ရေဦးမြို့နယ်တွင် စစ်​ကောင်စီတပ်က တစ်ပတ်အတွင်း ကျေးရွာသုံးရွာရှိ ​နေအိမ် ၁၂၀ ကျော်ကို မီးရှို့ဖျက်ဆီး

▪️ဒေသခံပြည်သူ ၁၀ဦးထက်မနည်း သတ်ဖြတ်သွား

စစ်ကိုင်းတိုင်း၊ ရေဦးမြို့နယ်တွင် အကြမ်းဖက်စစ်​ကောင်စီတပ်က တစ်ပတ်အတွင်း ကျေးရွာ သုံးရွာရှိ ​နေအိမ် ၁၂၀ ကျော်ကို မီးရှို့ဖျက်ဆီးသွားပြီး ​ဒေသခံပြည်သူ ၁၀ဦးထက်မနည်း သတ်ဖြတ်သွားကြောင်း ဒေသတွင်းသတင်းရင်းမြစ်များက ပြောသည်။

စစ်​ကောင်စီတပ်သည် ဇူလိုင် ၈ရက်မှ ၁၄ရက်အတွင်း ရေဦးမြို့နယ်ရှိ ကျေးရွာများအတွင်းသို့ စစ်ကြောင်းထိုးဝင်ရောက်လာပြီး ဝင်ရောက်မီးရှို့ဖျက်ဆီးခဲ့ရာ စည်သာမြေရွာ မှ ​နေအိမ် ၂၃အိမ်၊ ကူဖြူရွာမှ ၃၁ အိမ်၊ မီးမောင်းကုန်းရွာမှ ၇၂အိမ် ပျက်စီးဆုံးရှုံးခဲ့ကြောင်း ပကဖ (ရေဦး)က သတင်းထုတ်ပြန်သည်။

ထို့အပြင် စစ်ကြောင်းထိုးရာရွာများရှိ ​ဒေသခံပြည်သူအချို့အား ပစ်ခတ်သတ်ဖြတ်ခဲ့ရာ မီးမောင်းကုန်းရွာ တစ်ဦး၊ လိန်တောရွာ နှစ်ဦး၊ကန်ပေါက်ရွာ သုံးဦး၊ စည်သာမြေရွာ နှစ်ဦး၊ ကူဖြူရွာနှစ်ဦးသေဆုံးခဲ့ကြောင်း ပကဖ(ရေဦး)က အသိပေးသည်။

ရေဦးနယ်အနောက်ခြမ်း၊ ဒီပဲယင်းနယ်အရှေ့ခြမ်း နများရွာတွင်လည်း ဇူလိုင်၁၄ရက်က ဝေဟင်မှ ရဟတ်ယာဉ်များဖြင့် ပစ်ခတ်တိုက်ခိုက်မှုကြောင့် ​ဒေသခံပြည်သူ သုံးဦးထိမှန်ခဲ့ပြီး အမျိုးသားတစ်ဦးသေဆုံးခဲ့သေးသည်။

Public Service Announcement