Project Dragonfly စီမံချက်အောင်မြင်ရန် ထောက်ပံ့ကူညီခဲ့သူအားလုံးကို ကျေးဇူးတင်ကြောင်းထုတ်ပြန်
အကြမ်းဖက်စစ်ကောင်စီ၏ လေကြောင်းမှတိုက်ခိုက်မှုများကို ခုခံကာကွယ်ရန် ပြည်သူများ ထည့်ဝင်ခဲ့သော Project Dragonfly စီမံချက်မှ ကနဦးပစ္စည်းအချို့ကိုစတင် အသုံးပြုနေပြီဖြစ် ကြောင်းနှင့် Project Dragonfly စီမံချက်အောင်မြင်ရန် ထောက်ပံ့ကူညီခဲ့သူအားလုံးကို အထူး ကျေးဇူးတင်ကြောင်း NUG ကာကွယ်ရေးဝန်ကြီးဌာနက ထုတ်ပြန်သည်။
“PROJECT DRAGONFLY စီမံချက်အောင်မြင်စေရန် ထောက်ပံ့ကူညီပေးခဲ့ကြသည့် ပြည်သူများ၊ အသိပညာရှင်၊အတတ်ပညာရှင်၊အနုပညာရှင်များအားလုံးကို ကျွန်ုပ်တို့ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက အထူးကျေးဇူးတင်ရှိကြောင်း ဖော်ပြအပ်ပါသည်” ဟု ယနေ့ ထုတ်ပြန်သည်။
ဆက်လက်ပြီး “လူကြီးမင်းတို့အားလုံး ထောက်ပံ့ကူညီခဲ့ကြသည့် PROJECT DRAGONFLY စီမံချက်မှတစ်ဆင့် ရရှိလာသော ရန်ပုံငွေများအား စစ်ရေးမဟာဗျုဟာများနှင့်အညီ အသုံးချလျက်ရှိရာ ကနဦးပစ္စည်းအချို့မှာ စတင်တာဝန်ထမ်းဆောင်နေပြီ ဖြစ်ပါသည်။ ထပ်မံ၍ လိုအပ်သောပစ္စည်းများ ဆက်လက်ရရှိရေးနှင့်ထိရောက်စွာအသုံးပြုနိုင်ရေး စနစ်တကျ ဆောင်ရွက်နေပြီ ဖြစ်ပါကြောင်း လေးစားစွာအသိပေးအပ်ပါသည်” ဟု ထုတ်ပြန်သည်။
ငှက်ပစ်စီမံချက်ဟု လူသိများသည့် အထက်ပါ Project Dragonfly စီမံချက်ကို မတ်လကုန်တွင် စတင်ခဲ့ပြီး စစ်အာဏာရှင်အမြစ်ဖြတ်ရေး ဆန္ဒရှိသူ ပြည်တွင်း၊ ပြည်ပရှိ ပြည်သူလူထု၏ ထည့်ဝင်မှုဖြင့် ၁၀ ရက်ကျော်အတွင်း အမေရိကန်ဒေါ်လာ ၂ ဒသမ ၂ မီလီယံကျော်ကောက်ခံရရှိခဲ့ခြင်း ဖြစ်သည်။
Public Service Announcement
