မကွေးတိုင်း၊ ရေစကြိုမြို့နယ် ဗြိဘ(အနောက်) ကျေးရွာသို့ရောက်ရှိလာသော စစ်ကောင်စီတပ် ကို စစ်ကိုင်းနှင့် မကွေးတိုင်း PDFများပေါင်းတိုက်ရာ စစ်အုပ်စုအထိအခိုက်ရှိကြောင်း ပြည်သူကာကွယ် ရေးတပ်ဖွဲ့- ရေစကြိုမြို့နယ် (ပ.က.ဖ) သတင်းနှင့်ပြန်ကြားရေးတာဝန်ခံက ပြောသည်။
ယနေ့ (ဒီဇင်ဘာ ၁၇ရက်)နံနက်ပိုင်းက ရေစကြိုမြို့နယ် ဗြိဘ (အနောက်)ကျေးရွာသို့ ရောက်ရှိလာသော စစ်ကောင်စီ စစ်ကြောင်းအား နံနက် ၁၀နာရီဝန်းကျင်ခန့်က စတင်ကာ မဟာမိတ်များပူးပေါင်းပြီး (၄၀)မမများ၊ အီနာဂါများဖြင့် ပစ်ခတ်တိုက်ခိုက်ခဲ့ကြောင်း ရေစကြို(ပကဖ)အဖွဲ့ သတင်းနှင့် ပြန်ကြားရေးတာဝန်ခံက ပြောသည်။
ထိုသို့ ပစ်ခတ်တိုက်ခိုက်မှုကြောင့် စစ်ကောင်စီတပ်ဖွဲ့ဝင် ငါးဦးခန့် ထိခိုက်သေဆုံးနိုင်ပြီးဘုန်းကြီးကျောင်းထဲတွင် ဆေးကုနေကြောင်း သိရသည်ဟု ရေစကြို(ပကဖ)အဖွဲ့ သတင်းနှင့် ပြန်ကြားရေးတာဝန်ခံက ပြောသည်။
“သူတို့ရှိတဲ့နေရာကို ချဥ်းကပ်တာကိုက တစ်နာရီလောက်တော့ကြာတယ်။သူတို့က မနက်ခင်းကတည်းက ဗြိဘ(အနောက်) ရွာ ဘုန်းကြီးကျောင်းထဲကို ရောက်နေတာ။ အနီးကပ် ကပ်ပြီးစောင့်တာ ဒီကောင်တွေအထွက်ကို။ ဒီကောင်တွေထွက်လာတော့ ရှေ့ပြေးကင်းထောက်အဖွဲ့ကို မိုင်းဆွဲတယ်။ မိုင်းဆွဲပြီးတော့ အီနာဂါနဲ့ရော ဒရုန်းနဲ့ချတယ်။ (၄ဝ) မမနဲ့လည်းပစ်တယ်။ အင်အားက ငါးဆယ် ကျော် ခြောက်ဆယ်လောက်ရှိတယ်။”ဟု ၎င်းတာဝန်ခံက ပြောသည်။
Public Service Announcement
အဆိုပါ စစ်ဆင်ရေးကို ပြည်သူ့ကာကွယ်ရေးတပ်ဖွဲ့-ရေစကြိုမြို့နယ်(ပ.က.ဖ)၊Salingyi Special Tesk Force (SSTF)၊N-YSO ပြောက်ကြားတပ်ဖွဲ့ ၊ငဘ ပြောက်ကျားတပ်ဖွဲ့ ၊ဗိုလ်တမာပြောက်ကျားတပ်ဖွဲ့ ၊ Super Fighter PDF တို့ ပူးပေါင်းတိုက်ခိုက်ခဲ့ပြီး ပြည်သူ့ရဲဘော်များ အထိအခိုက်မရှိကြောင်း အသိပေးထားသည်။
ပြီးခဲ့သည့် ရက်ပိုင်းအတွင်းကလည်း ရေစကြိုမြို့နယ်၊ ပခန်းကြီးဒေသတွင် စစ်ကောင်စီတပ်နှင့် ဒေသကာကွယ်ရေးအဖွဲ့များ ထိတွေ့မှုဖြစ်ပွားခဲ့သေးသည်။
