Connect with us

Hi, what are you looking for?

LuduNwayOo

သတင်း

စဥ့်ကူးမြို့နယ်တွင် စစ်ရေးတိုက်ခိုက်မှုပြုလုပ်ရန်အသွား သတင်းပေါက်ကြားပြီး PDF ရဲဘော်ခြောက်ဦး ကျဆုံး

ထို့အပြင် သပိတ်ကျင်းမြို့နယ်တော်လှန်ရေးတပ်ဖွဲ့ (TR)မှ အသိပေးထုတ်ပြန်ရာတွင်လည်း ကျဆုံးရဲဘော်များ၏ ဖုန်းများမှတဆင့် ခြေရာခံကာ အခြားတော်လှန် ရေးရဲဘော်များကိုလည်း စစ်​ကောင်စီတပ်က ရှာဖွေနေကြောင်း ဖော်ပြသည်။

စဥ့်ကူးမြို့နယ်
စဥ့်ကူးမြို့နယ်

မန္တလေးတိုင်း၊ စဥ့်ကူးမြို့နယ်တွင် စစ်ရေးတိုက်မှုပြု လုပ်ရန်သွားရောက်စဥ် သတင်းပေါက်ကြားပြီး PDF ရဲဘော်ခြောက်ဦးကျဆုံးခဲ့ရကြောင်း စဥ့်ကူးမြို့နယ် ဥဒေါင်းမင်းပြောက်ကျားတပ်ဖွဲ့က အသိပေး​ထုတ်ပြန် သည်။

ဥဒေါင်းမင်းပြောက်ကျားတပ်နှင့် မဟာမိတ်ညီနောင်များသည် ဇွန်လ ၁၅ ရက်က စဥ့်ကူးမြို့နယ် နွယ်ရုံရွာဘက်သို့ ဒလန်ရှင်းလင်းရေး Mession သွားရောက်စဥ် သတင်းပေါက်ကြားကာ စစ်ကောင်စီတပ်၏ စောင့်ကြိုတိုက်ခိုက်ခြင်းကိုခံခဲ့ရသည်ဟု ဖော်ပြသည်။

ယင်းတိုက်ခိုက်ခံရမှုကြောင့် ဥဒေါင်းမင်းပြောက်ကျား တပ်မှ ခေါင်းဆောင်ဖြစ်သူ ရဲ ဘော်ဝါကြီးနှင့် ရဲဘော်တစ်ဦးအပြင် မဟာမိတ်ညီနောင်များမှ ရဲဘော်လေးဦးတို့ မြင့်မြတ်စွာကျဆုံးခဲ့ရပြီး ကျဆုံးအာဇာနည်ညီအစ်ကိုများအတွက် အလေးနီပြုခဲ့ကြောင်း၊ အမိန့်ပြန်တမ်းကို တော်လှန်ရေးအောင်မြင်ချိန်ရောက်မှ ထုတ်ပြန်သွားမည်ဖြစ်ကြောင်း အသိပေးသည်။

ထို့အပြင် သပိတ်ကျင်းမြို့နယ်တော်လှန်ရေးတပ်ဖွဲ့ (TR)မှ အသိပေးထုတ်ပြန်ရာတွင်လည်း ကျဆုံးရဲဘော်များ၏ ဖုန်းများမှတဆင့် ခြေရာခံကာ အခြားတော်လှန် ရေးရဲဘော်များကိုလည်း စစ်​ကောင်စီတပ်က ရှာဖွေနေကြောင်း ဖော်ပြသည်။

Public Service Announcement

Public Service Announcement

“မတ္တရာမြို့နယ်၊ ကောက်ရိုးပုံရွာသို့ စစ်ကောင်စီတပ်ဖွဲ့ဝင် ၅၀၀ကျော် ရောက်ရှိလာပြီး အဆိုပါဖုန်းများမှတစ်ဆင့် ရွာအတွင်း ရှာဖွေမှုများပြုလုပ်ခဲ့ကြောင်း သိရှိရပါသည်”ဟု TR က ပြောသည်။

ပြီးခဲ့သည့် မေလအတွင်းကလည်း စဥ့်ကူးနှင့် မတ္တရာမြို့နယ်ကြားရှိ PDF စခန်းတစ်ခုအား စစ်ကောင်စီတပ်က ဝင်ရောက်စီနင်း လင်းယုန်တပ်ဖွဲ့မှ ဒုခေါင်းဆောင်ရဲဘော်ဇီးရိုးတူး ကျဆုံးခဲ့ရသည်။

ဆက်စပ်သတင်းများ

သတင်း

မန္တလေးတိုင်း၊ မတ္တရာမြို့နယ်တိုက်ပွဲမှ ထွက်ပြေးလာသော စစ်ကောင်စီတပ်သား နှစ်ဦးကို လက်နက်ခဲယမ်းနှင့်အတူ ဖမ်းဆီးရမိကြောင်း ရွှေဘိုခရိုင်အမှတ်(၁၈)တပ်ရင်းက သတင်းထုတ်ပြန်သည်။

ဆောင်းပါး

သစ်ပင်ခြုံနွယ်တွေနဲ့ထူထပ်နေတဲ့ နေအိမ်တစ်လုံးရှေ့မှာ ကိုနွယ်မတ်တပ်ရပ်နေတယ်။ ၃ နှစ်ကျော် နေသူကင်းမဲ့ပြီး ရှင်းလင်းမဲ့သူမရှိတာကြောင့် အိမ်ခြံဝင်းနဲ့ လမ်းကြားထဲမှာကို သစ်ပင်တွေက တောထနေတယ်။ အိမ်ခြံဝင်းထဲမှာလည်း အလေ့ကျအပင်မင်းမူနေတယ်။ သံဝင်းတံခါးပေါ်မှာလည်း အပင်တွေက ရစ်ပတ်နွယ်တက်နေတယ်။

ဗီဒီယို

မန္တလေးတိုင်း ၊မတ္တရာမြို့ နယ်ထဲက စစ်ကောင်စီတပ်စခန်းတွေကို ထိုးစစ်ဆင်ရာမှာ သုံးပတ်တာအတွင်း စခန်း ၃၀ နီးပါး ကို သိမ်းယူပြီးပြီလို့ မန္တလေး PDF က အသိပေးပါတယ်။

သတင်း

စဉ့်ကူးမြို့တိုက်ပွဲတွင် ဧရာဝတီမြစ်အတွင်း ဆီပုံးများဖြင့် ထွက်ပြေးသွားသော ဗိုလ်အဆင့်အရာရှိနှစ်ဦးအပါအဝင် စစ်ကောင်စီတပ်ဖွဲ့ဝင် ခုနစ်ဦးကို ယမန်နေ့(ဇူလိုင် ၁၈ရက်)ညနေက ဖမ်းမိထားသည်။