စစ်ကိုင်းတိုင်း အရာတော်မြို့နယ်တိုက်ပွဲတွင် စစ်ကောင်စီတပ်သားငါးဦးသေဆုံးပြီး ဒဏ်ရာရရှိသူများပြားကြောင်း ဒေသခံသတင်းရင်းမြစ်များက ပြောသည်။
ယနေ့(စက်တင်ဘာ ၁၈ ရက်) နံနက် ၁၀နာရီခန့်က အရာတော်မြောက်ပိုင်း ရဲချင်းကျေးရွာအနီးသို့ ခြေလျင်စစ်ကြောင်းထိုးလာသည့် စစ်ကောင်စီတပ်ကို တော်လှန်ရေးတပ်ပေါင်းစုများက ကြို တင်စောင့်ဆိုင်း၍ တိုက်ခိုက်နိုင်ခဲ့သည်ဟု ဆိုသည်။
“စခ အင်အားက ၄၀ ဝန်းကျင်လောက်ပါတယ်။ အပိုင်စောင့်တိုက်နိုင်ခဲ့လို့ စခတွေ အသေအ ပျောက်တွေနဲ့ဆုတ်ပြေးသွားရတာ”ဟု အရာတော်မြို့နယ် ပြည်သူ့ကာကွယ်ရေးတပ်ဖွဲ့ဝင်တစ်ဦးက လူထုနွေဦးသို့ ပြောသည်။
တိုက်ပွဲ၌ ရဲဘော်တစ်ဦး ဒဏ်ရာရရှိ(မစိုးရိမ်ရ)ခဲ့ပြီး အောင်မြင်စွာဆုတ်ခွာနိုင်ခဲ့ကြောင်း အသိ ပေးသည်။
တိုက်ခိုက်ခံရသည့် စစ်ကောင်စီအဖွဲ့နှင့် သေဆုံးဒဏ်ရာရရှိသူများကို အရာတော်မြို့ပေါ်ရှိ သံ ပြားကာ စစ်ကားနှစ်စီးဖြင့်လာရောက်သယ် ဆောင်ခဲ့ရကြောင်းလည်း သိရသည်။
ယနေ့တိုက်ပွဲတွင် မုံရွာခရိုင် PDF တပ်ရင်း(၆)၊ အရာတော်မြို့နယ်ပြည်သူ့ကာကွယ်ရေးအဖွဲ့ (ပကဖ)၊ ကျောက်ဆူးတပ်ဖွဲ့၊ ကျားသစ်နက် LDFတပ်ဖွဲ့၊ Northern Brother Squad နှင့် လှော်တက်အင်အားစုတို့ ပူးပေါင်းတိုက်ခိုက်ခဲ့သည်။