Connect with us

Hi, what are you looking for?

LuduNwayOo

သတင်း

ကျဆုံး NLDအမတ် ဦးကျော်မျိုးမင်းအား နွေဦးအာဇာနည်သူရဲကောင်းအဖြစ် မှတ်တမ်းတင်ကြောင်း KNUသထုံခရိုင် မိတ်ဖက်ရေးရာကော်မတီ ထုတ်ပြန်

KNU သထုံခရိုင် တပ်မဟာ(၁)နယ်မြေတွင် KNU လက်အောက်ခံ တပ်ရင်းတပ်ဖွဲ့များ၊ ပြည်သူ့ကာကွယ် ရေးတပ်(PDF)နှင့် အခြားတော်လှန်ရေးအင်အားစုများ ပူးပေါင်းပြီး မိတ်ဖက်ရေးကာကြီးကြပ်ကွပ်ကဲမှုကော်မတီကို ဖွဲ့စည်းဆောင်ရွက်နေခြင်းဖြစ်သည်။

ဓာတ်ပုံ - KNUသထုံခရိုင် မိတ်ဖက်ရေးရာကော်မတီ
ဓာတ်ပုံ - KNUသထုံခရိုင် မိတ်ဖက်ရေးရာကော်မတီ

စစ်ကောင်စီတပ် ဖမ်းဆီးနှိပ်စက်သတ်ဖြတ်၍ ကျဆုံးခဲ့ရသည့် အမျိုးသားဒီမိုကရေစီအဖွဲ့ချုပ်(NLD) လွှတ်တော်ကိုယ်စားလှယ် ဦးကျော်မျိုးမင်းအား နွေဦးအာဇာနည်သူရဲကောင်းအဖြစ် မှတ်တမ်းတင်ကြောင်း ကရင်အမျိုးသားအစည်းအရုံး(KNU) သထုံခရိုင် မိတ်ဖက်ရေးရာကြီးကြပ်ကွပ်ကဲမှုကော်မတီက ယနေ့ ထုတ်ပြန် သည်။

ဦးကျော်မျိုးမင်းသည် ကော်မတီ၏အတွင်းရေးမှူး(၂) အဖြစ် တာဝန်ယူထားသူလည်းဖြစ်ပြီး ဘီးလင်းမြို့နယ်တွင် စစ်ကောင်စီတပ်စစ်ကြောင်းတစ်ခုက ဖမ်းဆီးနှိပ်စက်သတ်ဖြတ်ခဲ့ခြင်းဖြစ်သည်။

ဓာတ်ပုံ - KNUသထုံခရိုင် မိတ်ဖက်ရေးရာကော်မတီ
ဓာတ်ပုံ – KNUသထုံခရိုင် မိတ်ဖက်ရေးရာကော်မတီ

ဦးကျော်မျိုးမင်းအပါအဝင် ၄ဦးကို စစ်ကောင်စီတပ်က ဇွန်လ ၂၂ရက်တွင် ဖမ်းဆီးခဲ့ရာ တစ်ဦးမှာ ယင်းနေ့၌ ကျဆုံးခဲ့ပြီး ဦးကျော်မျိုးမင်း နှင့်အခြားနှစ်ဦးကို စစ်ကောင်စီတပ်က ဖမ်းဆီးခေါ်ဆောင်ကာ ဇွန်လ ၃၀ရက်တွင် နှိပ်စက်သတ်ဖြတ်ကာ အလောင်းကို စွန့်ပစ်ခဲ့သည်ဟုဆိုသည်။

ဦးကျော်မျိုးမင်းသည် မြန်မာနိုင်ငံတွင်း ထာ၀ရ ငြိမ်းချမ်းရေးနှင့် စစ်မှန်သော ဖက်ဒရယ်ဒီမိုကရေစီ ပြည်ထောင်စု ပေါ်ထွန်းလာရေးအတွက် စစ်အာဏာရှင်နှင့် အပေါင်းအပါများအား ဖြုတ်ချရေး လက်နက်ကိုင် တော်လှန်စစ်ဆင်နွှဲရာ၌ ကျရာတာဝန်အား ကျေပွန်စွာ ထမ်းဆောင်ရင်း ကျဆုံးခဲ့ခြင်းဖြစ်ကြောင်း KNU သထုံခရိုင် မိတ်ဖက်ရေးရာ ကော်မတီက ထုတ်ပြန်သည်။

