မတူပီမြို့နယ်တွင် ဇူလိုင်လဝက်အတွင်း တိုက်ပွဲလေးကြိမ်ဖြစ်ခဲ့ပြီး စစ်ကောင်စီတပ်မှ သေဆုံးထိခိုက်မှုရှိခဲ့ကြောင်း မတူပီCDFက အသိပေးထားသည်။
မတူပီမြို့နယ် လိုင်လင်းပီမြို့မှ ခြေလျင် စစ်ကြောင်းထိုးလာသည့် စစ်ကောင်စီတပ်ကို မတူပီ CDFက ဇူလိုင် ၆ရက်မှ စတင်တိုက်ခိုက်ခဲ့ရာ ဇူလိုင် ၁၁ရက်အတွင်း တိုက်ပွဲ လေးကြိမ်ဖြစ်ခဲ့သည်ဟု ဆိုသည်။
“အခုလောလောဆယ်တော့ ငြိမ်နေတဲ့အခြေအနေရှိတယ်။ သူတို့က လိုင်လင်းပီကနေ မြို့ထဲ ပြန်ဝင်သွားတယ်။ မင်းတပ် – မတူပီ လမ်းဘက်မှာတော့ သူတို့က လှုပ်ရှားမှုတွေ ထွက်လိုက်ဝင်လိုက် အဝင်အထွက်တွေရှိတာပေါ့။ သူတို့ဘက်က လှုပ်ရှားမှုရှိရင် ကျွန်တော်တို့ဘက်ကလည်း ဒီလိုတော့ကြည့်နေမှာတော့ မဟုတ်ဘူး (တိုက်ပွဲ) ဖြစ်မှာပဲ”ဟု မတူပီ CDF တာဝန်ရှိသူတစ်ဦးက ပြောသည်။
မတူပီ CDF၏ ထုတ်ပြန်ချက်အရ တိုက်ပွဲ လေးကြိမ်အတွင်း စစ်ကောင်စီတပ်မှ ၁၁ဦးသေဆုံးခဲ့ပြီး ထိခိုက်ဒဏ်ရာရသူများရှိခဲ့သည်။
Public Service Announcement
