စစ်ကောင်စီတပ်မှ သေဆုံးထိခိုက်ရှိ
စစ်ကောင်စီတပ်မှ သေဆုံးထိခိုက်ရှိမကွေးတိုင်း ရေစကြိုမြို့ပေါ်ရှိ စစ်ကောင်စီတပ်စွဲထားသည့်နေရာအချို့ကို ယနေ့ညနေပိုင်း၌ ဝင်ရောက်တိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်ရှိခဲ့ကြောင်း ရေစကြိုမြို့နယ် ပြည်သူ့ကာကွယ်ရေးတပ်ဖွဲ့(ပကဖ) တာဝန်ခံ ရဲဘော်ဝေကြီးက ပြောသည်။
“ရေလယ်ကျွန်းနဲ့ မြောင်ဘက်မှာ မြစ်အရှေ့ဘက်မှာ သူတို့ စစ်ကြောင်းထိုးပြီး ရွာတွေမီးရှို့နေတာပေါ့။ မီးရှို့နေတဲ့အချိန်မှာ ကျနော်တို့ မြို့နယ် ပကဖအနေနဲ့ မြို့ပေါ်မှာရှိတဲ့ စကစ တပ်စွဲထားတဲ့နေရာတွေ ဝင်တိုက်တာ”ဟု ၎င်းက ဆိုသည်။
ထိုသို့ တိုက်ခိုက်ရာတွင် စစ်ကောင်စီတပ်နှင့် ပျူများ ဆေးကုနေသည့် ဆေးရုံကို ဝင်ရောက်တိုက်ခိုက်ခဲ့သည်ဟု ဆိုသည်။
“ဒဏ်ရာရတဲ့ စစ်ဗိုလ်တွေရော ပျူခေါင်းဆောင် ရော အဲဒီမှာ ဆေးကုနေတာ။ အဲဒီမှာ လုံခြုံရေးတင်းကျပ် ထားတယ် ကျနော်တို့ အဲဒီဆေးရုံကို ဝင်တိုက်တာ။ ခွေးနှစ်ကောင်သေတယ်။ တစ်ကောင်ဒဏ်ရာရတယ်”ဟု ရဲဘော်ဝေကြီးက ပြောသည်။
Public Service Announcement
တိုက်ခိုက်မှု အခြေနေနှင့်ပတ်သက်ပြီး သတင်းအချက်အလက်နှင့် ရုပ်သံမှတ်တမ်းကို မကြာမီ ထုတ်ပြန်ပေးမည်ဟုလည်း ရဲဘော်ဝေကြီးက ၎င်း၏ Facebook တွင် အသိပေးထားသည်။