Public Service Announcement

Public Service Announcement

ဓာတ်ပုံ - KNUသထုံခရိုင် မိတ်ဖက်ရေးရာကော်မတီ
ဓာတ်ပုံ – KNUသထုံခရိုင် မိတ်ဖက်ရေးရာကော်မတီ

KNU သထုံခရိုင် တပ်မဟာ(၁)နယ်မြေတွင် KNU လက်အောက်ခံ တပ်ရင်းတပ်ဖွဲ့များ၊ ပြည်သူ့ကာကွယ် ရေးတပ်(PDF)နှင့် အခြားတော်လှန်ရေးအင်အားစုများ ပူးပေါင်းပြီး မိတ်ဖက်ရေးကာကြီးကြပ်ကွပ်ကဲမှုကော်မတီကို ဖွဲ့စည်းဆောင်ရွက်နေခြင်းဖြစ်သည်။

စစ်ကောင်စီတပ် ဖမ်းဆီးသတ်ဖြတ်ခဲ့သည့် ဦးကျော်မျိုးမင်း၊ ကိုကိုမောင်၊ကိုပန်းမြင့်တို့ ကျဆုံးခဲ့ရခြင်းနှင့်ပတ်သက်၍ KNUတပ်မဟာ(၁) ခေါင်းဆောင်၏ ညွှန်ကြားချက်အရ မိတ်ဖက်ရေးရာကြီးကြပ်ကွပ်ကဲရေး ကော်မတီ၏အတွင်းရေးမှူးအဖွဲ့ဝင် တစ်ဦး ဦးဆောင်၍ မိတ်ဖက်တော်လှန်ရေးအဖွဲ့အစည်းဖြစ်သည့်”People’s Force”မှ ဆေးတပ်ဗိုလ်ကြီးအပါတပ်စိတ် တစ်စိတ်ဖြင့် Dead body များအား တောနင်းရှာဖွေခြင်း၊ တူးဖော်ခြင်း၊ အတည်ပြုခြင်း၊ စနစ်တကျ ပြန်လည်သဂြိုလ်ပေးခြင်းနှင့် အမိန့်ပြန်ခြင်း လုပ်ငန်းများ ဆောင်ရွက်ခဲ့သည်ဟု ထုတ်ပြန်ခဲ့သည်။

ဆက်စပ်သတင်းများ

သတင်း

ကျောက်ညှပ်-ဝါလူ(ခမရ ၄၅၄) ၊ တာဘူကျိုး (ခမရ(၄၃၄)၊ ပန်ဟိုက်-ကဟီးကျိုး(ခမရ ၄၃၄)၊ လယ်တိုး (ခလရ-၁၉)နှင့် နတ်တောင်-မောဖိုးကျိုး(ခမရ - ၄၃၀) စသည့် အခြေချ စခန်း ၅ခု အပြီးအပိုင် ပြန်လည်ရုတ်သိမ်းခဲ့ကြောင်း တပ်မဟာ(၅)က ထုတ်ပြန်သည်။

သတင်း

၁၉၈၈ စက်တင်ဘာ ၂၄ ရက်တွင် ဖွဲ့စည်းပြီး ၂၇ ရက်တွင် တရားဝင်ပါတီမှတ်ပုံတင်ခဲ့သည့် အမျိုးသားဒီမိုကရေစီအဖွဲ့ချုပ်(NLD)၌ ဒုတိယဥက္ကဌအဖြစ် ဆောင်ရွက်ခဲ့သည်။

သတင်း

ထိုင်းနိုင်ငံ ဝန်ကြီးချုပ်ဟောင်း သက်ဆင်က မြန်မာ့အရေး နှင့်ပတ်သက်ပြီး ကြားဝင်ဆောင်ရွက်ရန် ကြိုးစားနေမှု အပေါ် KNU၏ သဘောထားကို မေးမြန်းစဉ် ယခုကဲ့သို့ တုန့်ပြန်ခဲ့ခြင်းဖြစ်သည်။

သတင်း

စစ်ကောင်စီသည် KNUနယ်မြေများအတွင်းရှိ အရပ်သား ပြည်သူများကို လေကြောင်း တိုက်ခိုက်မှု လက်နက်ကြီးပစ်ခတ်မှုများ ဆက်တိုက်ပြုလုပ်လျက်ရှိသည်။