အာဏာသိမ်း​ခေါင်း​ဆောင်အိမ်​လေလံ ​ဒေါ်လာ ကိုးသန်း​ကျော်ဖိုး​ရောင်ပြီး၊ ရောင်းရန်အစုရှယ်ယာ၉၀၀၀ကျော်သာကျန်

အကြမ်းဖက်စစ်ခေါင်းဆောင်မင်းအောင်လှိုင် မတရားရယူထားသည့် အင်းလျားလမ်း အမှတ် ၁၄ အိမ်ကို အမျိုးသားညီညွတ်​ရေးအစိုးရ( NUG)က လေလံတင်ရောင်းချ​နေရာ​ဒေါ်လာ ၉ သန်း​ကျော်ဖိုး​ရောင်းချပြီးဖြစ်၍​ရောင်းရန် အစုရှယ်ယာ ၉၀၀၀ကျော် (​ဒေါ်လာကိုးသိန်​ကျော်)သာကျန်ရှိတော့ကြောင်းအရောင်းကိုယ်စားလှယ်များက​ပြောသည်။

အာဏာသိမ်းခေါင်းဆောင်သိမ်းယူထား​သောအိမ်ကို NUGက ဒေါ်လာ ၁၀သန်းတန်ဖိုးရှိ အစုရှယ်ယာ တစ်သိန်းကို မေ ၅ ရက်ကစတင်ထုတ်ရောင်းပြီး ယနေ့ အထိအစုရှယ်ယာပေါင်း ကိုးသောင်းကျော်ကို ရောင်းချပြီးဖြစ်သည်။

ဇူလိုင် ၂၇ ရက်တွင်​ရောင်းရန်ကျန်နေသေးသည့် ရှယ်ယာ ၁၂,၀၀၀(တန်ဖိုးအားဖြင့် အမေရိကန်ဒေါ်လာ ၁.၂ သန်း) ကို “14 Inya Final Call” အဖြစ် ဇူလိုင် ၂၇ မှ ဩဂုတ် ၅ ရက်နေ့ထိ NUGက ရောင်းချနေခြင်းဖြစ်သည်။

၁၀ ရက်​အတွင်းအပြီးရောင်းချမည့် “14 Inya Final Call”ဒုတိယနေ့ မြန်မာအချိန်ည ၉ နာရီ​ကျော်တွင် အစုရှယ်ယာ၉၈၀၀ ​ကျော်သာကျန်ရှိ​တော့​ကြောင်းအ​ရောင်းကိုယ်စားလှယ်အချို့က​ပြောသည်။

Public Service Announcement

“ဒီရှယ်ယာတွေက မကြာခင်ကုန်တော့မှာ”ဟု ရှယ်ယာရောင်းချပေးသည့် ကိုယ်စားလှယ်တစ်ဦးကပြောသည်။

အာဏာသိမ်းအကြမ်းဖက်​ခေါင်းဆောင် နေအိမ်ကိုရောင်းချရသည့် ရန်ပုံငွေများ၏ ၉၅ ရာခိုင်နှုန်းကို ကာကွယ်ရေးဝန်ကြီးဌာနအတွက် အသုံးပြုမည်ဖြစ်ပြီး ကျန် ၅ ရာခိုင်နှုန်းကို အခြားနေရာများတွင် အသုံးပြုခဲ့သည်ဟုထုတ်ပြန်ထားသည်။

မင်း​အောင်လှိုင်၏ အင်းလျားလမ်းအိမ်ရောင်ပြီးပါက မင်း​အောင်လှိုင်၏ ကျန်​နေအိမ်များ ၊ စီမံကိန်းများ၊အများပြည်သူနှင့် ဆိုင်သောစီမံကိန်းများ စတင်တော့မည်ဟု NUG၏ ရှယ်ယာရောင်းချရေးအဖွဲ့ EODထံမှသိရသည်။