ဒီနေ့ ညနေပိုင်းမှာ ပြင်ဦးလွင် တန်ဆောင်တိုင် မီးပုံးပျံပွဲ ဖွင့်ပွဲကို စစ်ကောင်စီက ဦးဆောင်ကျင်းပရာမှာ အာဏာမသိမ်းခင်နှစ်တွေကလို စည်းကားတာမရှိဘဲ ခြောက်ကပ်နေတယ်လို့ သိရပါတယ်။
ဖွင့်ပွဲ ကျင်းပဖို့ ညနေ ၅ နာရီမှာစတင်နေရာယူကြပြီး ညနေ ၆ နာရီမှာ စတင်ဖွင့်လှစ်ခဲ့ပေမယ့် လာရောက်ကြည့်ရှုသူနည်းပါးတယ်လို့ ပြင်ဦးလွင်မြို့ခံတစ်ဦးကပြောပါတယ်။
“အရင်က မီးပုံးပျံဖွင့်ပွဲဆို ညနေ ၄နာရီလောက်ကစတင်ပြီး လမ်းတွေပိတ်ပြီ” လို့အဲဒီပြင်ဦးလွင် မြို့ခံက ပြောပါတယ်။
ဒီနှစ်မှာတော့ မီးပုံးပျံဖွင့်ပွဲကျင်းပပေမယ့် ပုံမှန်နေ့တွေလို ပဲဖြစ်နေတယ်လို့ သိရပါတယ်။ မြို့ခံတွေလည်း မသွားကြဘူးလို့သိရပါတယ်။
Public Service Announcement
စစ်ကောင်စီဟာ အာဏာသိမ်းပြီးကတည်းက နိုင်ငံအတွင်း ပုံမှန်လည်ပတ်နေသယောင် ပြသနိုင်ဖို့ ပွဲတော် တွေကို အားထုတ်ကျင်းပခဲ့ပါတယ်။
ဒါပေမယ့် လူထုက ပူးပေါင်းပါဝင်တာမရှိလို့ စစ်ကောင်စီရဲ့ပွဲတော်တွေဟာ စည်စည်ကားကားဖြစ်တာမတွေ့ရပါဘူး။
