Connect with us

Hi, what are you looking for?

LuduNwayOo

သတင်း

ဖားကန့်တွင် PDF အ​ယောင်​ဆောင် ဓားပြအဖွဲ့ကို KIAနှင့် KPDF ပူး​ပေါင်းအဖွဲ့ ဖမ်းဆီး

ယခုဖမ်းမိသူ ခြောက်ဦးကို KIAနှင့်KPDF ပူး​ပေါင်းအဖွဲ့က စစ်ဆေးနေပြီး မကြာမီသတင်းထုတ်ပြန်မည်ဟု တော်လှန်ရေးအင်အားစုများက ပြောသည်။

ဖားကန့်တွင် PDF အ​ယောင်​ဆောင် ဓားပြအဖွဲ့ကို KIAနှင့်KPDF ပူး​ပေါင်းအဖွဲ့ ဖမ်းဆီး
ဖားကန့်တွင် PDF အ​ယောင်​ဆောင် ဓားပြအဖွဲ့ကို KIAနှင့်KPDF ပူး​ပေါင်းအဖွဲ့ ဖမ်းဆီး

ဖားကန့်မြို့နယ်အတွင်း ပြည်သူ့ကာကွယ်ရေးတပ်(PDF)အ​ယောင်​ဆောင် ဓားပြတိုက်သူများကို ကချင်လွတ်မြောက်ရေးတပ်မတော် (KIA)နှင့် KPDF ပူး​ပေါင်းအဖွဲ့က ဖမ်းဆီးလိုက်ကြောင်း ဖားကန့်မြို့နယ် ပြည်သူ့လွှတ်တော်ကိုယ်စားလှယ်ဦးအောင်ဟိန်းမင်းက ပြောသည်။

PDFအ​ယောင်​ဆောင်ကာ ဓားပြတိုက်နေသူများကို ဖားကန့်မြို့နယ်၊ ဆိပ်မူကျေးရွာတွင် ယမန်နေ့ (စက်တင်ဘာ ၂၉ရက်)ညနေက ဖမ်းဆီးလိုက်ခြင်းဖြစ်သည်။

စုစု​ပေါင်း ခြောက်ဦးကို KIAနှင့်KPDF ပူး​ပေါင်းအဖွဲ့က ဖမ်းဆီးလိုက်ခြင်းဖြစ်ပြီး လက်နက်နှင့် ကျည်ဆံများလည်း သိမ်းဆည်းရမိ​ကြောင်း ဦးအောင်ဟိန်းမင်းက ၎င်း၏ လူမှုကွန်ရက်စာမျက်နှာမှတစ်ဆင့် အသိပေးထားသည်။

ဖားကန့်မြို့နယ်အတွင်း PDFအ​ယောင်​ဆောင်ကာ ဓားပြတိုက်နေသူ လူတစ်စုသည် လုံးခင်းကျေးရွာအုပ်စုမှ ဝေဖြိုးအောင်ရွှေဆိုင်ကို စက်တင်ဘာ ၁၅ရက်တွင် ဓားပြတိုက်ခဲ့သည်။ ရွှေဆွဲကြိုးဝယ် ဟန်ဆောင်ကာ ဆိုင်အတွင်း ဝင်လာပြီးနောက် ၎င်းတို့သည် PDFများဖြစ်ကြောင်းနှင့် ငွေကြေးထောက်ပံ့ရန် ခြိမ်းခြောက်ကာ ရွှေရောင်းရငွေများနှင့် ဆွဲကြိုးတစ်ကုံးကို ယူဆောင်သွားခဲ့သည်။

ထို့အပြင် စက်တင်ဘာ ၁၁ရက်ကလည်း တရုတ် လူမျိုးနှစ်ဦးစီးလာသည့် လိုင်စင်မဲ့ လန်ခရုဆာကားအဖြူရောင်ကို လူတစ်စုက PDF အယောင်ဆောင်ကာ လုယက်သွားခဲ့သည်။

ယခုဖမ်းမိသူ ခြောက်ဦးကို KIAနှင့်KPDF ပူး​ပေါင်းအဖွဲ့က စစ်ဆေးနေပြီး မကြာမီသတင်းထုတ်ပြန်မည်ဟု တော်လှန်ရေးအင်အားစုများက ပြောသည်။

ဖားကန့်တွင် စစ်ကောင်စီက လူအချို့အား PDFအယောင်ဆောင်၍ အကြမ်းဖက်လုယက်ရန် ခိုင်းစေမှုများရှိနေသည်ဟု ဒေသခံများက ပြောသည်။ထို့အပြင် စစ်အာဏာရှင်တော်လှန်ရေးလုပ်ဆောင်သူများကို ဖမ်းဆီးခြင်း၊ နေအိမ်များအား မီးရှို့ဖျက်ဆီးခြင်းများပြုလုပ်ရာတွင် စစ်ကောင်စီတပ်က PDFနှင့် KIA ဝတ်စုံများကို ဝတ်ဆင်ပြီး အကြမ်းဖက်ခဲ့သည်ကို တွေ့ရသည်။

You May Also Like

သတင်း

စစ်ကောင်စီသည် အန္ဒိယနိုင်ငံဘက်မှ တင်သွင်းလာသည့် စစ်လက်နက်ပစ္စည်းများကို တမူး-ကလေးလမ်းမကြီးအတိုင်း သယ်ယူလာပြီး ပြည်သူ့ကာကွယ်ရေးမဟာမိတ်များက တားဆီးနိုင်ရန် ကြိုးစားနေသည်။

သတင်း

ပုလောမြို့၊ ကဒဲကျေးရွာအနီးတွင်နိုဝင်ဘာ ၂၅ ရက်နေ့လယ်ပိုင်းက တိုက်ခိုက်ခဲ့ခြင်းဖြစ်ပြီး စစ်ကောင်စီတပ်သား ၅ ဦးသေဆုံးပြီး ၅ဦးထက်မနည်း ဒဏ်ရာရရှိခဲ့ခြင်းဖြစ်သည်။

သတင်း

ယခုအခါ စစ်ကောင်စီတပ်သည် အဆိုပါယူနီဖောင်းများဝတ်ဆင်ပြီး ကျေးရွာများကို မီးလိုက်ရှို့ခြင်း၊ အများပြည်သူနေအိမ်များကိုဖျက်ဆီးခြင်းများ ပြုလုပ်ကာ တပ်ရင်းကို အများပြည်သူအထင်လွဲအောင် လုပ်ဆောင်နေကြောင်း ဗိုလ်စွန်ရဲက ပြောသည်။

သတင်း

ထို့နောက် မွန်းလွဲ ၂နာရီခန့်တွင် စစ်အုပ်စုက ရဟတ် ယာဥ်ဖြင့် မုံလှကျေးရွာအား ၁နာရီကြာ ပစ်ခတ်တိုက်ခိုက်ခဲ့ရာ ရဲ​ဘော်ကိုလှိုင်ဝင်းအပါအဝင် ဒေသကာကွယ်ရေးအဖွဲ့ဝင်ရဲဘော်၆ ဦး ကျဆုံးခဲ့ခြင်းဖြစ်သည်။