စစ်ကိုင်းတိုင်း ပုလဲမြို့တွင် ဒေသခံပြည်သူများထံမှ ရိက္ခာများလုယူလာသည့် စစ်ကောင်စီတပ်သားများနှင့် ပျုစောထီးများ နေရပ်ပြန်လာစဉ် ပြည်သူ့ကာ ကွယ်ရေးတပ်များက ကြားဖြတ်တိုက် ခိုက်ခဲ့ပြီး ရိက္ခာအချို့ ပြန်ရယူနိုင်ခဲ့သည်။
ယနေ့(အောက်တိုဘာ၂၉ရက်) နံနက်က အင်မထီးပျူစောထီးကျေးရွာမှ စစ်ကောင်စီတပ်သားများနှင့် ပျုစောထီးများသည် ဘေးပတ်ဝန်းကျင်ရှိ ကမ်းဒေါင့် ကျေးရွာမှ ဒေသခံများ၏ စားနပ်ရိက္ခာများကို ခြိမ်းခြောက်လုယူပြီး လှည်းဖြင့် သယ်ဆောင်လာစဉ် ပြည်သူ့ကာကွယ်ရေးတပ်များက ကြားဖြတ်တိုက်ခိုက်ခဲ့ခြင်း ဖြစ်သည်။
“အင်မထီးက ပျူရွာ။ အဲ့ဒီရွာမှာ စစ်တပ်က တပ်စွဲထားပြီး သူတို့ ရိက္ခာအတွက် အခြားရွာတွေကနေ မကြာခဏ သွားသွားယူတာ။ အနိုင်ကျင့်ယူကြတာ”ဟု ပုလဲမြို့နယ်ပြည်သူကာကွယ်ရေးအဖွဲ့ တာဝန်ရှိသူတစ်ဦးက ပြောသည်။
ကန့်ဒေါင့်မှ ရိက္ခာများယူဆောင်ပြီး အင်မထီးကျေးရွာသို့ လှည်းအစီး(၅၀)ခန့်ဖြင့် ထွက်ခွာလာသော အကြမ်းဖက်စစ်ကောင်စီတပ်သားများနှင့်ပျူစောထီးများကို တိုက်ခိုက်ခဲ့သည်ဟု ပုလဲအခြေစိုက်၊ယင်းမာပင်ခရိုင်အမှတ်(၈)တပ်ရင်းက သတင်းထုတ်ပြန်ထားသည်။
Public Service Announcement
လှည်းတစ်စီး၊ဆန်တစ်အိတ်၊စားဆီတစ်ပုံး၊ ဓာတ်ဆီတစ်ပေပါနှင့် ဒီဇယ်တစ်ပေပါပြန်လည်ရရှိခဲ့သည်ဟု ထုတ်ပြန်ထားသည်။
အဆိုပါတိုက်ခိုက်မှုကို ယင်းမာပင်ခရိုင် တပ်ရင်း (၇)၊ တပ်ရင်း(၈)၊တပ်ရင်း(၁၉)၊ PRA နှင့် ဒေသခံPDFများပူးပေါင်း၍ တိုက်ခိုက်ခဲ့ခြင်းဖြစ် သည်။
စစ်ကောင်စီဘက်မှ ထိခိုက်သည့်စာရင်းကို မသိရှိရသေးဘဲ ပြည်သူ့ကာကွယ်ရေး ရဲဘော်များအကျဆုံးမရှိအောင်မြင်စွာ ဆုတ်ခွာနိုင်ခဲ့သည်ဟု ပုလဲအခြေစိုက်၊ ယင်းမာပင်ခရိုင်အမှတ်(၈) တပ်ရင်းက ထုတ်ပြန်ထားသည်။
