Connect with us

Hi, what are you looking for?

LuduNwayOo

သတင်း

လမ်းကြောင်းများ၌ ပြည်သူ့ထံမှ ငွေကောက်ခံခြင်းလုံးဝမပြုရန် တပ်ဖွဲ့ဝင်များအား အမိန့်ထုတ် ထားဟု CNO/CNDF အသိပေး

CNO/CNDF အမည်သုံးပြီး ငွေကြေးကောက်ခံမှု ပြုလုပ်နေခြင်းများ ရှိနေသည့်အပေါ် ယခုကဲ့သို့ အသိပေးလိုက်ခြင်းဖြစ်သည်ဟု ဆိုသည်။

ချင်းအမျိုးသားကာကွယ်ရေးတပ်ဖွဲ့မှ အထူးကွန်မန်ဒိုသမားများ လေ့ကျင့်နေစဉ်၊ ဓာတ်ပုံ - CNDF
ချင်းအမျိုးသားကာကွယ်ရေးတပ်ဖွဲ့မှ အထူးကွန်မန်ဒိုသမားများ လေ့ကျင့်နေစဉ်၊ ဓာတ်ပုံ - CNDF

▪️အဖွဲ့အမည်သုံးပြီး ငွေကြေးကောက်ခံနေသူများတာဝန်ခံရမည်ဟု သတိပေး

ချင်းပြည်နယ် ဖလမ်းမြို့နယ် နယ်နိမိတ်အတွင်းနှင့် လှုပ်ရှားနယ်မြေ မည်သည့်လမ်းကြောင်းတွင်မဆို ပြည်သူများထံမှ ငွေကြေးကောက်ခံခြင်းနှင့် တံစိုးလက်ဆောင် လက်ခံခြင်းများ လုံးဝ(လုံးဝ) မပြုလုပ်ရန် တပ်သားများအားလုံးထံ အမိန့်ထုတ်ပြန်ထားပြီးဖြစ်ကြောင်း ချင်းအမျိုးသားအဖွဲ့ချုပ်/ချင်းအမျိုးသားကာကွယ်ရေးတပ်(CNO/CNDF)က ယနေ့ ထုတ်ပြန်သည်။

CNO/CNDF အမည်သုံးပြီး ငွေကြေးကောက်ခံမှု ပြုလုပ်နေခြင်းများ ရှိနေသည့်အပေါ် ယခုကဲ့သို့ အသိပေးလိုက်ခြင်းဖြစ်သည်ဟု ဆိုသည်။

ကလေး-တီးတိန်-တီအိုချောင်း လမ်းမတလျှောက်တွင် CNO/CNDF မှ တပ်စွဲထားခြင်း မရှိသကဲ့သို့ ပြည်သူများထံမှ ငွေကြေးတစ်စုံတစ်ရာတောင်းခံခြင်း လုံးဝ (လုံးဝ) မရှိကြောင်း၊ သို့သော် CNO/CNDF အမည်နာမကို အလွဲသုံးစားလုပ်၍ လမ်းမကြီးတွင် ငွေကြေးကောက်ခံနေကြောင်း ပြည်သူများထံမှ ကြားသိရသည်ဟု ဖော်ပြသည်။

Public Service Announcement
Public Service Announcement

ဖလမ်းမြို့နယ်အတွင်း စစ်ရေး၊ အုပ်ချုပ်ရေး၊ ပညာရေး၊ ကျန်းမာရေးနှင့် အခွန်ကောက်ခံရေး ကိစ္စအဝဝတွင် CNO/CNDFသည်သာ စီမံပိုင်ခွင့် ရှိသည့်အလျောက် CNO/CNDFအမည်နာမကို အသုံးပြုလျက် ငွေကြေးကောက်ခံခြင်းများ ဆက်လက်လုပ်ဆောင်လာပါက ထိုကဲ့သို့ လုပ်ရပ်များသည် တရားဝင်မှုမရှိကြောင်းနှင့် လုပ်ဆောင်သူများက မိမိတို့လုပ်ရပ်အပေါ် တာ၀န်ခံရမည် ဖြစ်ကြောင်း သတိပေး ထုတ်ပြန်ထားသည်။

