Connect with us

Hi, what are you looking for?

LuduNwayOo

သတင်း

စစ်အုပ်စု၏ ပစ်မှတ်ထားခံရခြင်းကြောင့် စမ်းချောင်းပင်မသပိတ်စစ်ကြောင်းအဖွဲ့သားများ ရန်ကုန်ကို စွန့်ခွာ

ယခုအခါ စမ်းချောင်းပင်မသပိတ်စစ်ကြောင်းအဖွဲ့သားအားလုံးသည် လွတ်မြောက်နယ်မြေသို့ ရောက်ရှိနေပြီဖြစ်ပြီး လုံခြုံဘေးကင်းစွာရှိနေပြီဟု အသိပေးသည်။

စစ်အုပ်စု၏ ပစ်မှတ်ထားခံရခြင်းကြောင့် စမ်းချောင်းပင်မသပိတ်စစ်ကြောင်းအဖွဲ့သားများ ရန်ကုန်ကို စွန့်ခွာ
စစ်အုပ်စု၏ ပစ်မှတ်ထားခံရခြင်းကြောင့် စမ်းချောင်းပင်မသပိတ်စစ်ကြောင်းအဖွဲ့သားများ ရန်ကုန်ကို စွန့်ခွာ

စစ်အုပ်စု၏ ပစ်မှတ်ထားခံရခြင်းကြောင့်အဖွဲ့သားများအားလုံး ရန်ကုန်ကိုစွန့်ခွာခဲ့ရကြောင်း စမ်းချောင်းပင်မသပိတ်စစ်ကြောင်းက ပြောသည်။

သပိတ်စစ်ကြောင်းမှ အဖွဲ့သားများကို စစ်အုပ်စုကပစ် မှတ်ထားကာ ဖမ်းစီရန်လုပ်ဆောင်နေ၍ ရန်ကုန်မြို့ပေါ်တွင် မည်သို့မျှနေထိုင်မရတော့ခြင်း၊ လုံခြုံရေးအခြေအနေများအရ အန္တရာယ်အသီးသီးကိုဖြတ်ကာ ရန်ကုန်မြို့ကိုစွန့်ခွာပြီး လွတ်မြောက်နယ်မြေသို့ ထွက်ခွာခဲ့ရသည်ဟု ဆိုသည်။

ယခုအခါ စမ်းချောင်းပင်မသပိတ်စစ်ကြောင်းအဖွဲ့သားအားလုံးသည် လွတ်မြောက်နယ်မြေသို့ ရောက်ရှိနေပြီဖြစ်ပြီး လုံခြုံဘေးကင်းစွာရှိနေပြီဟု အသိပေးသည်။

“ရန်ကုန်ရဲဘော်များဟာ မြေပြင်မှာ အသက်ပေးပြီး တော်လှန်ရေးအတွက်အခက်အခဲကြားလုပ်ဆောင်နေပါတယ်။ ရန်ကုန်လူထုအနေနဲ့ စစ်ကောင်စီသဘောကျစေသော လူစုလူဝေးပွဲလမ်းသဘင်များကို မပါဝင်ကြဖို့တောင်းဆိုပါတယ်”ဟု စမ်းချောင်းပင်မသပိတ်စစ်ကြောင်းမှ ရဲဘော်တစ်ဦးက ပြောသည်။

ထို့အပြင် ရန်ကုန်ပြည်သူများအနေဖြင့် အပျော် အပါးထက် တော်လှန်ရေးကိုပိုအာရုံစိုက်ပေးကာ တော်လှန်ရေးရဲဘော်များကို တက်နိုင်သည့်ဘက်က ကူပေးလှူပေးကြရန် ၎င်းရဲဘော်က တိုက်တွန်းသည်။

စမ်းချောင်းပင်မသပိတ်စစ်ကြောင်းမှ ရဲဘော်များအနေဖြင့်လည်း လွတ်မြောက်နယ်မြေတွင် စစ်အာဏာရှင်အမြစ်ဖြတ်ရေးအတွက် တော်လှန်ရေးလုပ်ငန်းများကိုဆက် လက်ဆောင်ရွက်သွားမည်ဖြစ်ပြီးများမကြာမှီတစ်ချိန်တွင် ရန်ကုန်မြို့သို့ အောင်ပွဲနှင့်အတူ ပြန်လာမည်ဖြစ်ကာ “ငါမသေ ငါ့အလံမကျစေရ”ဟူသော စိတ်ဓာတ်ကိုင်စွဲပြီးဆက်လက်တိုက်ပွဲဝင်သွားမည်ဟု သတင်းစကားပါးထားသည်။

You May Also Like

သတင်း

ယနေ့(နိုဝင်ဘာ ၂၈ ရက်)နံနက်၇ နာရီ ၄၅မိနစ်ခန့်တွင် ပျူစောထီးများပါဝင်သည့် စစ်ကောင်စီတပ်သည် ဇီးပြားရဲစခန်းမှ ထွက်လာပြီး လမ်းတစ်လျှောက်တွင် ဒေသကာကွယ်ရေးတပ်ဖွဲ့များနှင့် ထိတွေ့ပစ်ခတ်မှုများ ဖြစ်ပွားခဲ့သည်။

သတင်း

စစ်ကောင်စီတပ်သည် ပြီးခဲ့သည့် နိုဝင်ဘာလ ၂၃ ရက်ကလည်း ပေါက်မြို့နယ်စသိန်းရွာအား မီးရှို့ဖျက်ဆီးခဲ့ရာ အိမ်ခြေ ၂၄၁လုံးမီးလောင်ပျက်စီးခဲ့ပြီး ဒေသတွင်းအဖွဲ့များနှင့်လည်း တိုက်ပွဲဖြစ် ပွားခဲ့သေးသည်။

သတင်း

စစ်ကောင်စီတပ်သည် မြစ်တော်ရွာ၌အဘိုးအိုတစ်ဦးကို ပစ်သတ်သွားကြောင်း Khin U Special Force Organization-KSO အဖွဲ့က ပြောသည်။

သတင်း

ယခုအခါ စစ်ကောင်စီတပ်သည် အဆိုပါယူနီဖောင်းများဝတ်ဆင်ပြီး ကျေးရွာများကို မီးလိုက်ရှို့ခြင်း၊ အများပြည်သူနေအိမ်များကိုဖျက်ဆီးခြင်းများ ပြုလုပ်ကာ တပ်ရင်းကို အများပြည်သူအထင်လွဲအောင် လုပ်ဆောင်နေကြောင်း ဗိုလ်စွန်ရဲက ပြောသည်။