Connect with us

Hi, what are you looking for?

သတင်း

မန္တလေးမှာ ရဲစခန်းကနေ အိုးဘိုထောင်ကိုသွားတဲ့ အချုပ်ကား ဗုံးပစ်ခံရ

အဲဒီအချုပ်ကားဟာ ချမ်းမြသာစည်မြို့နယ် ၊အမှတ် ၁၁ ရဲစခန်းကနေ အိုးဘိုထောင်ကိုအသွား ၇၈ လမ်းနဲ့ ၄၁ လမ်းကိုရောက်ချိန်မှာ ဗုံးနဲ့အပစ်ခံလိုက်ရတာပါ။

ဗုံးပစ်သွင်းတိုက်ခိုက်ခံရ​​သောအချုပ်ကား ။ ။ဓါတ်ပုံ-CJ
ဗုံးပစ်သွင်းတိုက်ခိုက်ခံရ​​သောအချုပ်ကား ။ ။ဓါတ်ပုံ-CJ

ဒီနေ့မနက်ပိုင်းက မန္တလေးမှာ ရဲစခန်းကနေ အိုးဘိုထောင်ကို သွားတဲ့ အချုပ်ကားတစ်စီး လမ်းခုလတ်မှာ ဗုံးနဲ့ပစ်ခံရလို့ ရဲတပ်ဖွဲ့ဝင် ၂ ဦး ထိခိုက်ဒဏ်ရာရသွားတယ်လို့စစ်အုပ်စုဘက်က သတင်းထုတ်လာပါတယ်။

အဲဒီအချုပ်ကားဟာ ချမ်းမြသာစည်မြို့နယ် ၊အမှတ် ၁၁ ရဲစခန်းကနေ အိုးဘိုထောင်ကိုအသွား ၇၈ လမ်းနဲ့ ၄၁ လမ်းကိုရောက်ချိန်မှာ ဗုံးနဲ့အပစ်ခံလိုက်ရတာပါ။

အမည်မသိသူနှစ်ဦးက ကားခေါင်းခန်းအတွင်းကို ဗုံးပစ်သွင်းတိုက်ခိုက်ခဲ့တာဖြစ်ပြီး​တော့ ပေါက်ကွဲမှုကြောင့် ကားမှန်များကြေမွသွားတဲ့အပြင် ယာဥ်မောင်းနဲ့အတူပါလာတဲ့ရဲမေနှစ်ဦး ဒဏ်ရာရသွားတာဖြစ်တယ် ဒေသခံ​တွေက ပြောပါတယ်။

Public Service Announcement
Public Service Announcement

“အရမ်းပြင်းတဲ့ဗုံးပဲ။ ရဲနှစ်​ယောက်အ​တော်​လေးထိသွားတယ်”လို့ အခင်းဖြစ်တာ​တွေ့လိုက်ရတဲ့ပြည်သူတစ်ဦးက ​ပြောပါတယ်။

Public Service Announcement

Public Service Announcement

ဗုံးပစ်တိုက်ခိုက်ခံရမှုကြောင့် ဒဏ်ရာရရှိသွားသော ရဲမေ နှစ်ဦးကို လူမှုကူညီရေးအသင်းကားနဲ့ နန်းတွင်း စစ် ဆေးရုံးသို့ ပို့ဆောင်လိုက်တယ်လို့ သိရပါတယ်။

စစ်အုပ်စုရဲ့သတင်းထုတ်ပြန်ချက်မှာတော့ ဒဏ်ရာရသွားတဲ့ ရဲ ၂ ဦးဟာ အမျိုးသမီးတပ်ဖွဲ့ဝင်တွေဖြစ်ကာ တစ်ဦးကတော့ အရာရှိဖြစ်တယ်လို့ဆိုထားပါတယ်။

တိုက်ခိုက်ခံရတဲ့အချိန်ဟာ မနက် ၁၀ နာရီဝန်းကျင်ဖြစ်ကာ ရဲစခန်းကနေ ထွက်ခွာလာချိန်မှာဖြစ်တာကြောင့် အချုပ်ကားပေါ်မှာ အချုပ်သားပါလာတာမရှိဘူးလို့ စုံစမ်းသိရပါတယ်။

ဆက်စပ်သတင်းများ

သတင်း

မန္တလေးမြို့မှာ မိုးသည်းထန်စွာ ရွာသွန်းနေချိန် ၂၁ မိုင်အနီး ဗဟိုပြုပြီး အင်အား ၄.၀ အဆင့်ရှိ အင်အားအနည်းငယ်ရှိတဲ့ မြေငလျင်တစ်ခု လှုပ်ခတ်သွားကြောင်း သတင်းရရှိပါတယ်။

သတင်း

မန္တလေးမြို့မှာ မိုးသည်းထန်စွာ ရွာသွန်းလို့ ရေကြီးရေလျှံတာ၊ သစ်ပင်လဲပြိုတာနဲ့ ယာဥ်တွေ လမ်းချော်တိမ်းမှောက်တာတွေ ဖြစ်ပွားခဲ့ကြောင်း ဒေသခံတွေက ပြောပါတယ်။

သတင်း

မန္တလေး-မုံရွာလမ်းပိုင်းကုန်ကားတွေကို စစ်တပ်က တရားမဝင် ငွေတောင်းခံမှု သိန်းဂဏန်းတွေအထိ တိုးတောင်းလာတာကြောင့် ကုန်ကားသမားတွေ ပိုပြီးအခက်အခဲ တွေ့နေရတယ်လို့ ယာဉ်မောင်းတွေက ပြောပါတယ်။

သတင်း

မန္တလေးမြို့၊ မဟာအောင်မြေမြို့နယ်က သမိုင်းဝင် စီးတော်မြင်းဝန်ကျောင်း မီးလောင်ကျွမ်းမှုဖြစ်ပွားပြီး သံဃာ ၂ ပါး ဒဏ်ရာရကာ ကျောင်းအဆောင်တွေနဲ့ ကား ၃ စီးထက်မနည်း မီးလောင်ပျက်စီးခဲ့ပါတယ်။

Facebook