Connect with us

Hi, what are you looking for?

LuduNwayOo

သတင်း

စစ်တပ်နှင့် AA အကြား တိုက်ပွဲပြင်းထန်နေမှုကြောင့် ရခိုင်ပြည်နယ်အတွင်း အခြေအနေများ ဆက်လက်ဆိုးရွားနေဟု OCHA ထုတ်ပြန်

ရသေ့တောင်မြို့နယ်အတွင်း အိမ်ထောင်စု ၁၀၀ ခန့် (လူဦးရေ ၃၆၄ ဦး)သည် အိုးအိမ်စွန့်ခွာထွက်ပြေးခဲ့ရပြီး ဒေသခံမိတ်ဖက်အဖွဲ့အစည်းများက ကူညီပေးထားကြောင်း OCHA က ဆိုသည်။

(ရခိုင်ပြည်နယ်တွင် တကျော့ပြန်တိုက်ပွဲများပြန်ဖြစ်လာသဖြင့် ထွက်​ပြေးတိမ်း​ရှောင်​နေ​သော စစ်​ဘေး​ရှောင်ပြည်သူအချို့ ။ ။ဓါတ်ပုံ-CJ)
(ရခိုင်ပြည်နယ်တွင် တကျော့ပြန်တိုက်ပွဲများပြန်ဖြစ်လာသဖြင့် ထွက်​ပြေးတိမ်း​ရှောင်​နေ​သော စစ်​ဘေး​ရှောင်ပြည်သူအချို့ ။ ။ဓါတ်ပုံ-CJ)

အကြမ်းဖက်စစ်တပ်နှင့် ရက္ခိုင့်တပ်တော်(AA) တို့အကြား တိုက်ပွဲပြင်းထန်နေမှုကြောင့် ရခိုင်ပြည်နယ် အတွင်း အခြေအနေများ ဆက်လက်ဆိုးရွားနေကြောင်း ကုလသမဂ္ဂလူသားချင်းစာနာမှုဆိုင်ရာညှိနှိုင်း‌ရေးရုံး (OCHA)၏ ထုတ်ပြန်ချက်၌ ဖော်ပြသည်။

“ဒီအစီရင်ခံစဉ်ကာလအတွင်းမှာပဲ တပ်မတော်နဲ့ ရက္ခိုင့်တပ်တော်တို့အကြား လက်နက်ကိုင်တိုက်ပွဲတွေကြောင့် ရခိုင်ပြည်နယ်အတွင်း အခြေအနေများ ဆက်လက်ဆိုးရွာနေဆဲဖြစ်ပါတယ်။ မောင်တောမြို့နယ်မြောက်ပိုင်း ဝေလာတောင်မှာ လက်နက်ကြီးတွေအသုံးပြုပစ်ခတ်ပြီး တိုက်ပွဲပြင်းထန်ကြောင်း သိရှိရပါတယ်” ဟု OCHA က ထုတ်ပြန်သည်။

စစ်ကောင်စီက လူသားချင်းစာနာထောက်ထားရေးအကူအညီများ ထောက်ပံ့နေသည့် အဖွဲ့များအား သွားလာခွင့် ကန့်သတ် ပိတ်ပင်ထားခြင်း၊ ကုန်စည်စီးဆင်းမှု လမ်းကြောင်းများ ပိတ်ထားခြင်း ကြောင့် ရေရှည်တွင် စားနပ်ရိက္ခာ၊ ကျန်းမာရေး၊ နေထိုင်ရေး အထွေထွေအခက်အခဲများ ရှိလာနိုင်သည်ဟု AA က ထုတ်ပြန်ထားသည်။

ရသေ့တောင်မြို့နယ်အတွင်း အိမ်ထောင်စု ၁၀၀ ခန့် (လူဦးရေ ၃၆၄ ဦး)သည် အိုးအိမ်စွန့်ခွာထွက်ပြေးခဲ့ရပြီး ဒေသခံမိတ်ဖက်အဖွဲ့အစည်းများက ကူညီပေးထားကြောင်း OCHA က ဆိုသည်။

Public Service Announcement

Public Service Announcement

အလားတူ ဩဂုတ်လဆန်းပိုင်းကတည်းက ချင်းပြည်နယ်၊ ပလက်ဝမြို့နယ်တွင် လက်နက်ကိုင်တိုက်ပွဲများ မကြာခဏ ဖြစ်ပွားနေပြီး ယခင်တိုက်ပွဲများကြောင့် ပလက်ဝတွင် နေရပ်စွန့်ခွာတိမ်းရှောင်နေရသူဦးရေ ၅,၅၀၀ နီးပါး ရှိကြောင်း OCHA က ထုတ်ပြန်သည်။

