ဖားကန့်မြို့နယ် ဆိပ်မူကျေးရွာအထက်တန်းကျောင်းအနီး ယနေ့ နေ့လည် ၁၂နာရီခန့်က ပေါက်ကွဲမှုဖြစ်ခဲ့ကြောင်း ဒေသခံများက ပြောသည်။
ဆိပ်မူကျေးရွာ အထက်တန်းကျောင်းနှင့် ပေ ၅၀ခန့်အကွာ လမ်းဘေးတစ်နေရာတွင် ပေါက်ကွဲခြင်းဖြစ်ပြီး ထိခိုက်မှု အသေးစိတ်အခြေအနေကိုမသိရသေးဟု ဒေသခံတစ်ဦးက ပြောသည်။
” စစ်တပ်က လုံခြုံရေးယူထားတဲ့နေရာဝန်းကျင်မှာ ပေါက်တာ။ KIA နဲ့ PDFက ကလေးတွေ ရှိတဲ့ကျောင်းကို ပစ်မှတ်မထားဘူး။ အခုက ကျောင်းတွေနားမှာ ပေါက်ကွဲမှု ဖြစ်နေတာ တစ်ခါလည်း မဟုတ်။ နှစ်ခါလည်း မဟုတ်” ဟု ကျောင်းသားမိဖတစ်ဦးက ပြောသည်။
ဇွန်လ ၄ရက်ကလည်း ဖားကန့်မြို့နယ် ဟောင့်ပါးအုပ်စု၊ ဟောင်ပါးကျေးရွာ စာသင်ကျောင်းဝင်းအတွင်း မိုင်းပေါက်ကွဲခဲ့သေးသည်။
Public Service Announcement
စစ်အာဏာရှင်ဆန့်ကျင်တော်လှန်ရေးအားကောင်းသည့် ဖားကန့်တွင် စစ်ကောင်စီက စာသင်ကျောင်းများ ဖွင့်ထားပြီး KIA နှင့် PDFတို့သည် စာသက်ကျောင်းများကို ဗုံးခွဲမည့်အကြမ်းဖက်အဖွဲ့ဟု ဝါဒဖြန့်နေကြောင်း ဒေသခံများက ပြောသည်။
“ဖားကန့်က လူညီတယ်။ ကျောင်းတက်တဲ့သူလည်း နည်းပါတယ်။ စစ်တပ်က သူ့ဘာသာသူ မိုင်းထောင်ဖောက်ခွဲပြီး လုပ်ကြံဇာတ်လမ်းရိုက်နေတာ”ဟု ဒေသခံတစ်ဦးက ပြောသည်။
