Connect with us

Hi, what are you looking for?

LuduNwayOo

သတင်း

တရုတ်က မြန်မာအတွက်ပေးတဲ့ ကိုဗစ်ကာကွယ်ဆေး အာဆီယံအထူးကိုယ်စားလှယ် လက်ခံ

စစ်ကောင်စီကနေတဆင့်ဖြတ်သန်းသွားမယ့် အာဆီယံ လူသားချင်းစာနာထောက်ထားမှု အစီအစဉ်ဟာ စစ်ကောင်စီကို တရားဝင်အသိအမှတ်ပြုတာနဲ့ စစ်ကောင်စီနယ်မြေစိုးမိုးမှု ပိုရအောင် အားပေးရာရောက်တယ်လို့ဝေဖန်တာတွေလည်းရှိနေပါတယ်။

ဓာတ်ပုံ−ကမ္ဘောဒီးယားနိုင်ငံခြားရေး
ဓာတ်ပုံ−ကမ္ဘောဒီးယားနိုင်ငံခြားရေး

မြန်မာနိုင်ငံအတွက် ကိုဗစ်ကာကွယ်ဆေး အလုံးရေ ၂ သန်းကို တရုတ်အစိုးရဟာ အာဆီယံအထူးကိုယ်စားလှယ် ထံ ပေးအပ်လာတယ်လို့ ကမ္ဘောဒီးယားနိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။

ကာကွယ်ဆေးပေးအပ်ပွဲကို ရန်ကုန်မြို့မှာရှိတဲ့ တရုတ်သံအမတ်ကြီးရဲ့နေအိမ်မှာ ဒီနေ့ ပြုလုပ်ခဲ့တာလို့သိရပါတယ်။

ဓာတ်ပုံ−ကမ္ဘောဒီးယားနိုင်ငံခြားရေး
ဓာတ်ပုံ−ကမ္ဘောဒီးယားနိုင်ငံခြားရေး

မြန်မာနိုင်ငံကိုရောက်နေတဲ့ အာဆီယံအထူးကိုယ်စားလှယ်ဖြစ်သူ ကမ္ဘောဒီးယားနိုင်ငံရေးဝန်ကြီး ပရက်ဆွန်ခွန်ကို မြန်မာနိုင်ငံဆိုင်ရာ တရုတ်သံအမတ်က ကာကွယ်ဆေးပေးအပ်ခဲ့တယ်လို့သိရပါတယ်။

ဒီကာကွယ်ဆေးဟာ ပြီးခဲ့တဲ့ လပိုင်းက ကမ္ဘောဒီးယားနိုင်ငံ ၊ဖနွမ်းပင်မှာကျင်းပခဲ့တဲ့ မြန်မာနိုင်ငံအတွက် လူသားချင်းစာနာထောက်ထားမှုအစီအစဉ်ရဲ့အစိတ်အပိုင်းလည်းဖြစ်ပါတယ်။

Public Service Announcement

Public Service Announcement

ဓာတ်ပုံ−ကမ္ဘောဒီးယားနိုင်ငံခြားရေး
ဓာတ်ပုံ−ကမ္ဘောဒီးယားနိုင်ငံခြားရေး

တရုတ်က လှူတဲ့ကာကွယ်ဆေးကို သွားလာရေးခက်ခဲတဲ့ နေရာတွေ ထိုးနှံပေးမယ်လို့သိရပါတယ်။ ကာကွယ်ဆေးပေးအပ်ပွဲမှာတော့အာဆီယံအထူးကိုယ်စားလှယ်က လူသားချင်းစာနာထောက်ထား အကူအညီပေးရေးမှာ အရောင်အသွေးမပါသင့်ဘူးလို့ဆိုပါတယ်။

ဒါအပြင် နိုင်ငံရေးမတူကွဲပြားမှုတွေကိုဘေးဖယ်ထားပြီး လူသားချင်းစာနာထောက်ထားမှုခေါင်းစဉ်အောက်ကနေ မြေပြင်မှာ အခြေအနေတိုးတက်အောင်လုပ်သင့်တယ်လို့ပြောပါတယ်။

စစ်ကောင်စီကနေတဆင့်ဖြတ်သန်းသွားမယ့် အာဆီယံ လူသားချင်းစာနာထောက်ထားမှု အစီအစဉ်ဟာ စစ်ကောင်စီကို တရားဝင်အသိအမှတ်ပြုတာနဲ့ စစ်ကောင်စီနယ်မြေစိုးမိုးမှု ပိုရအောင် အားပေးရာရောက်တယ်လို့ဝေဖန်တာတွေလည်းရှိနေပါတယ်။

ဆက်စပ်သတင်းများ

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

နိုင်ငံတကာ

၂၀၂၂ ခုနှစ်တုန်းကလည်း ပူတင်နဲ့ ရှီတို့ဟာ တရုတ်-ရုရှား ဆက်ဆံရေးဟာ အကန့်အသတ်မရှိ ကျယ်ပြန့်နိုင်တယ်လို့ ထုတ်ပြန်ခဲ့ကြဖူးပါတယ်။

သတင်း

ဂျာမန်ကုမ္ပဏီ Traton SE၏ လက်အောက်ခံကုမ္ပဏီ MAN SEသည် Sinotruk ကုမ္ပဏီ၏ လက်အောက်ခံကုမ္ပဏီ Sinotruk (Hongkong)တွင် ရှယ်ယာ ၂၅ ရာခိုင်နှုန်းပိုင်ဆိုင်ထားသည်။

နိုင်ငံတကာ

ပြည်နယ် အစိုးရဟာ အခင်းဖြစ်တဲ့ နေရာမှာ ကယ်ဆယ်ရေးနဲ့ အကူအညီပေးရေးတွေ ဆောင်ရွက်ဖို့ အင်အား ၅၀၀ လောက်ကို ချက်ချင်း စေလွှတ်ပေးခဲ့ပါတယ်။