စစ်ကိုင်းနှင့်ကချင် ပို့ဆောင်မည့် လက်နက်ခဲယမ်းနှင့် ရိက္ခာများတင်ဆောင်ထားသော သင်္ဘောငါးစီး ဂေါဝိန်ဆိပ်ကမ်းမှ ထွက်ခွာလာမည်ဖြစ်၍ မြစ်ကြောင်းတစ်လျှောက်ရှိ ဒေသခံပြည်သူများ သတင်းပေးပို့ကြရန် တော်လှန်ရေးရဲဘော်များ တောင်းဆို

စစ်ကိုင်းတိုင်းနှင့် ကချင်ပြည်နယ်သို့ ပို့ဆောင်မည့်လက်နက်ခဲယမ်းနှင့် ရိက္ခာများတင်ဆောင်ထားသော စစ်ကောင်စီ သင်္ဘောငါးစီးမှာ မန္တလေးမြို့ ဂေါဝိန်ဆိပ်ကမ်းမှ ထွက်ခွာလာမည်ဖြစ်၍ မြစ်ကြောင်းတစ်လျှောက်ရှိ ဒေသခံပြည်သူများအနေဖြင့် သတင်းပေးပို့ကြရန် ပြည်သူ့ကာကွယ်ရေးရဲဘော်များက တောင်းဆိုထုတ်ပြန်ထားသည်။

လက်နက်ခဲယမ်းနှင့် ရိက္ခာများတင်ဆောင်ထားသော စစ်ကောင်စီ သင်္ဘောငါးစင်း မန္တလေးမြို့ ဂေါဝိန်ဆိပ်ကမ်းတွင် လတ်တလော ရှိနေသည့်သတင်းကို Tigyaing Revolution -TRကယနေ့(သြဂုတ် ၃)တွင် ပထမဆုံးအကြိမ် ထုတ်ပြန်ထားဖြစ်သည်။

” မြေပြင်သတင်းတွေ အခိုင်အမာရထားပြီးပါပြီ။ မကြာခင် သူတို့ ဧရာဝတီမြစ်​ကောင်းအတိုင်းဆန်တက်လာတော့မယ်။ လူထုက သတင်းပေးခြင်းနဲ့ ကျွန်​တော်တို့ကိုကူညီပေးပါ”ဟု ပြည်သူ့ကာကွယ်ရေးရဲဘော်တစ်ဦးက ပြောသည်။

ပုံညာ ၊ပြဒါးရှင်၊ပေါင်းတည်၊ပေါက်တန်း နှင့် အခြားအမည် မသိရသေးသော သင်္ဘောတစ်စီး၊ စုစုပေါင်း သင်္ဘောငါးစီးသည် မန္တလေးမြို့ ဂေါဝိန်ဆိပ်ကမ်းတွင် ယနေ့(သြဂုတ် ၃ရက်)ရှိနေပြီး စစ်ကောင်စီက လုံးခြုံရေးတင်းကျပ်ထားသည်ဟု ဒေသခံများက ပြောသည်။

Public Service Announcement

သင်္ဘောငါးစီးစလုံး ယခုရက်ပိုင်းအတွင်း ထွက်ခွာလာနိုင်ခြေရှိသည်ဟု မန္တလေးအခြေစိုက် ပြည်သူ့ကာကွယ်ရေးအဖွဲ့မှ တပ်ဖွဲ့ဝင်တစ်ဦးကပြောသည်။

“ပြည်သူများ သင်္ဘောစထွက်လာချိန် ကို သတင်းပေးပို့ ပေးကြပါ ခင်ဗျာ”ဟု ထီးချိုင့်မြို့အခြေစိုက် ပြည်သူ့ကာကွယ်ရေးတပ်၏ သတင်းထုတ်ပြန်ရေးစာမျက်နှာ Tigyaing Revolution -TRက မေတ္တာရပ်ခံထားသည်။

စစ်ကောင်စီသည် ချင်းတွင်းနှင့်ဧရာဝတီမြစ်ကြောင်းကို အသုံးပြုကာ စစ်ကိုင်းတိုင်းနှင့်ကချင်ပြည်နယ်သို့ လက်နက်ခဲယမ်းနှင့် ရိက္ခာများပို့ဆောင်နေသည်။ မြစ်ကြောင်းတစ်လျှောက် ပြည်သူ့ကာကွယ်ရေးရဲဘော်များက စစ်ကောင်စီရေကြောင်းကို ကြားဖြတ်တိုက်ခိုက်နေကြသည်။