မိုးဗြဲမြို့ သုံးရက်မြောက်နေ့တိုက်ပွဲတွင် ရဲဘော် ၁၀ ဦးဒဏ်ရာရပြီး သုံးဦးမှာ စိုးရိမ်ရသည့် အခြေအနေရှိကြောင်း Mobye PDF Rescue Team-MPRTက ယနေ့(စက်တင်ဘာ ၁၀ ရက်)ထုတ်ပြန် သည်။
မိုးဗြဲမြို့အတွင်း တပ်စွဲရန်ကြိုးပမ်းနေသော စစ် ကောင်စီတပ်နှင့် ကရင်နီတပ်ပေါင်းစုများအကြား
ယနေ့ တွင်လည်း တစ်နေကုန်နီးပါး ထိတွေ့မှုဖြစ် ပွားကာ စစ်ကောင်စီက လက်နက်ကြီးပစ်ကူများအပြင် လေကြောင်းပစ်ကူများပါ ပေးခဲ့သည်ဟု ဆိုသည်။
“အခုဒဏ်ရာရနေတဲ့ ရဲဘော်တွေက လက်နက် ကြီးကျည်ထိတာ။မြေပြင် ထိုးစစ်မှာ စကစ ကရှုံး နေတယ်။ဒါကြောင့် ဝေဟင် ရော လက် နက်ကြီး တွေနဲ့ပါပစ်ကူပေးနေတာ”ဟု မိုးဗြဲ PDF တာ ဝန်ရှိသူက ပြောသည်။
တိုက်ပွဲမှာ သုံးရက်ဆက်ဖြစ်လာနေ၍ အရေးပေါ် လိုအပ်ချက်များ အကူအညီတောင်းခံခြင်း ခဲယမ်းကျည်ဆံများလည်း အရေးပေါ်လိုအပ် နေသဖြင့် ပြည်သူများ ပါဝင်ကူညီပေးရန်လည်း တောင်းဆိုသည်။
Public Service Announcement
ကရင်နီနှင့် ရှမ်းပြည်နယ်အစပ် မိုးဗြဲမြို့သို့ အင် အား ၁၀၀ကျော်ပါသည့် စစ်ကောင်စီအဖွဲ့သည် စက်တင်ဘာ ၈ ရက်ကစ၍ ဝါရီဆူးဖလိုင်ရွာမှ မိုးဗြဲမြို့အတွင်း ထိုးစစ်ဆင်လာသဖြင့် မိုးဗြဲ PDF၊ ဖယ်ခုံ PDF၊ နေပြည်တော် PDF၊ KNDF၊ KA၊ URF နှင့် KGZ တို့ ပူးပေါင်း တိုက်ခိုက်နေ သည်။
ယခင်နှစ်ရက်တာ တိုက်ပွဲအတွင်း စစ်ကောင်စီတပ်မှ သေဆုံးသူ ၃၀ ကျော်ရှိကြောင်း သက်ဆိုင်ရာပြည်သူ့ကာကွယ်ရေးတပ်ဖွဲ့များက ထုတ်ပြန်ထားသည်။ထို့အပြင် သေနတ် ၁၀လက် အပါအဝင် ကျည်နှင့်ခဲယမ်းများစွာ သိမ်းဆည်းရရှိထား သည်။
ကရင်နီဒေသတွင် စစ်ရေးအရအရေးပါသည် မိုးဗြဲမြို့ကို ထိန်းချုပ်ရန် အကြမ်းဖက်စစ်ကောင် စီက ယခုနှစ်ဇူလိုင်အတွင်း အင်အားရာပေါင်းများစွာစစ်ကြောင်းထိုး၍ ထိုးစစ်ဆင်ခဲ့သော် လည်း သေဆုံးမှုများစွာ ဖြင့်ပင် ဆုတ်ခွာခဲ့ရပြီးနောက် ယခုတစ်ကြိမ် ထပ်မံထိုးစစ်ဆင်နေခြင်းဖြစ်သည်။
