Connect with us

Hi, what are you looking for?

LuduNwayOo

သတင်း

စစ်ကောင်စီက ပြည်ပသို့ကြက်သွန်နီအလွန်အကျွံတင်ပို့နေခြင်းကြောင့် ပြည်တွင်း၌တစ်ပိဿာကျပ် ၅၀၀၀ခန့်ရှိလာ

မြန်မာနိုင်ငံတွင် ကြက်သွန်နီကို စစ်ကိုင်းတိုင်း၊ မကွေးတိုင်း၊မန္တလေးတိုင်းတို့တွင် အများဆုံးစိုက်ပျိုးကြခြင်းဖြစ်ပြီး နှစ်စဉ် တန်ချိန် ဆယ်သိန်းနီးပါးထွက်ရှိလေ့ရှိသည်။

(ကြက်သွန်နီသည် ဆန်ကဲ့သို့မဟာဗျူဟာစား​သောက်ကုန်မဟုတ်​သော်လည်း ပြည်တွင်း၌ သုံးစွဲမှုများပြား​၍အ​ရေးကြီး​သောသီးနှံဖြစ်သည်။ ဓါတ်ပုံ- MBD)
(ကြက်သွန်နီသည် ဆန်ကဲ့သို့မဟာဗျူဟာစား​သောက်ကုန်မဟုတ်​သော်လည်း ပြည်တွင်း၌ သုံးစွဲမှုများပြား​၍အ​ရေးကြီး​သောသီးနှံဖြစ်သည်။ ဓါတ်ပုံ- MBD)

အာဏာသိမ်းစစ်ကောင်စီက ကြက်သွန်နီကို ပြည်ပသို့ အလွန်အကျွံတင်ပို့နေခြင်းကြောင့် ပြည်တွင်းကြက်သွန်နီ ဈေးမြင့်တက်လာပြီး တပိဿာကို ကျပ် ၅၀၀၀ ခန့်အထိ စံချိန်တင်မြင့်တက်နေကြောင်း ကုန်သည်များကပြောသည်။

​နိုင်ငံခြား​ငွေအသဲအသန်လိုအပ်နေ​သောစစ်ကောင်စီကကြက်သွန်နီကို ဘင်္ဂလားဒေ့ရှ်၊ ထိုင်းနှင့် ဗီယက်နမ်နိုင်ငံများသို့ အပါတ်စဉ် တင်ပို့နေခြင်းကြောင့် ပြည်တွင်းဈေးကွက်အတွင်း ကြက်သွန်နီရှားပါးလာကာဈေးမြင့်တက်လာခြင်းဖြစ်သည်ဟု ကုန်သည်များကပြောသည်။

စစ်ကောင်စီက နယ်စပ်စခန်းများမှတဆင့်ထိုင်းနိုင်ငံသို့တစ်ပါတ်လျှင် ကြက်သွန်နီတန်ချိန် ၁၀၀ ကျော်နှင့် ဗီယက်နမ်နိုင်ငံသို့ တပါတ်လျှင် တန်ချိန် ၃၀ခန့်တင်ပို့နေသည်။ ထိုင်းနိုင်ငံက မြန်မာ့ကြက်သွန်နီကိုတစ်တန်လျှင်ဘတ် လေးသောင်းခွဲအထိပေးယူဝယ်ယူနေသည်ဟုနယ်စပ်မှ ကုန်သည်များက​ပြောသည်။

ဘင်္ဂလားဒေ့ရှ်နိုင်ငံကလည်း မြန်မာ့ကြက်သွန်နီကိုပုံမှန်ဝယ်ယူနေခြင်းဖြစ်ပြီး ဗီယက်နမ်နိုင်ငံကမူယခုနှစ်တွင်မှဝယ်ယူလာခြင်းသည်။ ထိုင်းနိုင်ငံမှလည်းယခုနှစ်တွင်မှ ပိုမိုဝယ်ယူလာခြင်း​ကြောင့် ပြည်တွင်း၌ကြက်သွန်နီရှားပါးလာပြီး​ဈေးဆက်တိုက်တက်လာသည်။

