စစ်ကိုင်းတိုင်း အင်းတော်မြို့နယ်တွင် တိုက်ပွဲများပြင်းထန်နေသည့်အတွက် အင်းတော်-ကျောင်းကုန်းလမ်းပိုင်းအား အကန့်အသတ်မရှိ ယာယီပိတ်ပင်ကြောင်း Indaw Revolution က ထုတ်ပြန်သည်။
ယနေ့(သြဂုတ် ၂၀ ရက်) ညပိုင်းကစ၍ ကုန်တင် ကား၊ခရီးသည်ကား၊ သုံးဘီးနှင့်မည်သည့်ကားများမဆို လုံးဝဖြတ်သန်းသွားလာခြင်းမပြုလုပ် ရန်လည်း အသိပေးသည်။
“မနက်ကတည်းက တိုက်ပွဲ ဖြစ်နေတယ်။တိုက်ပွဲသတင်းကတော့ ပြောပြလို့မရသေးဘူး။နှစ်ဖက် အကျအဆုံးရှိတယ်။အခု ညပိုင်းထိလည်း အခြေအနေက တင်းမာနေတုန်းလို့ ပြောရမယ် “ဟု အင်းတော် ပြည်သူ့ကာကွယ်ရေးတပ်ဖွဲ့ဝင်တစ်ဦးက လူထုနွေဦးသို့ ပြောသည်။
ပြည်သူများ အန္တရယ်ကင်းစေရန်နှင့် တော်လှန် ရေးရဲဘော်များအတွက် အတားအဆီးမဖြစ်စေရန် ပြည်သူများအနေဖြင့် လမ်းပိုင်းဆိုင်ရာ တားမြစ်ချက်ကို လိုက်နာပေးရန် တိုက်တွန်းသည်။
Public Service Announcement
ထို့အပြင် လက်ရှိစစ်ရေးအခြေအနေကြောင့်အင်းတော် – ဗန်းမောက်လမ်းပိုင်းကို ဆက်လက်ပိတ်ပင်ထားဆဲဟု ဆိုသည်။
ဇူလိုင်လကုန်ကစ၍ အင်းတော် – ဗန်းမောက်လမ်းပိုင်း အင်းတော်ဘက်သို့ စစ်ကြောင်းထိုးလာသည့် စစ်ကောင်စီတပ် စစ်ကြောင်းကို ကချင်လွတ်လပ်ရေး တပ်မတော်(KIA)နှင့် ဒေသကာကွယ်ရေးတပ် (PDF)များက တိုက်ခိုက်လျက်ရှိသည်။
