ဝက်လက်နယ်အရှေ့ခြမ်းတွင် စစ်ကောင်စီတပ်ဝင်လာ၍ ပြည်သူများ ညအချိန်မတော်ထွက်ပြေးတိမ်းရှောင်ရ

စစ်ကိုင်းတိုင်း၊ ဝက်လက်မြို့နယ်အရှေ့ခြမ်း၌ ယမန်နေ့ညပိုင်းတွင် စစ်ကောင်စီတပ်က ပစ်ခတ်ကာ ထိုးစစ်ဆင်ဝင်ရောက်လာ၍ မြစ်ဘေးကျေးရွာများက ပြည်သူများ ထွက်ပြေးတိမ်းရှောင်ခဲ့ရကြောင်း ဒေသခံများက ပြောသည်။

ယမန်နေ့ (ဇန်နဝါရီ၁၁ ရက်) ည ၁၁နာရီခန့်က မန္တလေးတိုင်းဘက်မှ ဧရာဝတီမြစ်ကြောင်းအတိုင်း ထိုးစစ်ဆင်လာသော စစ်ကောင်စီတပ်များကြောင့် ဝက်လက်မြို့နယ် အရှေ့ခြမ်းမြစ်ရိုးတစ်လျှောက်ကျေးရွာများ အချိန်မတော်ထွက်ပြေးတိမ်းရှောင်ခဲ့ရကြောင်း ဒေသခံများက ပြောသည်။

စစ်ကောင်စီတ​ပ်သည် စဉ့်ကူးမြို့နယ် ၊စီပင်ကျွန်းရွာဟောင်းဘက်နှင့် မြစိမ်းရွာတို့တွင် နှစ်ဖွဲ့ခွဲ၍ လက်နက်ကြီး နှစ်နေရာ တပ်ဆင်ခဲ့သည်။

ထို့နောက် မြစ်တစ်ဖက်ကမ်းရှိ ဝက်လက်မြို့နယ် အရှေ့ခြမ်း မြစ်ကမ်းဘေးရွာများအား လက်နက်ကြီး ၈ချက်ထပ်မနည်း ပစ်ခတ်ခဲ့ကြောင်း Wetlet Information Ntworkက အသိပေးသည်။

Public Service Announcement

“အဲဘက်ကရွာတွေကတော့ အမြဲလိုလို ပြေးနေရတာပဲ။”ဟု ဝက်လက်နယ်​ဒေသခံတစ်ဦးက ပြောသည်။

စစ်ကောင်စီတပ်သည် ဇန်နဝါရီ ၁၀ရက် ညကတည်းက မန္တလေးတိုင်း၊ စဥ့်ကူးမြို့နယ်၊ ရွာသာယာကျေးရွာမှ အင်အား ၅၀ခန့်ဖြင့် ဝက်လက်မြို့နယ် အရှေ့ခြမ်း မြစ်ရိုးတစ်လျှောက်ရှိ ကျေးရွာများကို လက်နက်ကြီး လက်နက်ငယ်များဖြင့် တရစပ် ​ပစ်ခတ်ခဲ့ကြောင်း ALDFအဖွဲ့ မြေပြင်သတင်းနှင့် ပြန်ကြားရေး Acidက ပြောသည်။