မြန်မာပြည်သူများကို ဆက်လက်ပံ့ပိုးကူညီမည်ဟု ကနေဒါသံရုံး ထုတ်ပြန်

ရက်စက်ကြမ်းကြုတ်သော အကြမ်းဖက်မှုကျူးလွန်သူများကို အရေးယူရန် ကြိုးပမ်းမှု အပါအဝင် ပိုမိုငြိမ်းချမ်းသော ဒီမိုကရေစီနိုင်ငံသို့ ဦးတည်လုပ်ဆောင်နေသော မြန်မာပြည်သူများကို ဆက် လက်ပံ့ပိုးကူညီမည်ဟု ကနေဒါသံရုံးက ယနေ့ထုတ်ပြန်သည်။

ဇူလိုင် ၁ ရက်တွင် ကျရောက်သော ကနေဒါနေ့တွင် ယင်းသို့ထုတ်ပြန်ခြင်းဖြစ်ပြီး ဒီမိုကရေစီ၊ လူ့အခွင့်အရေးနှင့် တရားဥပဒေစိုးမိုးရေးတို့ကို လေးစားလိုက်နာခြင်းအပါအဝင် ၎င်းတို့ လိုလားတောင့်တသော စံနှုန်းများကို ဂုဏ်ပြုကျင်းပကြောင်း ထုတ်ပြန်ချက်၌ ဖော်ပြသည်။

ကနေဒါသည် ပြည်တွင်းပြည်ပ၌ အထက်ပါအခြေခံစံနှုန်းများကို ကာကွယ်မြှင့်တင်ရန် ယနေ့ ထပ်လောင်းအတည်ပြုသည်။

မြန်မာနိုင်ငံတွင် တရားမဝင်သော စစ်အာဏာသိမ်းမှုကို ကနေဒါက ပြင်းထန်စွာကန့်ကွက် ရှုတ်ချထားပြီး အကြမ်းဖက်စစ်ခေါင်းဆောင်များ၊ ပါဝင်ပတ်သက်သူများ၊ စစ်တပ်စီးပွားရေးလုပ် ငန်းများကို အရေးယူဒဏ်ခတ်မှုများ ပြုလုပ်ထားသည်။

Public Service Announcement