Connect with us

Hi, what are you looking for?

LuduNwayOo

သတင်း

ကိုဂျင်မီနှင့်ကိုဖြိုးဇေယျာသော်အပါအဝင် လေးဦးအပေါ် ချမှတ်ထားသည့်​သေဒဏ်ပြစ်ဒဏ်ကို စီရင်ပြီးဖြစ်ကြောင်း အကြမ်းဖက်စစ်ကောင်စီထုတ်ပြန်

အကြမ်းဖက် စစ်ကောင်စီ၏ သေဒဏ်အတည်ပြုခြင်းသည် တရားမဝင်ကြောင်း၊ စစ်ကောင်စီအနေဖြင့် ဥပဒေမဲ့စွာဖြင့် တရားစီရင်ရေးကို စိတ်ထင်ရာ တစ်ဖက်သတ်လုပ်ဆောင်ခြင်းဖြစ်ကြောင်း အမျိုးသားညီညွတ်ရေးအစိုးရ တရားရေးဝန်ကြီးဌာန ဇွန်လ ၄ ရက်တွင် ထုတ်ပြန်ကြေညာထားသည်။

ကိုဂျင်မီနှင့်ကိုဖြိုးဇေယျာသော်အပါအဝင် လေးဦးအပေါ် ချမှတ်ထားသည့်​သေဒဏ်ပြစ်ဒဏ်ကို စီရင်ပြီးဖြစ်ကြောင်း အကြမ်းဖက်စစ်ကောင်စီထုတ်ပြန်
ကိုဂျင်မီနှင့်ကိုဖြိုးဇေယျာသော်အပါအဝင် လေးဦးအပေါ် ချမှတ်ထားသည့်​သေဒဏ်ပြစ်ဒဏ်ကို စီရင်ပြီးဖြစ်ကြောင်း အကြမ်းဖက်စစ်ကောင်စီထုတ်ပြန်

၈၈မျိုးဆက် ကျောင်းသားခေါင်းဆောင် ကိုဂျင်မီ၊ အမျိုးသားဒီမိုကရေစီအဖွဲ့ချုပ်(NLD)အမတ် ကိုဖြိုးဇေယျာသော်အပါအဝင် ​လေးဦးအပေါ် အကြမ်းဖက်စစ်ကောင်စီက သေဒဏ်ချမှတ်ထားရာ ပြစ်ဒဏ်စီရင် ဆောင်ရွက်ပြီးဖြစ်ကြောင်း စစ်ကောင်စီဝါဒဖြန့်သတင်းစာများက ယ​နေ့ သတင်းထုတ်ပြန်သည်။

ကိုဖြိုးဇေယျာသော်၊ ကိုဂျင်မီ၊ ကိုမျိုး၊ ကိုအောင်သူရဇော် တို့ကို မည်သည့်နေ့ရက်အချိန် တွင်မည်သို့ ပြစ်ဒဏ်စီရင်သည်ကိုမူ ဖော်ပြမထားဘဲ အကျဉ်းထောင် လုပ်ထုံးလုပ်နည်းများအတိုင်း ပြစ်ဒဏ်စီရင် ဆောင်ရွက်ပြီး ဖြစ်သည်ဟု”​ သေဒဏ်ကျခံရမည့်အကျဥ်းသား​၄ ဦးအား လုပ်ထုံးလုပ်နည်းများနှင့်အညီ ပြစ်ဒဏ်​ဆောင်ရွက်ပြီးစီး”ဟူ​သော​ ခေါင်းစဥ်ဖြင့် ဇူလိုင် ၂၅ ရက်ထုတ် စစ်ကောင်စီဝါဒဖြန့်သတင်းစာတွင် ဖော်ပြခဲ့ခြင်းဖြစ်သည်။

ကိုဂျင်မီနှင့်ကိုဖြိုးဇေယျာသော်အပါအဝင် လေးဦးအပေါ် ချမှတ်ထားသည့်​သေဒဏ်ပြစ်ဒဏ်ကို စီရင်ပြီးဖြစ်ကြောင်း အကြမ်းဖက်စစ်ကောင်စီထုတ်ပြန်
ကိုဂျင်မီနှင့်ကိုဖြိုးဇေယျာသော်အပါအဝင် လေးဦးအပေါ် ချမှတ်ထားသည့်​သေဒဏ်ပြစ်ဒဏ်ကို စီရင်ပြီးဖြစ်ကြောင်း အကြမ်းဖက်စစ်ကောင်စီထုတ်ပြန်

