ပြီးခဲ့တဲ့ အောက်တိုဘာလကုန်ပိုင်းက ဖမ်းဆီးခံရတဲ့ မန္တလေးသပိတ်အင်အားစုတွေရဲ့ ဆရာတော် တစ်ပါးနဲ့လူငယ် လေးဦးကို နိုင်ငံမတည်မငြိမ်ဖြစ်အောင်လှုံဆော်မှု ရာဇသတ်ကြီးပုဒ်မ ၅၀၅ (က)နဲ့ ထောင် သုံးနှစ်စီချလိုက်တယ်လို့သိရပါတယ်။
ထောင်ချခံရသူတွေဟာ မန္တလေးသံဃသမဂ္ဂ ဦးဆောင်ဆရာတော်တစ်ပါးဖြစ်သူ ဦးကလျာဏ (ခ) ဦးယောကြီး၊ မန္တလေး သပိတ်အင်အားစုမှ သပိတ်တတ်ကြွလှုပ်ရှားသူ ကိုပိုင်နွေဦး၊ ကိုဥက် (ခ) ကိုကောင်းခန့်ဇော်၊ ကိုနေရဲ၊ ကိုဟိန်းမောင်တိုဖြစ်ပါတယ်။
သူတို့ ငါးဦးကို မနေ့က နိုဝင်ဘာလ ၂၄ ရက်မှာ ထောင် သုံး နှစ်စီချလိုက်တာလို့ သံဃသမဂ္ဂ (မန္တလေး ) ကလည်းထုတ်ပြန်ပါတယ်။
ဖမ်းဆီးတရားစွဲခံသူငါးဦးလုံးဟာ တရားရုံးမှာ ဥပဒေပါ အခွင့်အရေးအရ ခုခံချေပခွင့်မပေးဘဲ တဖက်သတ် ထောင်ဒဏ် သုံး နှစ်စီချမှတ်ခံရတယ်လို့လည်းဆိုထားပါတယ်။
Public Service Announcement
တရားရုံးက ရှေ့နေ ငှါးခွင့် ၊ ခုခံချေပခွင့်မပေးဘဲ အမိန့်ချတာဟာ လူတစ်ဦး တစ်ယောက်ချင်းစီရဲ့ အခြေခံလူ့အခွင့်အရေးကိုပြောင်ပြောင်တင်းတင်း ချိုးဖောက်နေတာဖြစ်တယ်လို့လည်း သံဃသမဂ္ဂ (မန္တလေး ) ရဲ့ထုတ်ပြန်ချက်မှာတွေ့ရပါတယ်။
