အင်းတော် – ကျောင်းကုန်းလမ်းတိုက်ပွဲ KIA/PDF ပူးပေါင်းတပ်မှ ရဲဘော် လေးဦးကျဆုံး၊ စစ်ကောင်စီတပ် ခြောက်ဦးသေ
စစ်ကိုင်းတိုင်း အင်းတော်မြို့နယ် အင်းတော် – မော်လူးကားလမ်းကို ယနေ့မနက်မှစ၍ ပိတ်ထားလိုက်ကြောင်း Indaw Revolution က ဖော်ပြသည်။
ယနေ့ နံနက် ၉နာရီမှစတင်၍ အကန့်အသတ်မရှိ ယာယီပိတ်မည်ဟု အသိပေးထားပြီး ကား၊ ဆိုင်ကယ်၊ သုံးဘီး မည်သည့်ယာဉ်မှ ဖြတ်သန်းသွားလာခြင်းမပြုရန် တောင်းဆိုထားသည်။
လမ်းပိတ်ထားခြင်းနှင့်ပတ်သက်ပြီး အချင်းချင်း ဆက်သွယ် သတိပေးကြရန် ဖော်ပြထားပြီး လမ်းပြန်ဖွင့်ပါက ပြန်လည်အကြောင်းကြားသွားမည်ဟုဆိုသည်။
မည်သည့်အတွက်ကြောင့် လမ်းပိတ်သည်ဆိုသည့်အချက်ကို ဖော်ပြထားခြင်းမရှိသော်လည်း အင်းတောမြို့နယ်တွင် ကချင်လွတ်လပ်ရေးတပ်မတော်(KIA)၊ ပြည်သူ့ကာကွယ်ရေးတပ် (PDF)နှင့် စစ်ကောင်စီတပ်တို့အကြား တိုက်ပွဲများ ဖြစ်ပွားနေသည်။
ဩဂုတ် ၂၀ရက်က အင်းတော် -ကျောင်းကုန်းလမ်းပိုင်းတွင်ထီးချိုင့်ဘက်မှ တက်လာသည့် စစ်ကောင်စီတပ်နှင့် ပူးပေါင်းတပ်တို့ တိုက်ပွဲ ၂ကြိမ်ဖြစ်ပွားခဲ့ရာ စစ်ကောင်စီတပ်က ခြောက်ဦး ကျဆုံးခဲ့ပြီး KIA/PDF ပူးပေါင်းတပ်မှ ရဲဘော် လေးဦး ကျဆုံးခဲ့သည်။