Connect with us

Hi, what are you looking for?

LuduNwayOo

သတင်း

ရှမ်းမြောက် သိန္နီ-ကွမ်လုံကြားတွင် စစ်ကောင်စီတပ်ယာဉ်တန်း တိုက်ခိုက်ခံရ

ရှမ်းမြောက်ဒေသ တိုက်ပွဲဖြစ်စဉ်များနှင့်ပတ်သက်ပြီး မေးမြန်းရန် KIA သတင်းပြန်ကြားရေးဌာန တာဝန်ရှိသူ ထံသို့ ဆက်သွယ်ရာ အဆက်အသွယ် မရသေးပေ။

တိုက်ခိုက်ခံရပြီးနောက် ယာဉ်တစ်စီးမီးလောင်နေစဉ်၊ဓာတ်ပုံ -CJ
တိုက်ခိုက်ခံရပြီးနောက် ယာဉ်တစ်စီးမီးလောင်နေစဉ်၊ဓာတ်ပုံ -CJ

ရှမ်းပြည်နယ်မြောက်ပိုင်း သိန္နီနှင့် ကွမ်လုံကြားတွင် စစ်ကောင်စီတပ် ယာဉ်တန်းကို တိုင်းရင်းသားလက်နက်ကိုင်တပ်ဖွဲ့တစ်ဖွဲ့က တိုက်ခိုက်ခဲ့ကြောင်း ရှမ်းမြောက်ဒေသခံတစ်ဦးက ပြောသည်။

“သိန္နီက လားရှိုးကနေ ဒီဘက်ထွက်လာရင် သိန္နီပေါ့။ သိန္နီကနေ ဘယ်ဘက်ကို လမ်းခွဲတော့ ကွတ်ခိုင်-မူဆယ်ဘက်သွားတာ။ ညာဘက်ကို သွားရင် ကွမ်လုံဘက် ချင်းရွှေဟော် တရုတ်ကုန်သွယ်ရေးလမ်းကြောင်း လေ။ အခုဖြစ်တာက ကွမ်လုံဘက်သွားတဲ့ လမ်းကြောင်း သိန္နီနဲ့ ကွမ်လုံကြားပေါ့။ ၅စီးတက်လာတာ။ မိုင်းဆွဲလိုက်တာ တစ်စီး မီးလောင်တယ်ဆိုပြီး ကြားရတယ်။ အဲဒီဘက်အခြမ်းက ကိုးကန့်(MNDAA) တပ်တွေများတယ်။ အခုကKIA လို့လည်းပြောနေတာရှိတယ်” ဟု ဒေသခံက ပြောသည်။

Public Service Announcement
Public Service Announcement

ကချင်သတင်းဌာန Kachinwaves ၏ ဖော်ပြချက်တွင် ယနေ့ (စက်တင်ဘာ ၂၈ရက်)နံနက် ၉နာရီခွဲတွင် စစ်ကောင်စီတပ်၏ ယာဉ် ၅စီးကို ကချင် လွတ်လပ်ရေးတပ်မတော်(KIA)နှင့် ပြည်သူ့ကာကွယ်ရေးတပ်(PDF) ပူးပေါင်းတပ်က တိုက်ခိုက်ခဲ့ရာ ယာဉ်တစ်စီး မီးလောင် ပျက်စီးသွားသည်ဟု တွေ့ရသည်။ ရှမ်းပြည်နယ် နမ္မတူမြို့နယ်တွင်လည်း ယမန်နေ့က စစ်ကောင်စီတပ်ကို KIAနှင့် PDF ပူးပေါင်းတတပ်က တိုက်ပွဲ ဖြစ်ပွားခဲ့ကြောင်း ဖော်ပြသည်။ တိုက်ပွဲ၌ ထိခိုက်ကျဆုံး အခြေအနေကို ဖော်ပြမထားပေ။

ရှမ်းမြောက်ဒေသ တိုက်ပွဲဖြစ်စဉ်များနှင့်ပတ်သက်ပြီး မေးမြန်းရန် KIA သတင်းပြန်ကြားရေးဌာန တာဝန်ရှိသူ ထံသို့ ဆက်သွယ်ရာ အဆက်အသွယ် မရသေးပေ။

You May Also Like

သတင်း

KIA တပ်မဟာ(၉) တပ်ရင်း(၆)နယ်မြေ မဒဲယန်တွင် ဒီဇင်ဘာ ၆ရက် ညနေ ၄နာရီ ကစပြီး စစ်ကောင်စီတပ်နှင့် KIA ပူးပေါင်းတပ်တို့ တိုက်ပွဲဖြစ်ပွားခဲ့သည်။

သတင်း

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

သတင်း

လတ်တလောတွင် ချင်းရွှေဟော်ဒေသသို့ ထိုးစစ်ဆင်လာသည့် စစ်ကောင်စီနှင့် ပြည်သူ့စစ်ပူးပေါင်းတပ်သည် ချင်းရွှေဟော်ဒေသ၌ စခန်းချနေသော်လည်း နှစ်ဖက်ပဋိပက္ခ ထပ်မံ ဖြစ်ပွားမှု မရှိဟု ဖော်ပြထားသည်။