ကရင်အမျိုးသားလွတ်မြောက်ရေးတပ်မတော်(KNLA) တပ်ရင်း(၂၇) ကော်ဘရာစစ်ကြောင်း လုံခြုံရေးတာဝန်ယူထားသည့် လေးကေ့ကော်မြို့သစ်အနီးရှိ တောင်ကုန်းများသို့ စစ်ကောင်စီတပ်က အမျိုးအမည် စိစစ်ဆဲဗုံးများ အသုံးပြုကြဲချတိုက်ခိုက်ခဲ့ကြောင်း ကော်ဘရာ စစ်ကြောင်းက သတင်းထုတ်ပြန်သည်။
ယမန်နေ့(အောက်တိုဘာ ၂၂ရက်) ည ၁၁နာရီခွဲခန့်တွင် မှော်ဘီလေတပ်စခန်းမှ ပျံတက်လာခဲ့သည့် တိုက်လေယာဉ် နှစ်စီးသည် လေးကေ့ကော်မြို့သစ်အနီးရှိ တောင်ကုန်းများသို့ နှစ်ကြိမ် ဗုံးကြဲတိုက်ခိုက်ခဲ့သည်ဟု ဖော်ပြထားသည်။
အဆိုပါတိုက်ခိုက်မှုကြောင့် တောတောင်များ ပျက်စီးမှုဖြစ်ခဲ့သော်လည်း ကော်ဘရာစစ်သည်တော်များ ထိခိုက်ကျဆုံးမရှိကြောင်း အသိပေးထားသည်။
စစ်ကောင်စီမှ ကြဲချတိုက်ခိုက်လာသည့် လေလာဉ်ဗုံး အကြွင်းအကျန်များကိုလည်း အများပြည်သူ သိရှိလေ့လာနိုင်ရန်အတွက် ကော်ဘရာစစ်ကြောင်းက ဓာတ်ပုံမှတ်တမ်းများနှင့်အတူ ထုတ်ပြန်ဖော်ပြခဲ့သည်။
Public Service Announcement
ကော်ဘရာပါဝင်သည့် ပူးပေါင်းတပ်ဖွဲ့များနှင့် စစ်ကောင်စီတပ်တို့ မြ၀တီ – ဝေါ်လေလမ်း အနီးတဝိုက်၌ တိုက်ပွဲများ ဆက်တိုက်ဖြစ်ပွားလျက်ရှိရာ အောက်တိုဘာ ၂၂ရက်တိုက်ပွဲ၌ စစ်ကောင်စီတပ်က လေးဦး သေဆုံးခဲ့သည်။
အောက်တိုဘာ ၁၉ရက် တိုက်ပွဲတွင်လည်း ကော်ဘရာစစ်ကြောင်းမှ စနိုက်ပါစစ်သည်တော်၏ လက်ချက်ကြောင့် တပ်မ(၄၄)မှ ဗျူဟာမှူး ဗိုလ်မှူးကြီး ဝင်းမင်းဦး သေဆုံးခဲ့သည်။
