အမေရိကန်ရောက်မြန်မာများ အာဇာနည်နေ့အထိမ်းအမှတ်အဖြစ် လူထုသပိတ် ပြုလုပ်

အမေရိကန်နိုင်ငံ ကယ်လီဖိုးနီးယားပြည်နယ် ဆန်ဖရန်စစ္စကိုမြို့တွင် ယမန်နေ့ (ဇူလိုင် ၁၆) ၌ Free Burma Action Committe-San Francisco အဖွဲ့မှ ဦးဆောင်၍ မြန်မာနိုင်ငံသားများပူးပေါင်းပြီး အာဇာနည်နေ့ အထိမ်းအမှတ် အဖြစ် လူထုသပိတ်ကျင်းပပြုလုပ်ခဲ့ကြသည်။

အဆိုပါ လူထုသပိတ်ကို “(၆၈)ကြိမ်မြောက် အလံမလိပ် အသံမတိတ် ဆန်ဖရန်သပိတ်တိုက်ပွဲ” ခေါင်းစဥ်ဖြင့် ဆန်ဖရန်စစ္စကိုမြို့ City Hall ရှေ့တွင် ကျင်းပခဲ့သည်။

ပြည်ပရောက်မြန်မာများက “ဖက်ဆစ်စစ်တပ် အမြစ်ဖြတ်” ၊ “PDF ကို အားဖြည့်ပေး စစ်အစိုးရဖြုတ်ချရေး” စသည့် စာတန်းများ ကိုင်ဆောင်ပြီး NUG အစိုးရကိုထောက်ခံအားပေးကြောင်းနှင့် အကြမ်းဖက် စစ်အာဏာရှင်ကို ဆန့်ကျင်ကြောင်း ဆန္ဒထုတ်ဖော်ခဲ့ကြသည်။

ထို့နောက် သူ့ကျွန်ဘဝကလွတ်မြောက်ရန် တိုက်ပွဲဝင်ရင်း ကျဆုံးခဲ့ကြသည့် အာဇာနည် ခေါင်းဆောင်ကြီးများနှင့် ယခုလက်ရှိ စစ်ကျွန်ဘဝက လွတ်မြောက်ရန် တိုက်ပွဲဝင်ရင်းကျဆုံးခဲ့ကြသည့် အာဇာနည်များကိုလည်း ဦးညွှတ်အလေးပြုခဲ့ကြသည်။

Public Service Announcement