Connect with us

Hi, what are you looking for?

LuduNwayOo

သတင်း

ကန်ပက်လက်မြို့နယ်ရဲစခန်းမှ ရဲတပ်သားတစ်ဦး သေနတ်နှစ်လက်နှင့်ကျည်များယူလာပြီး CDM ပြုလုပ်

စက်တင်ဘာ ၅ ရက်ကလည်း စစ်ကိုင်းတိုင်း ဘုတလင်မြို့နယ် ကူတော်ရဲစခန်းမှ စစ်သား နှစ်ဦးလည်း သေနတ် ၂ လက်ယူဆောင်လာပြီး CDM ပြုလုပ်ကာပြည်သူနှင့် ပူးပေါင်းခဲ့သည်။

ဓာတ်ပုံ - CDF ကန်ပက်လက်
ဓာတ်ပုံ - CDF ကန်ပက်လက်

ချင်းပြည်နယ် ကန်ပက်လက်မြို့နယ်တွင် ရဲတပ်သားတစ်ဦးက သေနတ်နှစ်လက်နှင့် ခဲယမ်းများ ယူဆောင်လာပြီး CDF ကန်ပက်လက်ထံ ဆက်သွယ်ကာ ပြည်သူနှင့်အတူ ပူးပေါင်းလာခဲ့သည်။

ကန်ပက်လက်မြို့နယ်ရဲစခန်းမှ ရဲတပ်သား ပြည့်ဖြိုးဇင် ကိုယ်ပိုင်အမှတ် လ-၂၆၆၇၂၉ ပြည်သူ့ထံပူးပေါင်းလာသည်ဟု CDFက ယနေ့(စက်တင်ဘာ ၂၁ရက်) သတင်းထုတ်ပြန်ခြင်းဖြစ်သည်။

” အလင်းဝင်ချင်တာကို သူကိုယ်တိုင်က ချိတ်ဆက်ကမ်းလှမ်းလာတာ။ ကျွန်တော်တို့က စနစ်တကျပြင်ဆင်ပြီး သွားခေါ်ခဲ့တာ။ သေနတ်တွေရော၊ ကျည်တွေရော ယူလာတယ်။ အခု စိတ်ချရတဲ့နေရာရောက်နေပါပြီ”ဟု CDF မှ တာဝန်ရှိသူတစ်ဦးက ပြောသည်။

ဓာတ်ပုံ - CDF ကန်ပက်လက်
ဓာတ်ပုံ – CDF ကန်ပက်လက်

ရဲတပ်သား ပြည့်ဖြိုးဇင်သည် G3 (၁)လက်၊M16 (၁) လက်၊G3 ကျည်ဘောက် (၃)ခု၊M16 ကျည်ဘောက် (၂)ခု၊7.62 ကျည် (၁၁၀) တောင့်၊ (၉)မမ ကျည် (၅) တောင့်နှင့် ကျည်ကာ တစ်ထည်ကိုပါ ယူဆောင်လာခဲ့ပြီး ပြည်သူ့ထံ ပူးပေါင်းလာ​ခြင်းဖြစ်သည်။

စက်တင်ဘာ ၅ ရက်ကလည်း စစ်ကိုင်းတိုင်း ဘုတလင်မြို့နယ် ကူတော်ရဲစခန်းမှ စစ်သား နှစ်ဦးလည်း သေနတ် ၂ လက်ယူဆောင်လာပြီး CDM ပြုလုပ်ကာပြည်သူနှင့် ပူးပေါင်းခဲ့သည်။

You May Also Like

သတင်း

ဆေးဆိုင်ပိုင်ရှင်ကို CDM ထောက်ပို့လုပ်တယ်လို့ စစ်ကောင်စီရဲ့ဝါဒဖြန့် တယ်လီဂရမ်ချန်နယ် ၂ ခုမှာ ဖြန့်ဝေခံရပြီးနောက် ဖမ်းခံရတာလို့ လည်းစုံစမ်းသိရပါတယ်။

သတင်း

ဝင်နေတာတွေ့ရင် ဖမ်းဆီးဖို့လည်း ညွှန်ကြားထားပါသေးတယ်။ စစ်ကောင်စီဟာ CDM ဝန်ထမ်း တွေကို ဝန်ထမ်းအိမ်ရာတွေက နေ ဖယ်ရှားတာတွေ လုပ်ခဲ့ပါတယ်။

သတင်း

တမူးမြို့ နန့်ဖာလုံရပ်ကွက်၊ချောင်းနက်ကြီး မူလတန်းကျောင်းမှ ဆရာမ ဒေါ်ဟန်နီစုကြည်ဇော်ကို စစ်ကောင်စီက ယနေ့(နိုဝင်ဘာ ၂၁ရက်) ထောင် ၁၀နှစ်ချမှတ်လိုက်ခြင်းဖြစ်သည်။

သတင်း

အောက်တိုဘာလ ၂၉ ရက် အစောဆုံးဖမ်းခံသူရ ၄ ဦးထဲမှာ မန္တလေး ဗဟိုအမျိုးသမီး ဆေးရုံက သူနာပြုမ ပိုးသန္တာအောင် လည်းပါပါတယ်။