Connect with us

Hi, what are you looking for?

LuduNwayOo

သတင်း

ထိုင်းနိုင်ငံတွင် အလုပ်ထုတ်ခံရသည့် မြန်မာလုပ်သား ၁၀၀ကျော် နစ်နာကြေးရရန် NUG တောင်းဆိုထား

လက်ရှိတွင် အလုပ်ရှင်အား အမှုဖွင့်ထားသည့် အလုပ်သမား (၃၈)ဦးအတွက် တရားဝင်အလုပ်ပြောင်းရွှေ့ခွင့်ရရှိရန် စမုပရာကန်ခရိုင်၊ အလုပ်အကိုင်ဌာန(ကျဟာငန်)နှင့် ချိတ်ဆက်ဆောင်ရွက်လျက်ရှိကြောင်း အသိပေးထားသည်။

ဓာတ်ပုံ - Ministry of Labour - National Unity Government of Myanmar
ဓာတ်ပုံ - Ministry of Labour - National Unity Government of Myanmar

ထိုင်းနိုင်ငံ ငါးသေတ္တာစက်ရုံမှ အလုပ်ထုတ်ခံရသည့် မြန်မာအလုပ်သမား ၁၁၀ဦးအတွက် NUG အစိုးရ၊ အလုပ်သမားဝန်ကြီးဌာနမှစေလွှတ်သည့် ကိုယ်စားလှယ်အဖွဲ့က ထိုင်းအာဏာပိုင်များထံမှတဆင့် နစ်နာကြေးရရန်တောင်းဆိုထားကြောင်း ယနေ့(စက်တင်ဘာ ၂၈)ထုတ်ပြန်သည်။

ထိုင်းနိုင်ငံ၊ စမုပရာကန်ခရိုင် ဘန်ဘော်နယ်မြေရှိ ငါးသေတ္တာစက်ရုံမှ မြန်မာအလုပ်သမား ၁၁၀ဦးခန့် အလုပ်ထုတ်ခံရပြီး အမျိုးသားညီညွတ်ရေးအစိုးရမှ ဝင်ရောက်ဖြေရှင်းပေးရန် စက်တင်ဘာ ၂၁ ရက်က ဆန္ဒဖော်ထုတ်၍ အကူအညီတောင်းခဲ့သဖြင့် ယခုကဲ့ဝင်ရောက်ညှိနှိုင်းဖြေရှင်းပေးနေခြင်းဖြစ်ကြောင်း ဖော်ပြသည်။

ဓာတ်ပုံ - Ministry of Labour - National Unity Government of Myanmar
ဓာတ်ပုံ – Ministry of Labour – National Unity Government of Myanmar

ညှိနှိုင်းဖြေရှင်းချက်များအရ အလုပ်ထုတ်ရာတွင် ကြိုတင်အကြောင်းကြားရန် ပျက်ကွက်ခြင်းကြောင့် အလုပ်သမား (၃၈)ဦးအတွက် လုပ်ခလစာနှင့် လုပ်သက်အလိုက် နစ်နာကြေးများရရှိရန် အလုပ်ရှင်အား အမှုဖွင့်ခြင်း၊ အလုပ်ရှင်၊ အလုပ်သမား ညှိနှိုင်းသဘောတူမှုအရ ကျန်အလုပ်သမားများအား အလုပ်ရှင်မှ ‌ပေးရန်ကျန်ရှိသောလုပ်အားခများနှင့် တရားဝင်အလုပ်ပြောင်းရွှေ့ခွင့် စာရွက်စာတမ်းများ အမြန်ဆုံးရရှိနိုင်ရေးတို့ပါဝင်ကြောင်း ဖော်ပြသည်။

ညှိနှိုင်းဖြေရှင်းမှုကို NUGအလုပ်သမားဝန်ကြီးဌာနမှ ကိုယ်စားလှယ်အဖြစ်စေလွှတ်ခဲ့သော ကိုရဲမင်း(AAC အဖွဲ့)နှင့် ဦးသက်ပိုင်မင်းတို့က စမုပရာကန်ခရိုင် အလုပ်သမားကာကွယ်စောင့်ရှောက်ရေးရုံးနှင့် ချိတ်ဆက်ဆောင် ရွက်ခဲ့ခြင်းဖြစ်ပြီး ယင်းအပေါ် NUG အနေဖြင့် သက် ဆိုင်သူများနှင့် ထိုင်းအာဏာပိုင်များ မှတ်တမ်းတင်ဂုဏ်ပြုကြောင်း ထုတ်ပြန်သည်။

