်းများကိုထုတ်ပြန်​​လေ့မရှိဘဲ သတင်းအ​မှောင်ချထားသည်။အထူးသဖြင့်စစ်​ကောင်စီတပ်အထိ့နာလျှင် ထုတ်ပြန်ခြင်းလုံးဝမရှိပါ။

ကသာ၊ထီးချိုင့်၊ကန့်ဘလူ၊ ​ကောလင်း၊ ကျွန်းလှစ​သောမြို့နယ်များမှာ အာဏာသိမ်းစစ်​ကောင်စီကို ခုခံတွန်းလှန်စစ်အား​ကောင်းစွာဆင်နွှဲ​နေ​သော​ဒေသဖြစ်သည်။
ကသာ၊ထီးချိုင့်၊ကန့်ဘလူ၊ ​ကောလင်း၊ ကျွန်းလှစ​သောမြို့နယ်များမှာ အာဏာသိမ်းစစ်​ကောင်စီကို ခုခံတွန်းလှန်စစ်အား​ကောင်းစွာဆင်နွှဲ​နေ​သော​ဒေသဖြစ်သည်။

ညနေ ၄နာရီခန့်တွင် ကင်တာ ကားတစ်စီးဖြင့် လူနာများကို သယ်ဆောင်သွားပြီးဆေးရုံသို့ပို့ဆောင်ခဲ့ကြောင်း၊စစ်ကောင်စီတပ်မှ ၂၀ဦးထက်မနည်း သေဆုံးခဲ့ကြောင်း ကသာမြို့တွင်း ပြည်သူများက သတင်းပေးပို့သည်ဟု ဖော်ပြထားသည်။

ယ​နေ့ညတွင် စစ်ကိုင်းတိုင်းပင်လယ်ဘူးမြို့၌ လည်း ပသ်ခတ်သံများကျယ်​လောင်စွာကြား​နေရပြီးတိုက်ပွဲဖြစ်ပွား​နေ​ကြောင်း​ဒေသခံအချို့က​ပြောသည်။ ဇွန် ၁၇ ညတွင် စစ်ကိုင်းတိုင်းရှိ ပင်လယ်ဘူး ၊မုံရွာမြို့ရှိ နမခ နှင့် ကချင်ပြည်နယ် မြစ်ကြီးနားရှိစစ်​ကောင်စီ ​လေတပ်စခန်းများတွင် ဗုံး​ပေါက်ကွဲသံများ။ပစ်ခတ်သံများကြားရ​ကြောင်း​ဒေသခံသတင်းရင်းမြစ်များထံမှသိရသည်။

You May Also Like

သတင်း

ဒီလို ကုန်ကျစရိတ်တိုးကောက်ရတာဟာ ဂျပန်ယန်းဈေးနှုန်းအပြောင်းအလဲကြောင့်ဖြစ်တယ်လို့ စစ်ကောင်စီက ဆိုထားပါတယ်။

သတင်း

စစ်ကောင်စီသည် ၎င်းတို့ အာဏာတည်မြဲရေးအတွက် နည်းမျိုးစုံဖြင့် လုပ်ဆောင်မည်ဖြစ်ပြီး ပြည်သူများမည်မျှပင် သေဆုံးစေကာမူ နှိပ်စက် ဖျက်ဆီးမည်ဖြစ်ကြောင်း ရိုက်တာ သတင်းဌာနမှတဆင့် နိုင်ငံတကာသို့ ပြောသည်။

သတင်း

သေနတ်သုံးလက် သိမ်းဆည်းနိုင်ခဲ့ မန္တလေးတိုင်း၊ ညောင်ဦးမြို့နယ်၊ စဉ့်ကူနယ်မြေရဲစခန်းမှ ရဲငါးဦး ဘီယာဆိုင်ထိုင်နေစဥ် ဝင်ရောက် တိုက်ခိုက်ခဲ့ရာ စခန်းမှူးအပါအဝင် ငါးဦးလုံးသေဆုံးပြီး သေနတ်သုံးလက်သိမ်းဆည်းနိုင်ခဲ့ကြောင်း ပခုက္ကူမြို့ပြပြောက်ကျားတပ်ဖွဲ့(တပ်ဖွဲ့-၂)က ထုတ်ပြန်သည်။ ယမန်နေ့ (ဒီဇင်ဘာ၁ ရက်)မွန်းလွဲ ၁နာရီခန့်ကညောင်ဦး​မြို့နယ်၊ စဥ့်ကူရဲစခန်း၏ စခန်းမှူးအပါအဝင် ရဲငါးဦးသည် တက်မမှော်အတွင်းရှိ ဘီယာဆိုင်တစ်ဆိုင်တွင် ထိုင်နေချိန်...

သတင်း

ထိတွေ့ရင်ဆိုင်တိုက်ပွဲများအတွင်း ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၅)ဘက်က စစ်သည်တော် ၉ဦးကျဆုံးခဲ့ပြီး ၂၆ဦး ဒဏ်ရာရခဲ့ကြောင်း အသိပေးထားသည်။