Connect with us

Hi, what are you looking for?

LuduNwayOo

သတင်း

ဆော – ဆိပ်ဖြူလမ်းပိုင်းတိုက်ပွဲ စစ်ကောင်စီတပ် သေဆုံးထိခိုက်မှုရှိဟု ဆော PDFထုတ်ပြန်

အဆိုပါ နေရာသည် ဆောမြို့နယ် PDF တပ်ရင်း တစ်ခုဖြစ်သည့် လောင်းရှည် PDF(YRPA) ၏ ကင်းစခန်းဖြစ်ပြီး PDF တပ်ပေါင်းစုမှ ပြန်လည်ရယူနိူင်ခဲ့ခြင်း ဖြစ်သည်ဟု ထုတ်ပြန်ထားသည်။

ဓာတ်ပုံ - PDF-SAW
ဓာတ်ပုံ - PDF-SAW

စစ်ကောင်စီတပ်စွဲထားသည့် ကင်းစခန်းကို ကာကွယ်ရေးပူးပေါင်းတပ်ဖွဲ့ ပြန်လည်ရယူနိုင်ခဲ့

မကွေးတိုင်း၊ ယောဒေသ၊ ဆောမြို့နယ် ဆော – ဆိပ်ဖြူလမ်းပိုင်း၌တိုက်ပွဲများ ဖြစ်ပွားခဲ့ပြီး စစ်ကောင်စီတပ်က သေဆုံးထိခိုက်မှုရှိခဲ့ကြောင်း ဆောပြည်သူ့ ကာကွယ်ရေးတပ် (PDF)က သတင်းထုတ်ပြန်သည်။

အဆိုပါလမ်းပိုင်းရှိ နဂါးပွက်တောင်ကုန်းတွင် ဇူလိုင် ၁၈ရက်ကတည်းက ဘန်ကာများတူးကာ တပ်စွဲထားသော စစ်ကောင်စီအင်အား ၁၈၀ခန့်ကို ဆောမြို့နယ် ပြည်သူ့ကာကွယ်ရေးတပ် (PDF)များ၊ မဟာမိတ်များ ပူးပေါင်းတိုက်ခိုက်ခဲ့ရာ စစ်ကောင်စီတပ်က ထိခိုက်သေဆုံးမှုများရှိကာ ယမန်နေ့ ဇူလိုင် ၂၃ရက်တွင် နောက်ကြောင်းပြန် ဆုတ်ခွာသွားသည်ဟု ဆိုသည်။

Public Service Announcement
Public Service Announcement

အဆိုပါ နေရာသည် ဆောမြို့နယ် PDF တပ်ရင်း တစ်ခုဖြစ်သည့် လောင်းရှည် PDF(YRPA) ၏ ကင်းစခန်းဖြစ်ပြီး PDF တပ်ပေါင်းစုမှ ပြန်လည်ရယူနိူင်ခဲ့ခြင်း ဖြစ်သည်ဟု ထုတ်ပြန်ထားသည်။

“ ကားနဲ့တစ်ကြောင်း ခြေလျင်နဲ့တစ်ကြောင်း နှစ်ကြောင်း ဆုတ်သွားတယ် မနေ့ညနေတုန်းက။ ဆိပ်ဖြူက လာတဲ့တပ်တွေ။ တိုက်ပွဲတွေက ၂ရက် ၃ရက် ဆက်တိုက်ဖြစ်တာ။ ၂၁ရက်နေ့က စဖြစ်တာ။ စဖြစ်တဲ့နေ့က ၅ယောက်သေပြီး ထိခိုက်ဒဏ်ရာရတယ်။ မိုင်းထိပြီးတော့ ။နောက်နေ့လည်း တိုက်ပွဲဖြစ်တယ်။ အထိနာတယ်လို့ပဲကြားတယ်”ဟု ဆော PDFနှင့်နီးစပ်သူ တစ်ဦးက ပြောသည်။

Public Service Announcement

Public Service Announcement

အဆိုပါ တိုက်ပွဲများအတွင်း PDF ရဲဘော်များ ထိခိုက်မှုမရှိဟု ထုတ်ပြန်ထား သည်။

ဒေသတွင်း PDFများအနေဖြင့် တိုက်ပွဲကာလ ရက်ရှည်စွာ တိုက်ခိုက်ခဲ့ရခြင်း ကြောင့် လက်နက်၊ ခဲယမ်း အမြောက်အများ သုံးစွဲခဲ့ရပီး ပြန်လည်ထုတ်လုပ် တပ်ဆင်နိုင်ရေး ကူညီလှူဒါန်း ပေးကြရန်လည်း ဆောPDFက ပြည်သူများသို့ အကူအညီတောင်းခံသည်။

ဆက်စပ်သတင်းများ

သတင်း

ရန်ကုန်မြို့ရှိ ကျောက်တံတား၊ စမ်းချောင်း၊ ဒဂုံ၊ ကြည့်မြင်တိုင်၊ မရမ်းကုန်း စသည့် မြို့နယ်တို့တွင် စစ်ကောင်စီက သင်္ကြန်မဏ္ဍပ်များ တည်ဆောက်၍ ရေပက်ခံသူပြည်သူများဖြင့် စည်ကားနေကြောင်း ပြသရန် ကြိုးပမ်းလျက်ရှိသည်။

သတင်း

"ပြည်သူတွေ စိတ်မပူပါနဲ့။ ကျွန်တော်တို့ အဲဒီစစ်ကြောင်း မြဝတီကိုမရောက်နိုင်အောင် တားဆီးပါမယ်"ဟု ကျားဖြူစစ်ကြောင်းမှ ဒုစစ်ကြောင်းမှူး ဗိုလ်မှူးကျော်ဟိန်းက ပြောသည်။

သတင်း

အဆိုပါတပ်ရင်းအတွင်းမှ ရွှေချောင်းအချို့လည်းရရှိခဲ့ကြောင်း ကနဦးသတင်းများထွက်ပေါ်ခဲ့သော်လည်း နောက်ဆက်တွဲစုံစမ်းမှုအရ အဆိုပါရွှေချောင်းများမှာအတုဖြစ်ကြောင်းသိရသည်။

သတင်း

ဖေဖော်ဝါရီ ၂၉ ရက်ကစတင်ခဲ့သည့် ဖားဆောင်းမြို့တိုက်ပွဲတွင် စစ်ကောင်စီအခြေစိုက်စခန်း ၉ ခုခန့်ကို ကရင်နီတပ်ပေါင်းစုက သိမ်းဆည်းထားနိုင်သည်။