တပ်မြို့ ပြင်ဦးလွင်မှာ တန်ဆောင်တိုင်ပွဲတော် ကျင်းပဖို့ အတွက် စစ်အုပ်စုဟာ ပြီးခဲ့တဲ့ ရက်ပိုင်းက လုပ်ငန်းရှင်တွေကို ခေါ်ယူကာ အလှူငွေကောက်ခံတာတွေလုပ်နေတယ်လို့သိရပါတယ်။
” တန်ဆောင်တိုင်ပွဲအတွက် အစည်းဝေးခေါ်တယ်ဗျ၊ မဖြစ်ဖြစ်အောင်တော့ တန်ဆောင်တိုင်ပွဲလုပ်မယ်၊ ပွဲတော်အတွက်ငွေလိုတယ်ဆိုပြီး အလှူငွေတော့ ကောက်တယ်”လို့ဟိုတယ်လုပ်ငန်းရှင်တစ်ဦးနဲ့ နီးစပ်သူက ပြောပြပါတယ်။
ပြင်ဦးလွင်တန်ဆောင်တိုင်ပွဲတော်ကို နိုဝင်ဘာလ ၄ရက်ကနေ နိုဝင်ဘာလ ၈ ရက်အထိကျင်းပဖို့ စစ်အုပ်စုက စီစဉ်ထားပါတယ်။
ပွဲတော်ကို ယခင်ကျင်းပနေကြ ပြည်ချစ်ဘုရားရှေ့ ကွင်းပြင်မှာ ပြုလုပ်မှာဖြစ်ပါတယ်။
Public Service Announcement
စစ်အုပ်စုဟာ တောင်ကြီးတန်ဆောင်တိုင်ပွဲပြုလုပ်ဖို့ လုံခြုံရေးစိတ်မချရတာကြောင့် ပြင်ဦးလွင်တန်ဆောင်တိုင်ကို အစည်ကားဆုံးဖြစ်အောင်ပြုလုပ်ဖို့ကြံရွယ်နေတာလို့ စစ်အုပ်စုနဲ့နီးစပ်သူတစ်ဦးကပြောပါတယ်။
ဒါ့ကြောင့် ပြင်ဦးလွင် တန်ဆောင်တိုင်းကွင်းမှာ ရောင်းချမယ့် ဆိုင်ခန်းဈေးနှုန်းဟာလည်း ယခင်သတ်မှတ်ဈေးထက် တိုးမြှင့်ထားတယ်လို့ သိရပါတယ်။
