စစ်ကိုင်းတိုင်း ကလေးမြို့နယ်တောင်ပိုင်းသို့ စစ်ကြောင်းထိုးလာသည့် စစ်ကောင်စီတပ်ကို မိုင်းဆွဲတိုက်ခိုက်ခဲ့ရာ သုံးဦးသေဆုံးထိခိုက်ရှိခဲ့ကြောင်း ကလေးမြို့နယ်ပြည်သူ့ကာကွယ်ရေးတပ်(PDF)က သတင်းထုတ်ပြန်သည်။
ယမန်နေ့(နိုဝင်ဘာ ၃ရက်)က ကလေးမြို့မှ ထွက်ခွာလာသည့် အင်အား ၈၀ကျော်ပါ စစ်ကောင်စီတပ်ကို မြို့ကြီးကုန်းနှင့် နည်းပညာတက္ကသိုလ် (ကလေး) ကြား၌ ကလေး PDF မိုင်းတပ်ဖွဲ့က အသင့်တပ်ဆင်ထားသည့် မိုင်းဖြင့် ဖောက်ခွဲတိုက်ခိုက်ခဲ့သည်ဟု ဆိုသည်။
အဆိုပါ တိုက်ခိုက်မှုကြောင့် စစ်ကောင်စီတပ်မှ သုံးဦး သေဆုံးပြီး ဒဏ်ရာရသူများလည်း ရှိခဲ့ကြောင်း ကနဦး သိရသည်ဟု ထုတ်ပြန်သည်။
စစ်ကောင်စီတပ်က အနီးဝန်းကျင်သို့ မိနစ်အတန်ကြာ ပစ်ခတ်ခဲ့ကြောင်းဖော်ပြထားသည်။
Public Service Announcement
စစ်ကောင်စီတပ်သည် အောက်တိုဘာ ၃၁ရက်က နည်းပညာ တက္ကသိုလ်(ကလေး)အနီးတွင် အပြစ် မဲ့ ပြည်သူ သုံးဦးကို ဖမ်းဆီးသွားကြောင်း၊ ယင်းနေ့၌ပင် စစ်ကောင်စီတပ်က လက်နက်ကြီးဖြင့် ပစ်ခတ်၍ ထောက်ကြန့်ကျေးရွာရှိ စပါးကျီနှင့် နွားစာတိုက်ပေါ်သို့ ကျရောက်ခဲ့ပြီး သက်ကြီးရွယ်အို အမျိုးသမီးတစ်ဦး ထိခိုက်ဒဏ်ရာရရှိခဲ့ကြောင်း ထုတ်ပြန်ထားသည်။