ဓာတ်ပုံ - Ministry of Labour - National Unity Government of Myanmar
ဓာတ်ပုံ – Ministry of Labour – National Unity Government of Myanmar

လက်ရှိတွင် အလုပ်ရှင်အား အမှုဖွင့်ထားသည့် အလုပ်သမား (၃၈)ဦးအတွက် တရားဝင်အလုပ်ပြောင်းရွှေ့ခွင့်ရရှိရန် စမုပရာကန်ခရိုင်၊ အလုပ်အကိုင်ဌာန(ကျဟာငန်)နှင့် ချိတ်ဆက်ဆောင်ရွက်လျက်ရှိကြောင်း အသိပေးထားသည်။

NUG အစိုးရအလုပ်သမားဝန်ကြီးဌာနက ထိုင်းနိုင်ငံရောက် မြန်မာအလုပ်သမားများအရေး ကူညီဆောင်ရွက်ပေးလျှက်ရှိရာ စက်တင်ဘာ ၁၉ ရက်နှင့် ၂၀ ရက်များတွင် ထိုင်းအာဏာပိုင်းများနှင့် ညှိနှိုင်းဖြေရှင်းမှုအရ ထိုင်းနိုင်ငံ၊ ပထုန်ဌာနီခရိုင် နဝနခွန်နယ်မြေ အီလက်ထရောနစ်စက်ရုံမှ မြန်မာအလုပ်သမား ၂၇၀ဦးအား အကြောင်းမဲ့ အလုပ်ထုတ်ခံရခြင်းအတွက် နစ်နာကြေးအဖြစ် ဘတ်ငွေငါးသန်းရရှိအောင် စွမ်းဆောင်နိုင်ခဲ့သည်။

You May Also Like

သတင်း

ပြည်ထောင်စုလွှတ်တော် ကိုယ်စားပြုကော်မတီ (CRPH)၊ အမျိုးသားညီညွတ်ရေးအတိုင်ပင်ခံကောင်စီ (NUCC)၊ အမျိုးသားညီညွတ်ရေးအစိုးရ (NUG) ခေါင်းဆောင်များက နော်ဝေနိုင်ငံရေးပါတီများမှ ပါလီမန်အမတ်များနှင့် တွေ့ဆုံဆွေးနွေးခဲ့ခြင်းဖြစ်သည်။

သတင်း

အကြမ်းဖက်စစ်ကောင်စီအား လက်နက်များ ဖြန့်ဖြူးရောင်းချပြုလုပ်လျက်ရှိသည့် ကုမ္ပဏီများကို ပိတ်ဆို့ အရေးယူဆောင်ရွက်ရန် ကုလသမဂ္ဂ၊ အာဆီယံနှင့် နိုင်ငံတကာအဖွဲ့အစည်းများသို့ အမျိုးသားညီညွတ်ရေးအစိုးရ (NUG)က ယနေ့ထုတ်ပြန်တောင်းဆိုသည်။ အကြမ်းဖက်စစ်အုပ်စု၏ ရာဇဝတ်မှုများကို မျက်ကွယ်ပြုခြင်းသည် ရာဇဝတ်မှုများ ဆက်လက်ကျူးလွန်ရန် အားပေးရာရောက်သည်ဖြစ်၍ အားပေးထောက်ခံသည့် အပြုအမူမှန်သမျှကို မပြုလုပ်ကြရန် NUG က နိုင်ငံတကာကို...

သတင်း

စစ်ကောင်စီ၏ ပြစ်ဒဏ်လွတ်ငြိမ်းခွင့်ပေးအပြီးတွင် အာဆီယံအထူးကိုယ်စားလှယ်က ၎င်း၏ တတိယအကြိမ်မြောက် မြန်မာနိုင်ငံခရီးစဥ်ကို စီစဥ်နေကြောင်း ကြေညာလိုက်ပြီး ထင်ရှား သည့်နိုင်ငံရေးအကျဥ်းသားအချို့အပါအဝင် ပြစ်ဒဏ်လွတ်ငြိမ်းပေးခဲ့သည့်အပေါ် ကြိုဆိုကြောင်း ထုတ်ပြန်ခဲ့သည်။

သတင်း

အကြမ်းဖက်စစ်အုပ်စု၏ မတရားဖမ်းဆီးချုပ် နှောင်ခြင်းခံထားရသော နိုင်ငံရေးအကျဉ်းသားအချို့ ပြန်လည်လွတ်မြောက်လာမှု နှင့် ပတ်သက်သည့် NUG၏ ကြေညာချက်၌ အထက်ပါအတိုင်း ဖော်ပြထားခြင်းဖြစ်သည်။