မန္တလေး၊ ပြည်ကြီးတံခွန်မြို့နယ်၊ ငွေတော်ကြည်ကုန်းရပ်ကွက်က ဆေးဆိုင် တစ်ဆိုင် ဒီနေ့မနက်အစောပိုင်းမှာ ဓားပြတိုက်ခံရပြီး အမျိုးသမီး ၂ ဦးသတ်ဖြတ်ခံလိုက်ရပါတယ်။
အဲဒီဆေးဆိုင်ဟာ နေအိမ်နဲ့တွဲပြီး ဖွင့်ထားတဲ့ဆိုင်ဖြစ်ကာ မနက် ၄ နာရီခန့်မှာ ဓားပြတိုက်ခံလိုက်ရတာပါ။
ဓားပြတိုက်ခံရတဲ့အချိန်မှာ နေအိမ်မှာ သားအမိ ၂ ဦးတည်းရှိနေတာဖြစ်ပြီး ၂ဦးလုံးအသတ်ခံလိုက်ရတာလို့ ဒေသခံ အချို့က ပြောပြပါတယ်။
အသတ်ခံရတဲ့ အမျိုးသမီး ၂ဦးဟာ ၅၇ နှစ်နဲ့ ၃၁ နှစ်အရွယ်တို့ရှိကြပါတယ်။
စစ်ကောင်စီဘက်ကတော့ ဓားပြတိုက်လူသတ်သွားတာကိုထုတ်ပြန်လာတာမရှိသေးပါဘူး။