မန္တလေး စိန်ပန်း ရပ်ကွက်ကို ပိတ်ဆို့စစ်ဆေးချိန် လက်နက်နဲ့ခဲယမ်းမိတယ်လို့စစ်ကောင်စီသတင်းဖြန့်

မန္တလေးမြို့၊ မဟာအောင်မြေမြို့နယ် ၊စိန်ပန်းရပ်ကွက် ကို စစ်အုပ်စုက ပိတ်ဆို့ရှာဖွေစစ်ဆေးနေချိန် လက်နက်ခဲယမ်းတွေ ဖမ်းမိတယ်လို့စစ်အုပ်စုက သတင်းဖြန့်လာပါတယ်။

မနေ့က ညနေပိုင်းမှာ ပိတ်ဆို့စစ်ဆေးနေချိန် ကမ်းနားလမ်း ၊ဝေါဝိန်ဆိပ်ကမ်း အနီး မှာ ဆိုင်ကယ်စီးလာတဲ့ လူ နှစ်ဦးကို စစ်ဆေးချိန်မှာ တစ်ဦးက ထွက်ပြေးသွားပြီး ကျန်တစ်ဦး ကို မိခဲ့တယ်လို့စစ်ကောင်စီရဲ့ သတင်းဖြန့်ချက်မှာတွေ့ရပါတယ်။

ဖမ်းမိတဲ့ အဲဒီလူငယ်အမျိုးသားဆီကနေ ပစ္စတို အပါအဝင် ခဲယမ်းတွေမိတယ်လို့လည်းစစ်ကောင်စီသတင်းထုတ်ထားပါတယ်။