ရေနစ်သေဆုံးသည့် စစ်ကောင်စီတပ်သား တစ်ဦး၏ အလောင်းကိုလည်းတွေ့ရှိခဲ့ဟု ဖော်ပြ
စစ်ကိုင်းတိုင်း ကသာမြို့နယ် မိုးတားတိုက်နယ်အတွင်း၌ တိုက်ပွဲများဖြစ်ခဲ့ရာ ငါးရက်အတွင်း စစ်ကောင်စီတပ်မှ ၂၀ဦးထက်မနည်း သေဆုံးခဲ့ကြောင်း ကသာပြည်သူ့ကာကွယ်ရေးတပ်ဖွဲ့ (ပကဖ)က သတင်းထုတ်ပြန်သည်။
စက်တင်ဘာ ၁၂ရက်မှ ၁၆ရက်အတွင်း ကသာမြို့အထက်ဘက် မိုးတားတိုက်နယ်အတွင်း ဒေသကာကွယ်ရေးတပ်ပေါင်းစုများနှင့် စစ်ကောင်စီတပ်တို့ တိုက်ပွဲ ငါးကြိမ်ထက်မနည်း ထိတွေ့တိုက်ပွဲဖြစ်ခဲ့သည်ဟု ဆိုသည်။
စစ်ကောင်စီတပ်သည် မိုးတားလေးမှ ကသာမြို့ သို့ ဦးတည် အပြန်စစ်ကြောင်း ထိုးလာခဲ့ရာ ကာကွယ်ရေးအဖွဲ့များ၏ မိုင်းကွင်းများကို ကွင်းသည့်အနေဖြင့် ကမ်းပါးယံအတိုင်း လာခဲ့ကြောင်း၊ ထိုသို့ စစ်ကြောင်းထိုးလာစဉ် ကမ်းပါးပြိုကျ၍ ရေနစ်သေဆုံးခဲ့သည့် စစ်ကောင်စီတပ်ဖွဲ့ဝင်တစ်ဦး၏ ရုပ်အလောင်းကိုရရှိခဲ့ကြောင်း ပုပ်ပွနေသည့် စစ်ကောင်စီတပ်သား၏ ရုပ်အလောင်းဓာတ်ပုံနှင့်တကွ ဖော်ပြသည်။
တိုက်ပွဲများအတွင်း ပြည်သူ့ကာကွယ်ရေးပူးပေါင်းတပ်ဖွဲ့မှ ထိခိုက်ကျဆုံးရှိ၊မရှိ အခြေအနေကို ဖော်ပြမထားပေ။
Public Service Announcement