“အရင်က ကြက်သွန်နီတပိဿာမှ ၈၀၀-၁၀၀၀ ကနေ၊ အခု ၅၀၀၀လောက်ကို ဈေးက မတရားတက်သွားတာ”ဟု ရန်ကုန်မြို့မှပြည်သူတစ်ဦးကပြောသည်။

ပြည်တွင်း၌ ၂၀၂၂ မေလတွင် ကြက်သွန်နီ တစ်ပိဿာလျှင် ကျပ် ၁၀၀၀ ခန့်သာရှိခဲ့သည်ဟုကုန်သည်များက​ပြောသည်။

မြန်မာနိုင်ငံတွင် ကြက်သွန်နီကို စစ်ကိုင်းတိုင်း၊ မကွေးတိုင်း၊မန္တလေးတိုင်းတို့တွင် အများဆုံးစိုက်ပျိုးကြခြင်းဖြစ်ပြီး နှစ်စဉ် တန်ချိန် ဆယ်သိန်းနီးပါးထွက်ရှိလေ့ရှိသည်။

စိုက်ပျိုးထုတ်လုပ်မှု၏ ၈၀ ရာခိုင်နှုန်းကိုပြည်တွင်း၌စားသုံးနေခြင်းဖြစ်ပြီး ကျန် ၂၀ ရာခိုင်နှုန်းဖြစ်သည့် တန်ချိန် နှစ် သိန်းခန့်ကို ပြည်ပ တင်ပို့နေခြင်းဖြစ်သည်။

စစ်ကောင်စီက ၂၀၂၁ခုနှစ်မှာ ကြက်သွန်နီ တန်ချိန် နှစ် သိန်းခန့်ကို ပြည်ပကို တင်ပို့ခဲ့သည်။ ကုန်သွယ်​မှုနှင့် ပြည်ပရင်းနှီးမြှပ်နှံမှု​လျော့ကျသွားပြီး ​ဒေါ်လာအရနည်းလာသဖြင့်စစ်​ကောင်စီက နိုင်ငံတစ်ဝန်းပြည်သူများ၏ ခုခံစစ်ပွဲများတွင် တိုက်ခိုက်ရန် ​လေယာဥ်ဆီအပါအဝင် လက်နက်ခဲယမ်းများဝယ်ယူရန် နိုင်ငံခြား​ငွေကိုရနိုင်သ​လောက်ရှာ​ဖွေ​နေသည်။

You May Also Like

သတင်း

ယမန်နေ့(ဒီဇင်ဘာ ၃ ရက်)နံနက်ပိုင်းက ဒီပဲယင်းမြို့မှထွက်လာသော အင်အား ၇၀ခန့်ပါ စစ်ကောင်စီတပ်စစ်ကြောင်းသည် ညနေပိုင်းတွင် ရေဦးနှင့် ဒီပဲယင်းမြို့နယ်စပ် ဆည်ကြီးကျေးရွာသို့ ဝင်ရောက်လာခဲ့သည်။

သတင်း

ဒီလို ကုန်ကျစရိတ်တိုးကောက်ရတာဟာ ဂျပန်ယန်းဈေးနှုန်းအပြောင်းအလဲကြောင့်ဖြစ်တယ်လို့ စစ်ကောင်စီက ဆိုထားပါတယ်။

သတင်း

စစ်ကောင်စီသည် ၎င်းတို့ အာဏာတည်မြဲရေးအတွက် နည်းမျိုးစုံဖြင့် လုပ်ဆောင်မည်ဖြစ်ပြီး ပြည်သူများမည်မျှပင် သေဆုံးစေကာမူ နှိပ်စက် ဖျက်ဆီးမည်ဖြစ်ကြောင်း ရိုက်တာ သတင်းဌာနမှတဆင့် နိုင်ငံတကာသို့ ပြောသည်။

သတင်း

ထိတွေ့ရင်ဆိုင်တိုက်ပွဲများအတွင်း ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၅)ဘက်က စစ်သည်တော် ၉ဦးကျဆုံးခဲ့ပြီး ၂၆ဦး ဒဏ်ရာရခဲ့ကြောင်း အသိပေးထားသည်။