အကြမ်းဖက်စစ်ကောင်စီက ကိုဖြိုးဇေယျာသော်နှင့် ကိုဂျင်မီတို့အပါအဝင်​လေးဦးကို မိသားစုဝင်များနှင့် ဇူလိုင် ၂၂ ရက်ကအင်းစိန်ထောင်တွင် ပထမဦးဆုံးအကြိမ် တွေ့ခွင့်ပြုခဲ့​သည်။ ထိုသို့​တွေ့ခွင့်ပြုပြီး နှစ်ရက်အကြာတွင် ပြစ်ဒဏ်​ဆောင်ရွက်ပြီးစီးဟုထုတ်ပြန်လာခြင်းဖြစ်သည်။ ဇူလိုင် ၂၃ စ​နေ​နေ့တွင် အကြမ်းဖက်စစ်​ကောင်စီက သတ်ခဲ့ခြင်းဖြစ်​ကြောင်း ကနဦးသတင်းရရှိပြီး၊သီးခြားအတည်ပြုနိုင်ခြင်းမရှိ​သေးပါ။

အကြမ်းဖက် စစ်ကောင်စီ၏ သေဒဏ်အတည်ပြုခြင်းသည် တရားမဝင်ကြောင်း၊ စစ်ကောင်စီအနေဖြင့် ဥပဒေမဲ့စွာဖြင့် တရားစီရင်ရေးကို စိတ်ထင်ရာ တစ်ဖက်သတ်လုပ်ဆောင်ခြင်းဖြစ်ကြောင်း အမျိုးသားညီညွတ်ရေးအစိုးရ တရားရေးဝန်ကြီးဌာန ဇွန်လ ၄ ရက်တွင် ထုတ်ပြန်ကြေညာထားသည်။

Public Service Announcement

Public Service Announcement

ကိုဂျင်မီနှင့်ကိုဖြိုးဇေယျာသော်အပါအဝင် လေးဦးအပေါ် ချမှတ်ထားသည့်​သေဒဏ်ပြစ်ဒဏ်ကို စီရင်ပြီးဖြစ်ကြောင်း အကြမ်းဖက်စစ်ကောင်စီထုတ်ပြန်
ကိုဂျင်မီနှင့်ကိုဖြိုးဇေယျာသော်အပါအဝင် လေးဦးအပေါ် ချမှတ်ထားသည့်​သေဒဏ်ပြစ်ဒဏ်ကို စီရင်ပြီးဖြစ်ကြောင်း အကြမ်းဖက်စစ်ကောင်စီထုတ်ပြန်

အကြမ်းဖက် စစ်ကောင်စီ၏ ဥပဒေမဲ့ တရားစီရင်ခြင်းများ၊ သေဒဏ်အတည်ပြုခြင်းများနှင့် နည်းမျိုးစုံဖြင့် ဥပဒေချိုးဖောက်နေခြင်းများကို ပြင်းထန်စွာ ကန့်ကွက်ရှုတ်ချက်ကြောင်း တရားရေးဝန်ကြီးဌာနကထုတ်ပြန်ကာ နောက်ဆက်တွဲဖြစ်ပေါ်လာမည့် အကျိုးဆက်များအားလုံးအတွက် အကြမ်းဖက် စစ်ကောင်စီက လုံးဝတာဝန်ခံရလိမ့်မည်ဖြစ်သည်ဟု သတိပေးထားသည်။

ဒီမိုကရေစီလိုလားသည့် အတိုက်အခံခေါင်းဆောင်များကို ကွပ်မျက်ရန် စစ်အာဏာရှင်အဖွဲ့အစည်း၏ ထုတ်ပြန်ချက်သည် စစ်အာဏာရှင် အဖွဲ့အစည်းက လူ့အခွင့်အရေးနှင့် တရားဥပဒေစိုးမိုးရေးကို ဂရုမစိုက်ကြောင်း သာဓကပြလျက်ရှိပြီး အမေရိကန် ပြည်ထောင်စုက ပြင်းထန်စွာရှုတ်ချကြောင်း အမေရိကန် နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်က ဇွန်လအတွင်း၌ ပြောကြားထားသည်။ အလားတူ ကိုဂျင်မီနှင့် ကိုဇေယျာသော်တို့ အပါအဝင် ၄ ဦးကို ကွပ်မျက်ရန် စစ်ကောင်စီ၏ ဆောင်ရွက်မှုကို နိုင်ငံတကာက ပြင်းထန်စွာ ရှုတ်ချကြောင်း အသိပေးထားသည်။