CNO/CNDF မှ ဖလမ်းမြို့နယ် နယ်နိမိတ်အတွင်းနှင့် မိမိတို့လှုပ်ရှားနယ်မြေ မည်သည့်လမ်းကြောင်း တွင်မဆို ပြည်သူများထံမှ ငွေကြေးကောက်ခံခြင်းနှင့် တံစိုးလက်ဆောင် လက်ခံခြင်းများ လုံးဝ (လုံးဝ) မပြုလုပ်ရန် CNDF တပ်သားများအားလုံးထံ အမိန့်ထုတ်ပြန်ထားပြီးဖြစ်ကြောင်း၊ ပြည်သူများမှ မေတ္တာဖြင့်ပေးကမ်းလာသော လက်ဆောင်များပင် အဖွဲ့ခေါင်းဆောင်ထံသို့ အသိပေး အကြောင်းကြားပြီးမှသာ စနစ်တကျလက်ခံရန် ညွှန်ကြားထားကြောင်း ဖော်ပြထားသည်။

ထို့ကြောင့် လမ်းမကြီးတစ်လျှောက် တပ်စွဲသည့် နေ့မှစ၍ ယနေ့အချိန်ထိ ပြည်သူများထံ အခွန်ကဲ့သို့လည်းကောင်း၊ ဆက်ကြေးကဲ့သို့ သော်လည်းကောင်း ငွေကြေးကောက်ခံခြင်း တစ်စိုးတစ်စဉ်းမျှ မရှိခဲ့ကြောင်း အသိပေးထားသည်။

You May Also Like

သတင်း

ယခင်ကလည်း ဖယ်ခုံမြို့နယ်အတွင်းရှိ လျှပ်စစ် တာဝါတိုင်များကို ကာကွယ်ရေးတပ်ဖွဲ့ဝင်များက ယခုကဲ့သို့ တိုက်ခိုက်ဖျက်ဆီးမှုအချို့ရှိခဲ့သည်။

သတင်း

ဖမ်းဆီးရမိသောဗိုလ်ကြီးအဆင့်ရှိသူအား နိုင်ငံတကာစံချိန်စံညွှန်းနှင့် အညီစစ်ဆေးမေးမြန်းခဲ့ရာ ဗိုလ်ကြီးမြတ်သူ ဖြစ်ကြောင်း YGF က အသိပေးသည်။

သတင်း

▪︎စစ်အုပ်ချုပ်ရေးကြေညာရမှုစစ်ကောင်စီအနေဖြင့်ထိန်းချုပ်နိုင်မှုများစွာအားနည်းကြောင်းဝန်ခံခြင်းဖြစ် ▪︎“ဒီမြို့နယ်တွေဆိုရင် စစ်ကောင်စီက သူ့တပ်ရှိတယ်ဆိုရင် တပ်ထဲက အပြင်တောင်မှ ထွက်ရဲတဲ့ မြို့နယ်တွေမဟုတ်တော့ဘူး” စစ်အာဏာရှင် တိုက်ဖျက်ရေး တစ်နှစ်တာ အစီအစဉ်အတိုင်း ဆက်လက် အကောင်အထည်ဖော်သွားမည်ဖြစ်ပြီး စစ်ဒေသအလိုက်လွတ်မြောက်ရေး၊ ထိုမှတဆင့် တစ်နိုင်ငံလုံးအတိုင်းအတာ လွတ်မြောက်ရေးကို ဆောင်ရွက်ရန် စီမံချက်ချထားကြောင်း အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီး ဦးရည်မွန်က ပြောသည်။...

သတင်း

စစ်ကောင်စီတပ်သည် ထန်တလန်မြို့နယ်ရှိ ချင်းအမျိုးသားတပ်ဦး(CNF/CNA) ဌာနချုပ်နှင့် မင်းတပ်မြို့နယ်ရှိ ချင်းကာကွယ်ရေးတပ်(CDF) တပ်စခန်းနေရာ၊ ပြည်သူလူထုနေထိုင်ရာနေရာများကို လေကြောင်းမှ ဗုံးကြဲတိုက်ခိုက်ခဲ့ခြင်းဖြစ်သည်။