ရှမ်းပြည်နယ်မြောက်ပိုင်း မူဆယ်မြို့နယ် ပန်ဆိုင်းမြို့တွင် စစ်ကောင်စီတပ်နှင့် မြောက်ပိုင်း မဟာမိတ်အဖွဲ့တို့ ယနေ့နေ့လည်ပိုင်း၌ တိုက်ပွဲဖြစ်ပွားနေကြောင်း ဒေသခံများက ပြောသည်။
ပန်ဆိုင်း(ကြူကုတ်) နှင့် နမ့်တောင်းကြားတွင် ယနေ့(သြဂုတ် ၁၅ရက်)နေ့လည် ၁၂နာရီခန့်မှစ၍ တိုက်ပွဲဖြစ်နေခြင်းဖြစ်သည်။
” တိုက်ပွဲမှာ စစ်တပ်ထိတယ်ထင်တယ်။ ၁၀၅ မိုင်ကုန်းကနေ လက်နက်ကြီး ပစ်ကူပေးနေတယ်။ လမ်းသွားလမ်းလာကားတွေ အမြန်ပြန်ပြေးလာ ကြရတယ် “ဟု ဒေသခံတစ်ဦးက ပြောသည်။
နမ့်တောင်းရွာသည် ပန်ဆိုင်းနှင့်မူဆယ်မြို့ကြားတွင်ရှိပြီး စစ်ကောင်စီက မူဆယ်(၁၀၅) မိုင်ကုန်းမှ နေ၍ လက်နက်ကြီး ပစ်ကူပေးနေခြင်း ဖြစ်သည်။
Public Service Announcement
မူဆယ်တွင် မြောက်ပိုင်းမဟာမိတ်အဖွဲ့နှင့် ပြည်သူ့ကာကွယ်ရေးတပ်ဖွဲ့က စစ်ကောင်စီကို မကြာခဏ တိုက်ခိုက်နေသည်။