ကချင်လွတ်လပ်ရေးအဖွဲ့(KIO) ခေါင်းဆောင်တစ်ဦးဖြစ်သည့် ဗိုလ်ချုပ်ဂွန်မော်ကလည်း “ နောင်တချိန်မှာ ခွင့်မလွတ်နိုင်လောက်မယ့် အမှားမျိုးတွေရှောင်ရှားနိုင်ကြပါစေလို့ ဆန္ဒပြုပါတယ်” ဟု ဇွန်လအတွင်းက ၎င်း၏ Facebookတွင် ရေးသားဖော်ပြထားသည် ။ ထိုသို့ဖော်ပြရာတွင် ကိုဂျင်မီနှင့် ကိုဇေယျာသော် အပါအဝင် ၄ဦးကို ကွက်မျက်ရန် ဆုံးဖြတ်ကြောင်း ကြေညာမှုကို ပြင်းထန်စွာ ရှုတ်ချထားသည့် ပြင်သစ်သံရုံး၏ ထုတ်ပြန်ချက်နှင့်အတူ ဖော်ပြခဲ့ခြင်းဖြစ်သည်။

ထိုသို့ ပြည်တွင်း ပြည်ပမှ စစ်ကောင်စီ၏ သေဒဏ်ပြစ်ဒဏ်စီရင်ရန် ဆုံးဖြတ်ချက်အပေါ် ကန့်ကွက်ရှုတ်ချ သတိပေးထားသော်လည်း ကိုဂျင်မီ၊ ကိုဇေယျာသော် အပါအဝင် လေးဦးကို ပြစ်ဒဏ်စီရင်ပြီးဖြစ်ကြောင်း အကြမ်းဖက်စစ်ကော်စီက၎င်တို့ဝါဒဖြန့် ​ကြေမုံ၊မြန်မာ့အလင်း၊News Iight of Myanmar သတင်းစာများမှတစ်ဆင့် ဇူလိုင် ၂၄ မနက်တွင် ထုတ်ပြန်ခဲ့သည်။

စစ်​ကောင်စီက ၎င်းတို့​လေး​ယောက်ကို သတ်လိုက်သည်ဟု သတင်းထုတ်ပြန်ပြီး​​နောက် သတင်းအတိအကျရရန် မိသားစုမှ သွားရောက်မေးမြန်းနေ​ကြောင်းလည်း သိရသည်။

ဆက်စပ်သတင်းများ

သတင်း

စစ်ရှောင်ပြည်သူ ခုနစ်သောင်းကျော် လက်ရှိအချိန်ထိ တိမ်းရှောင်နေကြရဆဲဖြစ်ကြောင်း ဖော်ပြပြီး အများစုမှာ ဆီဆိုင်မြို့နယ်မှ ဖြစ်ကာ ပင်လောင်း၊ ဟိုပုံးနှင့် ညောင်ရွှေမြို့နယ်များမှ ဒေသခံ များလည်း စစ်ရှောင်ကြရမှုရှိသည်။

သတင်း

မြိတ်ခရိုင်အတွင်းအပါအဝင်း ဒေသတွင်းဖြတ်သွားသည် ပြည်ထောင်စုလမ်းမကြီးပေါ်၌ ယခုရက်ပိုင်း စစ်ရေးတင်းမာနေကြောင်း သတင်းရရှိသည်။

သတင်း

သံကလောင်ကျောင်းထိုင်ဆရာတော်သည် ယမန်နေ့ နေ့လယ်ပိုင်း၌ မော်တော်ယာဉ်ဖြင့် ထွက်ခွာလာစဉ် ပစ်ခတ်ခံရခြင်းဖြစ်သည်ဟု ဆိုသည်။

သတင်း

၂၀၂၃ ဩဂုတ်တွင် မီးရှို့ဖျက်ဆီးခံရသည့် နေအိမ်အရေအတွက်က ၁,၀၀၀အောက်အထိ ကျဆုံးခဲ့သော်လည်း ၂၀၂၃ ဒီဇင်ဘာမှစ၍ တဖြေးဖြေး ပြန်မြင့်တက်လာခဲ့ရာ မတ်လအတွင်း နေအိမ် ၂,၈၃၁လုံး မီးရှို့ခံခဲ့ရကြောင်း အသိပေးသည်။