မုံရွာ – ယာကြီးလမ်းပေါ်ရှိ ငါးမိုင်တိုးဂိတ်နှင့်မြေဖွေးတောင်အနီးရှိ စစ်ကောင်စီတပ်ကို မိုင်းဆွဲတိုက်ခိုက်၊ လက်ရှိတွင် တိုက်ပွဲဖြစ်နေ

မုံရွာ – ယာကြီးလမ်းပေါ်ရှိ ငါးမိုင်တိုးဂိတ်နှင့်မြေဖွေးတောင်အနီး စစ်ကောင်စီတပ်ကို မိုင်းဆွဲတိုက်ခိုက်ခဲ့ပြီး ထိတွေ့မှုများဖြစ်ပွားနေကြောင်း ယင်းမာပင်- ကနီ မဟာမိတပ်ပေါင်းစုက ယနေ့ (ဇူလိုင် ၅ ရက်) ထုတ်ပြန်သည်။

“လောလောဆယ်တော့တိုက်ပွဲကမပီးသေးဘူးဗျ”ဟု အဆိုပါအဖွဲ့က People’s Springသို့ ယနေ့နံနက် ၁၀နာရီခန့်က ပြောသည်။

မိုင်းဆွဲတိုက်ခိုက်ခံရသည့် စစ်ကောင်စီတပ်သားများမှာ ဘန့်ဘွေးရွာမ‌မှထွက်လာသူများဖြစ် ကြောင်းလည်း အသိပေးသည်။

ထို့ကြောင့် လက်ရှိစစ်ရေးအခြေအနေအရ တိုက်ပွဲနေရာနှင့် မုံရွာ – ယာကြီးလမ်းပိုင်းအား ခရီးသွားပြည်သူများ၊ ဒေသခံများအနေဖြင့် ရှောင်ရှားပေးရန် မေတ္တာရပ်ခံသည်။

Public Service Announcement

ဇူလိုင် ၃ ရက်ကလည်း စစ်ကောင်စီတပ်စွဲထားသည့် ယင်းမာပင်မြို့နယ်ဘန့်ဘွေးရွာမ (ဒေသအခေါ်) ပျူစောထီးရွာသို့ ပြည်သူ့ကာကွယ်ရေးပူးပေါင်းတပ်များ ဝင်ရောက်တိုက်ခိုက်ရာ စစ်ကောင်စီတပ်ဖွဲ့ဝင် ၁၀ဦးထက်မနည်း သေဆုံးနိုင်ကြောင်း KLG PDF က ထုတ်ပြန်ထားသည်။

အဆိုပါဘန့်ဘွေးရွာမ (ဒေသအခေါ်) ပျူစောထီးရွာတွင် စစ်ကောင်စီတပ်ဖွဲ့ဝင် အပါအဝင် လေ့ကျင့်ပေးထားသောပျူစောထီး စုစုပေါင်း ၁၀၀ခန့်တပ်စွဲထားသည်ဟု ဒေသတွင်းပြည်သူ့ကာကွယ်‌‌ရေးတပ်များက ပြောသည်။