ကရင်အမျိုးသားအစည်းအရုံး(KNU) တပ်မဟာ(၅)နယ်မြေ မူတြော်(ဖာပွန်)ခရိုင်၌ တိုက်ပွဲများ ဖြစ်ပွားခဲ့ပြီး နိုဝင်ဘာလတိုက်ပွဲများ၌ စစ်ကောင်စီနှင့် ၎င်း၏ လက်အောက်ခံ နယ်ခြားစောင့်တပ်(BGF)တပ်ဖွဲ့ဝင် ၆၉ဦးသေဆုံးခဲ့ကြောင်း တပ်မဟာ(၅)က သတင်းထုတ်ပြန်သည်။
နိုဝင်ဘာအတွင်း တပ်မဟာ(၄)နှင့် စစ်ကောင်စီ၊ BGFတပ်များအကြား တိုက်ပွဲ ၁၁၆ကြိမ်ဖြစ်ခဲ့သည်ဟု ဆိုသည်။
အဆိုပါတိုက်ပွဲများ၌ စစ်ကောင်စီတပ်နှင့် ၎င်း၏ခါးပိုက်ဆောင် BGFတပ်ဖက်မှ ၆၉ဉီးသေဆုံးကာ ၅၁ဦး ဒဏ်ရာရခဲ့ပြီး သေဆုံးသူများ၌ တပ်ကြပ်တစ်ဦးပါဝင်ကြောင်းဖော်ပြသည်။ ထို့ဒဏ် ဒဏ်ရာရသူများ၌ ဗိုလ်တစ်ဦးပါဝင်သည်ဟု ဆိုသည်။
ထိတွေ့ရင်ဆိုင်တိုက်ပွဲများအတွင်း ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၅)ဘက်က စစ်သည်တော် ၉ဦးကျဆုံးခဲ့ပြီး ၂၆ဦး ဒဏ်ရာရခဲ့ကြောင်း အသိပေးထားသည်။
Public Service Announcement
နိုဝင်ဘာတိုက်ပွဲများ၌ စစ်ကောင်စီတပ်၏ မော်တော်ယာဉ်တစ်စီးအား ဖျက်ဆီးနိုင်ခဲ့သည်ဟုဆိုသည်။
စစ်ကောင်စီတပ်သည် ပြည်သူလူထုများနေထိုင်ရာနှင့် လုပ်ငန်းခွင်များသို့ လက်နက်ကြီးများ ပစ်ခတ်တိုက်ခိုက်ခဲ့ခြင်းအပြင် လေကြောင်းမှ တိုက်ခိုက်မှုပြုလုပ်ခဲ့ကြောင်း၊ လူနေအိမ် ၊ စာသင်ကျောင်းနှင့် ဘုရားကျောင်းများ ပျက်စီးခဲ့ရကြောင်း ထုတ်ပြန်သည်။ ယင်းသို့ လေယာဉ်ဖြင့်ဗုံးသီးလာရောက်ကြဲချစဉ်အတွင်း လေယာဉ်တင်စက်သေနတ်များပါ အမြောက်အများ တရစပ်ပစ်ခတ်၍ ပြည်သူများသတိဖြင့် နေထိုင်နေကြရသည်ဟု ဆိုသည်။
KNUတပ်မဟာများအနက် တပ်မဟာ(၅)နယ်မြေတွင် တိုက်ပွဲဖြစ်ပွားမှု အများဆုံးဖြစ်ပြီး စစ်ကောင်စီနှင့် BGFတပ်များကို တပ်မဟာ(၅)စစ်သည်တော်များက ပြောက်ကျားနည်းဖြင့် ခြုံခိုခိုက်တိုက်ခိုက်မှုများ နေ့စဉ်လိုလို လုပ်ဆောင်ခဲ့ခြင်းဖြစ်သည်။
