ရိုဟင်ဂျာလူမျိုးစုရှင်းလင်းသုတ်သင်ခံရခြင်း (၅)နှစ်ပြည့်တွင် ICJ အမှုကို ကြားဝင်ကူညီမည်ဟု ကြေညာ
ဗြိတိန်သည် မြန်မာစစ်တပ်အပေါ် အရေးယူပိတ်ဆို့အသစ်တွေ ထပ်မံချမှတ်လိုက်ပြီး ဥပဒေပိုင်း ဆိုင်ရာအရေးယူမှုကိုလည်း ယနေ့(ဩဂုတ် ၂၅)တွင် ကြေညာသည်။
ယနေ့ကျရောက်သော ရိုဟင်ဂျာပဋိပက္ခ ငါးနှစ်ပြည့်နှစ်ပတ်လည်နေ့၌ ဗြိတိန်က အထက်ပါ အရေးယူမှုများကို ကြေညာလိုက်ခြင်းဖြစ်ပြီး ယခုဒဏ်ခတ်ပိတ်ဆို့မှုတွင် မြန်မာစစ်တပ်၏ လက်နက်နှင့်အကျိုးအမြတ် များ ရရှိနေမှုကို ပစ်မှတ်ထားရန် စစ်တပ်နှင့်ဆက်နွှယ် သော ကုမ္ပဏီများကို ထည့်သွင်းထားသည်။
“ကျွန်မတို့ရဲ့ လွတ်လပ်မှုနဲ့ ဒီမိုကရေစီတန်ဖိုးတွေကို လျှော့ချသူတွေ၊ ဖျက်ဆီးသူတွေကို ဗြိတိန်က အမြဲရင်ဆိုင်တုန့်ပြန်သွားပါမယ်။ လွန်ခဲ့တဲ့ ငါးနှစ်ကတည်း က ကျွန်မတို့ဟာ ရိုဟင်ဂျာလူ မျိုးတွေနဲ့ အခိုင်အမာဆက်လက်ရပ်တည်နေဆဲဖြစ်ပြီး မြန်မာစစ်တပ်ရဲ့ ဆိုးရွားတဲ့ ethnic cleansing (မျိုးနွယ်စုရှင်းလင်းသုတ်သင်ခြင်း)လုပ်ဆောင်မှုကို ရှုတ်ချပါတယ်”ဟု ဗြိတိန် အာရှရေးရာဝန်ကြီး Amanda Milling က ပြောသည်။
ထို့အပြင် အပြည်ပြည်ဆိုင်ရာ တရားရုံး(ICJ)၌ နိုင်ငံတကာတရားမျှတမှုရရှိရေးကြိုးပမ်းမှုကို ကူ ညီပံ့ပိုးရန် ကြားဝင်ဆောင်ရွက်ရေးကို ဗြိတိန်က အတည်ပြုကြေညာသည်။
Public Service Announcement
ယခုဒဏ်ခတ်ပိတ်ဆို့မှုတွင် စစ်တပ်နှင့်အကျိုးစီးပွားဆက်နွှယ်နေသော Star Sapphire Group ၊ International Gateways Groups of Companies Limited(IGG)၊ Sky One Construction Company Ltd တို့ ပါဝင်သည်။
၂၀၁၆ ၊ ၂၀၁၇ တွင် ရခိုင်ပြည်နယ်မြောက်ပိုင်း၌ ရိုဟင်ဂျာများ မျိုးနွယ်စုရှင်းလင်းသုတ်သင်ခံရခြင်း(ethnic cleansing)ဖြစ်သည်ကို ဗြိတိန်က ရှင်းလင်းစွာသတ်မှတ်ပြီး မြန်မာစစ်တပ်၏ လူမဆန်မှုကို ရပ်တန့်ရန်နှင့် ၎င်းတို့ကို အရေးယူအပြစ်ပေးရန် ဆက်လက်ကတိပြုကြောင်း ကြေညာသည်။
