တော်လှန်ရေးအဖွဲ့တွေ ဝင်ရောက်စီးနင်းတိုက်ခိုက်ခဲ့တဲ့ မန္တလေးတိုင်း၊ ညောင်ဦးမြို့နယ်ထဲက ငါ့သရောက် ရဲစခန်း ရဲ့ အနီးက နေအိမ်အချို့ မီးရှို့ ခံလိုက်ရပါတယ်။
င့ါသရောက် ရဲစခန်းကို အောက်တိုဘာလ ၂၉ ရက်က တော်လှန်ရေးအဖွဲ့တွေ စီးနင်းခဲ့တာဖြစ်ပြီး ၃ ရက်အကြာ နိုဝင်ဘာလ ၁ ရက် ညနေပိုင်းမှာတော့ ရဲစခန်း နားကအိမ်အချို့မီးရှို့ခံခဲ့ရပါတယ်။
စစ်အုပ်စု ဘက်က PDF တွေဟာ နေအိမ်တွေကို မီးပုလင်းပစ်ပြီး မီးရှို့တာလို့ သတင်းဖြန့်နေကြပါတယ်။
ဒါပေမယ့် ရဲစခန်း စီးနင်းခံရတဲ့ အောက်တိုဘာလ ၂၉ ရက်ကတည်းက စစ်ကောင်စီတပ်ဟာ ငါ့သရောက်ဒေသမှာ အင်အားအလုံးအရင်းနဲ့ရောက်နေတာကြောင့် တော်လှန်ရေးအဖွဲ့တွေ လာရောက်ဖို့မဖြစ်နိုင်ကြောင်း ဒေသခံတစ်ဦးကပြောပြပါတယ်။
Public Service Announcement
“PDFကလာရှို့ဖို့နေနေသာပါဗျာ ၊ကျွန်တော်တို့တောင် ဆွဲခံရမှာကြောက်လို့ရှောင်နေရတာ၊ နေရာတိုင်းဒီကောင်တွေပဲရှိနေတာ “လို့ ငါ့သရောက်ဒေသခံကတစ်ဦးကပြောပါတယ်။
ဒါအပြင် ငါ့သရောက် ဒေသမှာ စစ်ကောင်စီတပ်ဟာ ကင်းပုန်းဝပ်တာတွေလည်းရှိနေတယ်လို့ သိရပါတယ်။
င့ါသရောက်ဟာ မန္တလေးတိုင်း ၊ညောင်ဦးမြို့နယ်ထဲက မြို့နယ်ခွဲ တစ်ခုဖြစ်ပြီး ပုဂံမြို့ကနေ ၁၂ မိုင်သာသာ ကွာဝေးတဲ့ဒေသဖြစ်ပါတယ်။
