အင်းတော်မြို့နယ် မဲဇာနယ်မြေရဲစခန်းမှူးလိုက်ပါလာသည့်ယာဥ်အား မိုင်းဆွဲတိုက်ခိုက်ခဲ့ကြောင်း အင်းတော်မြို့နယ်တော်လှန်ရေးအင်အားစု(IR)က ယနေ့(ဇွန် ၂၀) ထုတ်ပြန်သည်။
ယနေ့ မွန်းလွဲ ၃ နာရီခန့်က အင်းတော်မြို့မှ မဲဇာရွာဘက်ပြန်လာသည့် မဲဇာနယ်မြေစခန်းမှူးမောင်မောင်လှတင့်နှင့် ရဲတစ်ဦးမောင်းနှင်လာသည့်ယာဥ်ကို အင်းတော်နှင့် မဲဇာကြားတွင် မိုင်းဆွဲတိုက်ခိုက်ခဲ့ကြောင်း ဖော်ပြသည်။
“မိုင်းက မောင်မောင်လှတင့်ထိုင်တဲ့ဘက်ကိုမကျတော့ သူက မျက်နှာတော့စုပ်သွားတယ်။ ယာဥ်မောင်းဘက်ကထိုင်တဲ့ရဲတစ်ယောက်ကတော့ ပြင်းထန်ဒဏ်ရာရသွားတယ်”ဟု IR အဖွဲ့မှ တော်လှန်ရေးရဲဘော်တစ်ဦးက ပြော သည်။
အဆိုပါတိုက်ခိုက်ခံရမှုကြောင့် ဒဏ်ရာရသွားသော မဲဇာစခန်းမှူးနှင့် ရဲတပ်သားတစ်ဦးတို့ကို အင်းတော်မြို့နယ်ရဲစခန်းတွင် ကုသပေးနေကြောင်း ၎င်းရဲဘော်က ဆက်ပြောသည်။
Public Service Announcement
အင်းတော်မြို့နယ် မဲဇာနယ်မြေရဲစခန်းမှ စခန်းမှူးဖြစ်သူနှင့် ရဲတပ်သားတို့သည် ပြီးခဲ့သည့်လပိုင်းက လက်နက်နှင့်အတူ CDM ပြုလုပ်သွားသည့်အတွက် ယခင်က အင်းတော်မြို့နယ်ရဲမှူးဟောင်း မောင်မောင်လှတင့်အား ရာထူး လျှော့ကာ မဲဇာသို့ပို့ထားခြင်းဖြစ်သည်။
