မန္တလေးမြို့ပေါ် နယ်မြေအေးချမ်းရေးဆိုတဲ့ ခေါင်းစဉ်နဲ့ စစ်ကောင်စီတပ်ဟာ ရပ်ကွက်အလိုက် ဒေသခံပြည်သူတွေနဲ့ တွေ့ဆုံတာတွေကို ဒီရက်ပိုင်းမှာလုပ်ဆောင်လာတယ်လို့ ဒေသခံတွေဆီကသိရပါတယ်။
စစ်ကောင်စီရဲ့တွေ့ဆုံပွဲကို သက်ဆိုင်ရာ ရပ်ကွက်က ပြည်သူတွေ မလာမနေရ ခြိမ်းခြောက်တာမျိုးရှိတယ်လို့လည်းဒေသခံအချို့က ပြောပြကြပါတယ်။
” သူတို့က တစ်အိမ်တစ်ယောက်မလာမနေရ၊ မလာတဲ့အိမ်ကို ဝင်မွှေမယ်ဆိုပြီး ခြိမ်းခြောက်သေးတာ”လို့ ပြည်ကြီးတံခွန်မြို့နယ်အတွင်း နေထိုင်သူ ပြည်သူတစ်ဦးက ပြောပါတယ်။
အဲဒီတွေ့ဆုံပွဲတွေမှာ စစ်ကောင်စီခန့် ရပ်ကွက်အုပ်ချုပ်ရေးမှူး၊ ရာအိမ်မှူးနဲ့ အပေါင်းအပါတွေဟာ တက်ရောက်လာတဲ့ ပြည်သူတွေကို PDF နဲ့ပတ်သက်ဆက်နွယ်တာမလုပ်ဖို့ အဓိက ထား ပြောဆိုကြတယ်လို့သိရပါတယ်။
Public Service Announcement
ဒီနေ့ မဟာအောင်မြေမြို့နယ်၊မဟာနွယ်စဉ်ရပ်ကွက်မှာ ပြုလုပ်တဲ့ စစ်ကောင်စီရဲ့တွေ့ဆုံပွဲ နဲ့ မနီးမဝေးမှာ ဗုံးပေါက်ကွဲမှု ဖြစ်ခဲ့ပါသေးတယ်။
ပေါက်ကွဲမှုကြောင့် တွေ့ဆုံပွဲကိုတက်လာတဲ့အမျိုးသားကြီးတစ်ဦး ထိခိုက်ဒဏ်ရာရခဲ့တယ်လို့သိရပါတယ်။
