ရှေ့တန်းပြန် ချင်းတော်လှန်ရေးရဲဘော်များအား ထန်တလန်မြို့နယ် ကျေးရွာပြည်သူလူထုမှ ပန်းကုံးများနှင့် ကြိုဆို ဂုဏ်ပြုခဲ့ကြကြောင်း The Chin Journal က ယမန်နေ့တွင် ဓာတ်ပုံများနှင့်အတူ ဖော်ပြသည်။
အဆိုပါ ရဲဘော်များသည် ထန်တလန်မြို့နယ်အတွင်း ရှေ့တန်းတစ်နေရာမှ ပြန်လာခြင်းဖြစ်သည်ဟု ချင်းဒေသခံတစ်ဦးက ပြောသည်။
လက်ရှိတွင် ချင်းတော်လှန်ရေးတပ်ဖွဲ့များဖြစ်သည့် ချင်းအမျိုးသားတပ်မတော်(CNA)၊ ချင်းဒေသကာကွယ်ရေးတပ်(CDF) အပါအဝင် မြို့နယ်အသီးသီးရှိ ချင်းတော် လှန်ရေးတပ်များ၊ ဆက်စပ်ဒေသရှိ ပြည်သူ့ကာကွယ်ရေးတပ်များ ပူးပေါင်းပြီး စစ်ကောင်စီတပ်ကို ခုခံတိုက်ခိုက်လျက်ရှိသည်။
လတ်တလောတွင် ချင်းမြောက်ပိုင်း ဖလမ်း – ဟားခါး လမ်း၌ တိုက်ပွဲ ဖြစ်ပွားခဲ့ပြီး စစ်ကောင်စီတပ်မှ သေဆုံးထိခိုက်များခဲ့သည်။ အဆိုပါ တိုက်ပွဲ၌ CDF ရဲဘော်အချို့လည်းကျဆုံးပြီး CNA ရဲဘော်အချို့ဒဏ်ရာရခဲ့သည်။
Public Service Announcement
ချင်းပြည်နယ်တောင်ပိုင်း မတူပီနှင့်မင်းတပ်မြို့နယ်အတွင်း၌လည်း စစ်ကောင်စီတပ်ကို မတူပီ CDFနှင့် မင်းတပ် CDFများက ခုခံတိုက်ခိုက်ခဲ့၍ တိုက်ပွဲများ ဖြစ်ခဲ့သည်။
