တနင်္သာရီတိုင်း၊ လောင်းလုံးမြို့နယ်တွင် လယ်ယာမြေများ မြေဖို့အကွက်ရိုက် ရောင်းချနေမှုများကို မပြုလုပ်ကြရန် လောင်းလုံးမြို့နယ် ပြည်သူ့အုပ်ချုပ်ရေးအဖွဲ့က ယနေ့ထုတ်ပြန်လိုက်သည်။
တရားဥပဒေစိုးမိုးမရှိချိန်တွင် စစ်ကောင်စီနှင့်အပေါင်းအပါများက လယ်မြေများကို မြေကွက် ဖို့ကာ အကွက်ရောင်းချနေမှုများ လောင်းလုံးမြို့နယ်အတွင်း ကျယ်ကျယ်ပြန့်ပြန့်ဖြစ်လာသော ကြောင့် ယခုလို့ တားမြစ်ရခြင်းဖြစ်သည်ဟု လောင်းလုံးမြို့နယ် ပြည်သူ့အုပ်ချုပ်ရေးအဖွဲ့တာဝန်ရှိသူက ပြောသည်။
“ဒါတွေက တွင်တွင်ကျယ်ကျယ်ဖြစ်ပြီး အခုဆိုရင် လောင်းလုံးမြို့နယ်ရဲ့ အဓိကလမ်းမကြီးတွေပါ မြေဖို့အကွက်ရောင်းတာဖြစ်လာပြီ ။ ဒါတွေက တရားဥပဒေစိုးမိုးမှုမရှိတဲံ့အချိန် စစ်ကောင်စီနဲ့ပေါင်းပြီး မြေကွက်ရိုက်ရောင်းတဲ့သူတွေက အကျိူးမြတ်မျိူးမျိုးမြတ်မြတ်ရသွားပြီး တကယ်ပြည်သူတွေစီက နောက်ပိုင်း ဒီလယ်ယာမြေတွေအတွက် ဥပဒေအကြောင်းအရပြန်လည် လုပ်ကိုင်တဲ့ အခါမှာပြန်လည်သိမ်းဆည်းတာတွေဖြစ်လာမှာ”ဟု လောင်းလုံးမြို့နယ်ပြည်သူ့အုပ်ချုပ်ရေးအဖွဲ့တာဝန်ရှိက ပြောသည်။
ပြည်သူများက အဆိုပါ မြေကွက်များကို ကာလပေါက်ဈေးထက်နည်းပါးသည်ဟု ယူဆကြပြီး လက်လုပ်၊ လက်စားပြည်သူများက ယခုချိန်တွင် ရင်းနှီးမြှပ်နှံထားပါက နောင်တချိန်တွင်ဈေးနှုန်းမြင့်မားနိုင်သည်ဟု ယူဆချက်ဖြင့် ဝယ်ယူနေခြင်းဖြစ်သည်ဟု လောင်းလုံးမြို့နယ် ပြည်သူ့အုပ် ချုပ်ရေးအဖွဲ့တာဝန်ရှိသူက ဆိုသည်။
Public Service Announcement
ထို့ကြောင့် လယ်ယာမြေအား ဖျက်ဆီးခြင်း ၊ မြေဖိုခြင်း ၊ အခြားနည်းဖြင့် အသုံးပြုခြင်းတိုမှာ တရားဝင်မှုမရှိသည့်အပြင် တည်ဆဲဥပဒေအရ ပြစ်မှုမြောက်ခြင်း ၊ဝယ်ယူထားသည့် မြေဧရိယာလည်း ပြန်လည်သိမ်းဆည်း ခံရနိုင်ဖွယ်ရှိခြင်းတိုကြောင့် အဓိကနစ်နာ ဆုံးရှုးမည့်သူ ဝယ်ယူထားသူများပင်ဖြစ်သည်ဟုလည်း ၎င်းက ပြောသည်။
ထိုကြောင့် လယ်ယာမြေများကို တရားမဝင် အကွက်ရိုက်ရောင်းချခြင်များ၊ လယ်ယာမြေများကို ဆက်လက်ဖျက်ဆီးခြင်းများမပြုရန် တားမြစ်လိုက်ခြင်းဖြစ်သည်ဟု ဆိုသည်။
အဆိုပါ တားမြစ်ချက်များကို လက်နက်ကိုင်တပ် ဖွဲ့များဖြစ်သည့် ပကဖနှင့်ကာကွယ်ရေးအဖွဲ့များကလည်း ဆက်လက်ထုတ်ပြန်သွားမည်ဟု ၎င်းက ပြောသည်။