“ဒေသခံမိတ်ဖက်အဖွဲ့တွေက နေရပ်စွန့်ခွာကြရသူတွေကို အခြေခံလိုအပ်ချက်တွေကူညီပေးနေပေမဲ့ ရွှေ့ပြောင်းနေထိုင်ရတဲ့နေရာအများစုဟာ တားမြစ်ကန့်သတ်ချက်တွေကြောင့် သွားရောက်ကူညီဖို့ခက်ခဲနေပါတယ်” ဟု OCHA က ဆိုသည်။

ချင်းပြည်နယ်၊ ပလက်ဝမြို့နယ်နှင့် ရခိုင်ပြည်နယ် မောင်တောမြို့နယ်များသို့ ဆေးဝါးနှင့် စားနပ်ရိက္ခာများ သယ်ယူပို့ဆောင်ခြင်းကို အကြမ်းဖက်စစ်တပ်က ကန့်သတ်ထားပြီး ကုန်းလမ်းနှင့် ရေလမ်းပိတ်ဆို့ထားခြင်းအပါအဝင် နေရာအများအပြားတွင် လုံခြုံရေးတင်းကျပ်ထားကြောင်း OCHA ၏ ထုတ်ပြန်ချက်၌ ဖော်ပြသည်။

ထို့အပြင် ဩဂုတ် ၁၆ ရက်မှစတင်ကာ ရခိုင်ပြည်နယ်တွင် မိုးသည်းထန်စွာရွာသွန်းနေသဖြင့် ကျောက်ဖြူမြို့နယ်ရှိ ကျောက်တလုံးရွှေ့ပြောင်းနေထိုင်ရာစခန်းနှင့် ရပ်ကွက်အများအပြားတွင် ရေကြီးရေလျှံခြင်းများဖြစ်ပေါ်ခဲ့သည်။

အဆိုပါ မိုးသည်းထန်စွာရွာသွန်းမှုကြောင့် ကျောက်တလုံးစခန်းမှ ရေနှင့်မိလ္လာဆိုင်ရာအဆောက်အအုံများ ပျက်စီးဆုံးရှုံးခဲ့ခြင်းကို လူသားချင်းစာနာမှုဆိုင်ရာမိတ်ဖက်အဖွဲ့အစည်းများက လာမည့် ရက်များအတွင်း ပြန်လည်ပြုပြင်သွားမည်ဟု OCHA က ထုတ်ပြန်သည်။

(ရခိုင်ပြည်နယ်တွင် တကျော့ပြန်တိုက်ပွဲများပြန်ဖြစ်လာသဖြင့် ထွက်​ပြေးတိမ်း​ရှောင်​နေ​သော စစ်​ဘေး​ရှောင်ပြည်သူအချို့ ။ ။ဓါတ်ပုံ-CJ)

ဆက်စပ်သတင်းများ

သတင်း

ကျောက်မဲမြို့တွင် ဇူလိုင် ၁၄ ရက်ညနေပိုင်းက စစ်ကောင်စီလက်နက်ကြီးပစ်ခတ်မှုတွင် အရပ်သားနှစ်ဦးထပ်မံဒဏ်ရရှိခဲ့ကြောင်း သတင်းရရှိသည်။

သတင်း

တိုက်ပွဲအတွင်း ချေမှုန်းရေးစစ်ကြောင်းမှ ရဲဘော်များသည် ဘန်ကာ သုံးခုအား ဝိုင်းထားနိုင်ခဲ့သော်လည်း စခန်းအနီးနားရှိ ဆင်အင်းစခန်းမှ တပ်ကူရောက်လာ၍ ပြန်လည်ဆုတ်ခွာခဲ့ကြောင်း 96 Soldiers - PDF(အညာဒေသ)က ဆိုသည်။

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။

သတင်း

လွိုင်ကော်မြို့​ပေါ်ရှိ မိုင်းလုံး (၁၁)ထပ်တိုက်၊ GTC ကျောင်း၊ နန့်ဘော်ဝမ်ရပ်ကွက် နှင့် နောင်ယားရပ်ကွက်တို့တွင် စစ်ကောင်စီက တပ်စွဲထားသည်။