မိုးဗြဲမြို့တွင် တိုက်ပွဲဖြစ်နေပြီး ဒေသခံပြည်သူ များလုံခြုံစိတ်ချရသောနေရာများတွင် နေပေးကြရန် မိုးဗြဲပြည်သူ့ကာကွယ်ရေးတပ် MBPDFကအရေးပေါ်သတိပေးချက် ထုတ်ပြန်သည်။
MBPDFနှင့် စစ်ကောင်စီတပ်သည် ယနေ့ (သြဂုတ် ၂၇ရက်)ညတွင် တိုက်ပွဲဖြစ်ပွားနေသည်။
” မိုးဗြဲမြို့ တစ်နေရာ၌ လက်နက်ကြီး၊ လက်နက်ငယ်များ အပြန်အလှန်ပစ်ခတ်မှုများရှိနေသောကြောင့် မိဘပြည်သူများအနေဖြင့် လုံခြုံစိတ်ချရသောနေရာတွင် နေပေးကြဖို့သတိပေးအပ်ပါသည်”ဟု MBPDF သတင်းနှင့်ပြန်ကြားရေးက ထုတ်ပြန်ထားသည်။
ကရင်နီပြည်နယ်မြို့နယ်အချို့နှင့် ရှမ်း၊ကရင်နီနယ်စပ်ရှိ မိုးဗြဲမြို့နယ်တွင် ယခုရက်ပိုင်း တိုက်ပွဲများ ပြင်းထန်လာသည်။ သြဂုတ် ၂၅ရက်တွင် စ်ကောင်စီတပ် ခြေမြန်တပ်ရင်း (၄၂၂)ကင်းစခန်းကို MBPDF တပ်ရင်း(၁) က သွားရောက်တိုက်ခိုက်ခဲ့သည်။ စစ်ကောင်စီတပ်သား နှစ်ဦး ထိခိုက်ဒဏ်ရသွားသည်ဟု MBPDFက သတင်းထုတ်ပြန်ထားသည်။ ထို့ပြင် စစ်ကောင်စီတပ်နှင့် ပြည်သူ့ကာကွယ်ရေးမဟာမိတ်များ တိုက်ပွဲအပြင်းအထန်ဖြစ်ပွားခဲ့သည်။
Public Service Announcement
